Ytre Sogn (avis)

Ytre Sogn nyttar betalingsmur for ikkje-abonnentar som vil lesa nettutgåva. Avisa byrja i 2003 med nettavis. Avisa har fleire podkastar, mellom anna «På Sida» og «Tett på».

Ytre Sogn vart starta etter nedlegginga av Sogn Dagblad i 1997, som hadde ført til at Høyanger og distriktet Ytre Sogn stod utan eigne lokalaviser. Ytre Sogn var i starten organisert som eit aksjeselskap med Høyanger Næringsutvikling AS, Ingvald Husebø Prenteverk AS og ei foreining av dei tilsette som eigarar. Ytre Sogn fekk i 2021 Tell Media AS som eigar.

Avisa dekkjer kommunane frå Solund til Høyanger. Dette distriktet ligg også innanfor dekningsområdet til avisa Firda, som er større, og som er Ytre Sogn sin konkurrent. Ytre Sogn er først og fremst ei lokalavis med brei dekning av nyhende og samfunnsliv i nedslagsfeltet. Avisa har alltid hatt nynorsk som målform.

Avisa vart fram til 2006 trykt i Sogn Avis sitt trykkeri på Leikanger, seinare i Førde.

Til og med 2015 gjeld opplagstala berre papirutgåva. Frå 2020 reknar ein netto opplagstal for digitalt abonnement og papirabonnement for andre halvår, etter statistikk frå Mediebedriftenes Landsforening.

• Ytre Sogn kom første gong ut 9. juni 1998.

• norsk presses historie
• Ytre Sogn
• nynorsk

• Ytre Sogn

• Eggum, T. (2009): På trykk. Avisene i Sogn og Fjordane 1874–2009. Førde: Selja Forlag
• Grepstad, O. (2010): Avisene som utvida Noreg. Nynorskpressa 1850–2010. Oslo: Universitetsforlaget