Seksard

Seksard
Szekszárd

Lidnanznam	Flag
Valdkund	Mad'jaranma
Eläjiden lugu (2021)	30,963 ristitud
Pind	96,28 km²
Pämez'	Režö Ač (2014—, Ács Rezső)
Telefonkod	+36−74
Aigvö	tal'vel UTC+1, kezal UTC+2

Lidnan sijaduz agjas i valdkundas (2017)

Seksard (mad'j.: Szekszárd [sɛksaːrd]) om Mad'jaranman lidn valdkundan suves. Se om Tol'n-agjan pälidn, Mad'jaranman agjan kaikiš penemb administrativine keskuz.

Istorii

Ende kel'tine Alisk-eländpunkt (Aliska) oli lidnan sijas. Nügüdläine eländpunkt mainitase ezmäižen kerdan vl 1015. Benediktižen jumalankodin sauvomine zavodihe vl 1061 Bela I-kunigahan käskön mödhe. Edel i jäl'ghe Osmanan imperijad Seksard oli znamasine lidn, ümbrišton jarmankkeskuz. Kätihe makundan keskuseks vl 1779.

Seksard šingotase turizmal, kabel'tegimel, matkliphiden i matkaksessuaroiden fabrikal. Lidn om vinan tehmižen rajonan keskuseks.

Geografijan andmused

Lidnan kart (2021)

Lidn sijadase Šio-kanalan randal (mad'j.: Sió 120 km pitte, ühtenzoitab Balaton-järved Dunainke), Dunain oiktal randpolel (keskuz — 15 kilometras jogespäi), kukhikahas tahondas, 100..180 m ü.m.t. korktusil.

Eläjad

Vn 2011 Mad'jaranman rahvahanlugemižen mödhe lidnan eläjiden lugu oli 34 296 ristitud, agjan kudendez. Kaikiš suremb lidnan ristitišt oli 36 840 eläjad vl 1990.

Rahvahad (enamba 0,4 % vl 2011): mad'jaralaižed — 84,7 %, saksalaižed — 4,6 %, čiganalaižed — 2,0 %, toižed rahvahad — 0,4 %, rahvahuden ozutandata — 8,3 %.

Religijan mödhe (2011): katolikad — 36,8 %, kal'vinistad — 7,0 %, lüteranižusen polenpidajad — 2,4 %, toižed uskojad — 1,3 %, religijatomad — 23,6 %, jätiba vastuseta — 28,9 %.

Irdkosketused

• Lidnan oficialine sait (szekszard.hu). (mad'j.)