Trotskismo
El trotskismo (in russo: троцкизм?, trasliterà: trockizm, grafie alternadive: trozkismo, trotzkismo, trockijismo, trockismo ecc.; pronunsa /troʦˈkizmo/) xe l'ideoloxia pulitega che fa riferimento al pensiero de Lev Trockij, uno dei candidai a la sucesion de Lenin inte el 1924.
La parte pì inportante de la teoria trotskista xe la idea de l'espansion de la rivolusion socialista in tuto el mondo, so l'exenpio de cuela soviètega inte el 1917. Trockij el dixea che la teoria scrita da Iosif Stalin, del "Socialisto inte on solo paexe", el fuse na rotura co l'Internasionalismo proletario.
El trotskismo el pole esar diferensià da altre teorie marxiste da do elementi ciave:
- La stratexia de la rivolusion permanente, in opoxision a la teoria de le do faxi dei so aversari;
- La critega a la leadership post-1924 de l'Union Soviètega, l'analixi de le so carateristeghe e dopo el 1933, el suporto par na rivolusion pulitega in Union Soviètega, considerada dai trotskisti stato operaio dexenerà.
| Controło de autorità | GND (DE) 4061029-9 |
|---|