Pseudobasilicoale kerke
E pseudobasilicoale kerke es e religieus gebouw mèi en hoofdbeuke en twee liggere zybeukn, moar de middnbeuke en es gin luchtbeuke.
Bij en echte basilicoale kerke es d'hoofdbeuke ook de luchtbeuke, wuk da zorgt vo verluchtienge in 't middn van 't gebouw. De vèinsters van de middnbeuke zittn toun in de meurn die boovn de zybeukn uutsteekn. Moa by e pseudobasilicoale kerke èi je gin luchtbeuke, want 't verschil in hogte tusschn middnbeuke en zybeukn es zodoanig klene dat er gin plekke meer en es vo vèinsters te steekn in de meurn boovn de zybeukn. In extreme gevolln lopt et dak van de zybeukn over in et dak van de middnbeuke.