Yesu kutolewa hekaluni

Mkutano wa Bwana, Picha takatifu ya Urusi, karne ya 15.

Yesu kutolewa hekaluni, mchoro wa Giotto, Padova, Italia.

Mfululizo wa kurasa juu ya Yesu
Yesu Kristo na Ukristo Umwilisho  • Utoto wa Yesu  • Ubatizo Arusi ya Kana • Utume wa Yesu • Mifano ya Yesu  • Miujiza ya Yesu Kugeuka sura • Karamu ya mwisho • Msalaba wa Yesu  • Maneno saba Kifo cha Yesu  • Ufufuko wa Yesu Kupaa mbinguni  • Ujio wa pili Injili  • Majina ya Yesu katika Agano Jipya  • Yesu kadiri ya historia  • Tarehe za maisha ya Yesu • Kristolojia
Mazingira ya Yesu Wayahudi • Kiaramu • Bikira Maria • Yosefu (mume wa Maria) • Familia takatifu • Ukoo wa Yesu • Ndugu wa Yesu • Yohane Mbatizaji
Mitazamo juu ya Yesu Mitazamo katika Agano Jipya · Mitazamo ya Kikristo • Mitazamo ya Kiyahudi • Mitazamo ya Kiislamu • Yesu katika sanaa

Yesu kutolewa hekaluni ni tukio la utoto wake, siku arubaini baada ya kuzaliwa, iliyopangwa na Torati kuwa siku ya kumtakasa mama yeyote aliyemzaa mtoto wa kiume.

Siku hiyo aliletwa na Yosefu na Maria katika hekalu la Yerusalemu ili atolewe kwa Mungu, akiwa mtoto wa kiume wa kwanza, akakombolewa kwa sadaka ya fukara. Ndipo alipotambuliwa na kutangazwa na wazee wawili watakatifu, Simeoni na Anna.

Katika Injili

Habari hiyo inasimuliwa na Luka mwinjili tu kama ifuatavyo:

Lk 2:22 Siku zilipotimia za Yosefu na Maria kutakaswa kama walivyotakiwa na Sheria ya Mose, wazazi hao walimchukua mtoto, wakaenda naye Yerusalemu ili wamweke mbele ya Bwana. 23 Katika Sheria ya Bwana imeandikwa: "Kila mzaliwa wa kwanza wa kiume atawekwa wakfu kwa Bwana." 24 Pia walikwenda ili watoe sadaka: hua wawili au makinda wawili ya njiwa, kama ilivyotakiwa katika Sheria ya Bwana.

25 Wakati huo huko Yerusalemu kulikuwa na mtu mmoja, mwema na mcha Mungu, jina lake Simeoni. Yeye alikuwa akitazamia kwa hamu ukombozi wa Israeli. Roho Mtakatifu alikuwa pamoja naye. 26 Roho Mtakatifu alikuwa amemhakikishia kwamba hatakufa kabla ya kumwona Masiha wa Bwana. 27 Basi, akiongozwa na Roho Mtakatifu, Simeoni aliingia Hekaluni; na wazazi wa Yesu walipomleta Hekaluni mtoto wao ili wamfanyie kama ilivyotakiwa na Sheria, 28 Simeoni alimpokea mtoto Yesu mikononi mwake huku akimtukuza Mungu na kusema: 29 "Sasa Bwana, umetimiza ahadi yako, waweza kumruhusu mtumishi wako aende kwa amani. 30 Maana kwa macho yangu nimeuona wokovu utokao kwako, 31 ambao umeutayarisha mbele ya watu wote: 32 Mwanga utakaowaangazia watu wa mataifa, na utukufu kwa watu wako Israeli."

33 Baba na mama yake Yesu walikuwa wakistaajabia maneno aliyosema Simeoni juu ya mtoto. 34 Simeoni akawabariki, akamwambia Maria mama yake, "Mtoto huyu atakuwa sababu ya kupotea na kuokoka kwa watu wengi katika Israeli. Naye atakuwa ishara itakayopingwa na watu; 35 na hivyo mawazo ya watu wengi yataonekana wazi. Nawe mwenyewe, uchungu ulio kama upanga mkali utauchoma moyo wako."

