Turdans er eit samlenamn for dansar oppbygde av turar som kjem i fast rekkefølgje og samsvarar med veka, det vil seie repetisjonane, i musikken. Ein tur i denne samanhengen er ei snuing eller ein runde i dansen.
På 1800-talet var omgrepet brukt om kontradansane, dansar som vaks fram først i England og så i Frankrike, og som spreidde seg til heile den vestlege verda. Dei kom også til Noreg, men var mindre brukte her enn i mange andre land.
Då Klara Semb tok til å samla folkedans først på 1900-tallet, brukte ho namnet turdans også på pardansar med turar i fast rekkefølgje, og utvida etter kvart omgrepet turdans til å omfatta all den folkedansen ho fann som ikkje var runddansar, bygdedansar eller songleikar. Slik bruker den delen av folkedansrørsla knytt til Noregs Ungdomslag omgrepet i dag. Det er såleis ein av dei seks hovudgruppene av norsk folkedans.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.