جنیوا

  

جنیوا
(فرانسیسی میں: Genève)
جنیوا
جنیوا پرچم	جنیوا نشان
نقشہ
انتظامی تقسیم
ملک	سویٹزرلینڈ (1815–) فرانسیسی سلطنت اول (1804–1813) فرانسیسی جمہوریہ اول (1798–1804)
دار الحکومت برائے	کینٹن جنیوا (1815–)
تقسیم اعلیٰ	کینٹن جنیوا
جغرافیائی خصوصیات
متناسقات	46.20000°N 6.15000°E / 46.20000; 6.15000
رقبہ	15.92 مربع کلومیٹر (2004)
بلندی	396 میٹر
آبادی
کل آبادی	203840 (official statistics ) (31 دسمبر 2022)
مزید معلومات
اوقات	متناسق عالمی وقت+01:00
سرکاری زبان	فرانسیسی
گاڑی نمبر پلیٹ	GE
رمزِ ڈاک	1201 1202 1203 1204 1205 1206 1207 1208 1209 1211 1200
فون کوڈ	22
قابل ذکر
باضابطہ ویب سائٹ	باضابطہ ویب سائٹ
جیو رمز	7285902

جنیوا (انگریزی: Geneva، فرانسیسی: Genève، جرمن: Genf، اطالوی: Ginevra) سویٹزرلینڈ کا دوسرا سب سے بڑا شہر ہے۔ یہ سویٹزرلینڈ کے فرانسیسی بولنے والے علاقے روماندی کا سب سے زیادہ آبادی والا شہر ہے۔ یہ اس مقام پر واقع ہے جہاں جھیل جنیوا دریائے رہون میں گرتی ہے۔ یہ جنیوا ضلع کا دارالحکومت ہے۔ شہری حدود کے اندر کی آبادی ایک لاکھ 85 ہزار 726 (بمطابق 2007ء) ہے۔ کئی بین الاقوامی تنظیموں کے دفاتر واقع ہونے کی وجہ سے جنیوا کو عالمی شہر تسلیم کیا جاتا ہے۔ ان دفاتر میں اقوام متحدہ کے یورپی صدر دفاتر بھی شامل ہیں۔ 2006ء میں کیے گئے ایک جائزے کے مطابق جنیوا (زیورخ کے بعد) دنیا میں سب سے اعلیٰ معیار زندگی کا حامل شہر ہے۔

یہاں عالمی ادارۂ صحت (WHO)، عالمی ادارۂ محنت (ILO)، اقوام متحدہ کے اعلیٰ کمشنر برائے مہاجرین (UNHCR)، اقوام متحدہ کے اعلیٰ کمشنر برائے انسانی حقوق (UNHCHR)، عالمی تنظیم برائے حقوق دانش (WIPO)، بین الاقوامی بعید مواصلات اتحاد (ITU)، عالمی موسمیاتی تنظیم (WMO)، عالمی تجارتی تنظیم (WTO) اور بین الپارلیمانی اتحاد (IPU)، یورپی تنظیم برائے جوہری تحقیق (CERN)، بین الاقوامی تنظیم برائے معیار بندی (IOS)، ہوائی اڈوں کی بین الاقوامی مؤتمر (ACI)، عالمی اقتصادی فورم (WEF)، عالمی تنظیم برائے اسکاؤٹ تحریک (WOSM)، بین الاقوامی انجمن صلیب احمر (ICRC) اور بین الاقوامی ایڈز انجمن (IAS) کے دفاتر واقع ہیں۔

ان عالمی تنظیموں کے علاوہ کئی کثیر القومی اداروں کے صدر دفاتر بھی اس شہر میں واقع ہیں جن میں سیرونو، ایس ٹی مائیکرو الیکٹرانکس، سوسائت جنرال، میڈیرینین شپنگ کمپنی اور سیٹا شامل ہیں۔ ان کے علاوہ پروکٹر اینڈ گیمبل، ڈیوپونٹ، انوسٹا، ہیولٹ-پیکارڈ، جے ٹی انٹرنیشنل، الیکٹرانک آرٹس اور سن مائیکروسسٹمز جیسے معروف کثیر القومی اداروں کے یورپی صدر دفاتر بھی یہیں ہیں۔

گھڑی سازی کی قدیم روایت کے باعث یہ شہر دنیا بھر میں شہرت رکھتا ہے اور رولیکس، ریمنڈ ویل، اومیگا، پیٹک فلپ اور فرینک میولر جیسے معروف گھڑی ساز یہیں سے وابستہ ہیں۔

دنیا کی قدیم ترین جامعات میں سے ایک جامعہ یہیں واقع ہے جسے جامعہ جنیوا کہا جاتا ہے۔ یہ جامعہ 1559ء میں جون کیلون نے قائم کی۔