36 Palikuwa na nabii mmoja mwanamke, mzee sana, jina lake Ana, binti Fanueli, wa kabila la Asheri. Alikuwa ameishi na mumewe kwa miaka saba tangu alipoolewa. 37 Halafu alibaki mjane hadi wakati huo akiwa mzee wa miaka themanini na minne. Wakati huo wote alikaa Hekaluni akifunga na kusali usiku na mchana. 38 Saa hiyohiyo alijitokeza mbele, akamshukuru Mungu, na akaeleza habari za huyo mtoto kwa watu wote waliokuwa wanatazamia ukombozi wa Yerusalemu.

39 Hao wazazi walipokwisha fanya yote yaliyoamriwa na Sheria ya Bwana, walirudi makwao Nazareti, mkoani Galilaya. 40 Mtoto akakua, akazidi kupata nguvu, akajaa hekima, na neema ya Mungu ilikuwa pamoja naye.

Katika liturujia na Rozari

Tukio hilo linaadhimishwa na Wakristo wengi siku 40 baada ya Noeli.

Katika Ukristo wa magharibi sikukuu hiyo iliwahi kuitwa pia "Mweuo wa Bikira Maria"; siku yake ni tarehe 2 Februari.

Ukristo wa Mashariki unaiita “Mkutano”, kwa kuwa Yesu alikutana na hao wazee waliowakilisha watu wote wenye imani na furaha kwa kumuona yeye aliye mwanga wa mataifa na utukufu wa watu wake, Israeli.

Wanaosali Rozari wanalitumia tukio hilo kama fungu la nne kati ya mafumbo ya furaha kwa sababu linahusu utoto wa Yesu, ingawa habari yenyewe si ya kufurahisha bali zaidi ya kutia huzuni.

Picha

• 
  Kutolewa Hekaluni kadiri ya Ambrogio Lorenzetti, 1342 (Galleria degli Uffizi, Florence), Italia
• 
  Kristo Kutolewa Hekaluni katika Misale ya Sherbrooke
• 
  James Tissot, Yesu Kutolewa Hekaluni, Brooklyn Museum, Marekani
• 
  Kioo cha rangi katika kanisa kuu la Mt. Mikaeli, Toronto, Kanada
• 
  Menologion ya Basili II (1000 hivi)
• 
  Bikira wa Candelaria, msimamizi wa visiwa vya Kanari

Marejeo

• Schiller, Gertud, Iconography of Christian Art, Vol. I, 1971 (English trans from German), Lund Humphries, London, ISBN 0-85331-270-2
• Food and Feast in Medieval England, P. W. Hammond, ISBN 0-7509-0992-7

Viungo vya nje

Wikimedia Commons ina media kuhusu:

Yesu kutolewa hekaluni

• "Candlemas" article from The Catholic Encyclopedia, F. G. Holweck
• Sketch of Egeria's record of her pilgrimage, with quoted passages Ilihifadhiwa 17 Februari 2007 kwenye Wayback Machine.
• Egeria's description of the liturgical year at Jerusalem
• Text of Luke 2 in the New Revised Standard Version Ilihifadhiwa 20 Februari 2007 kwenye Wayback Machine.
• Traditions: Celebrating Candlemas Ilihifadhiwa 23 Desemba 2016 kwenye Wayback Machine.
• Origins of Candlemas Cantica Nova
• History of the feast of the Purification/Candlemas Ilihifadhiwa 16 Julai 2011 kwenye Wayback Machine. Latin Mass Society
• Liturgical Resources—Candlemas
• The Meeting of Our Lord in the Temple Ilihifadhiwa 20 Februari 2008 kwenye Wayback Machine. from the Prologue from Ochrid by St. Nikolai Velimirovich
• Poems by Robert Herrick including "Upon Candlemas Eve" Ilihifadhiwa 24 Februari 2007 kwenye Wayback Machine.

Makala hii kuhusu mambo ya Biblia bado ni mbegu. Je, unajua kitu kuhusu Yesu kutolewa hekaluni kama historia yake au athari wake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.