Bekeš (agj)

Bekeš-agjan kart

Bekeš (mad'j.: Békés megye [ˈbeːkeːʃ]) om üks' Mad'jaranman agjoišpäi. Sen administrativine keskuz da kaikiš suremb lidn om Bekeš'čab.

Geografijan andmused

Agj levigandeb valdkundan suvipäivnouzmas. Mad'jaranman londuseližen gazan videndez om löutud agjas.

Röunatab koumenke agjanke: Čongrad-Čanadanke päivlaskmas, Jas-Nad'kun-Sol'nok levigandeb lodehes, Haidu-Bihar om pohjoižes. Romanijan röun om päivnouzmas i suves.

Pind om 5 629,71 km².

Administrativine jagand

Agjan rajonad vspäi 2013

Bekeš-agj jagase ühesaks jarašaks (rajonaks). Edel vn 2013 administrativišt reformad kahesa kišteršegad (rajonad) oli niiden sijas.

Lidnad

Kaik om 75 eländpunktad agjas, niiden kesken kaks'kümne kaks' lidnad:

• Batton'j (Battonya)
• Bekeš (Békés)
• Bekeš'čab (Békéscsaba)
• Čorvaš (Csorvás)
• Devanan'j (Dévaványa)
• Elek (Elek)
• Füzešd'jarmat (Füzesgyarmat)
• D'jomaendröd (Gyomaendrőd)
• D'jul (Gyula)
• Kondoroš (Kondoros)
• Köröšladan' (Körösladány)
• Medd'ješed'haz (Medgyesegyháza)
• Mezöberen' (Mezőberény)
• Mezöhed'ješ (Mezőhegyes)
• Mezökovačhaz (Mezőkovácsháza)
• Orošhaz (Orosháza)
• Šarkad (Sarkad)
• Sarvaš (Szarvas)
• Seghalom (Szeghalom)
• Totkomloš (Tótkomlós)
• Uikid'još (Újkígyós)
• Vestö (Vésztő)

Lidnoihe ližaks, Bekešas om kahesa žilod i 45 küläd.

Eläjad

Vn 2011 Mad'jaranman rahvahanlugemižen mödhe agjan eläjiden lugu oli 359 948 ristitud. Vl 2015 agjan ristitišt oli 351 148 eläjad. Vl 1949 kaik 471 561 ristitud elihe agjas, i siš aigaspäi ristitišt poleni kaiken. Koume ristitud videspäi elädas lidnoiš.

Rahvahad (2011, kaks'jaižidenke vastusidenke): mad'jaralaižed — 83,4 %, čiganalaižed — 2,6 %, slovakalaižed — 2,0 %, romanijalaižed — 1,4 %, toižed rahvahad — 1,0 %, rahvahuden ozutandata — 14,7 %.

Irdkosketused

• Agjan oficialine sait (bekesmegye.hu). (mad'j.)