Georges Cuvier

Georges Cuvier
Kapanganakan	23 Agosto 1769 Montbéliard (arrondissement of Montbéliard, Doubs, Bourgogne-Franche-Comté, Metropolitan France, Pransiya)
Kamatayan	13 Mayo 1832 Paris (Île-de-France, Metropolitan France, Pransiya)
Libingan	Sementeryo ng Père Lachaise
Mamamayan	Pransiya
Nagtapos	Unibersidad ng Stuttgart
Trabaho	heologo, paleontologo, politiko, soologo, ornitologo, propesor ng unibersidad, propesor, biyologo, iktiyologo, botaniko, arkeologo, pilosopo, antropologo, manunulat, naturalista
Pamilya	Frédéric Cuvier

Si Baron Georges Léopold Chrétien Frédéric Dagobert Cuvier, Georges Cuvier, o Léopold Cuvier (23 Agosto 1769 – 13 Mayo 1832) ay isang Pranses na naturalista at soologo. Siya ang mas matandang kapatid na lalaki ni Frédéric Cuvier (1773–1838), isa ring naturalista. Isa siyang pangunahing katauhan sa kapulungang makaagham sa Paris noong kaagahan ng ika-19 daantaon, at nakatulong sa pagtatalaga ng mga larangan ng hambingang anatomiya at paleontolohiya sa pamamagitan ng pagkukumpara ng nabubuhay na mga hayop sa mga kusilba. Kilalang-kilala siya bilang tagapagtatag ng diwang ang ekstinksiyon o pagkawala na ng mga nilalang bilang isang katotohanan, bilang isang tagapagtangkilik ng katastropismo sa heolohiya noong kaagahan ng ika-19 daantaon, at bilang kalaban ng maaagang mga panukala o teoriyang pang-ebolusyon. Pinakatanyag ang kanyang akdang Règne animal distribué d'après son organisation (1817; na isinalin sa Ingles bilang The Animal Kingdom o "Ang Kaharian ng mga Hayop"). Namatay siya sa Paris dahil sa kolera.

Mga sanggunian

Ang lathalaing ito na tungkol sa Talambuhay, Pransiya at Agham ay isang usbong. Makatutulong ka sa Wikipedia sa pagpapalawig nito.