Бош муҳаррир:
Пардаев А.Ҳ. ЖДПИ, тарих факультети декани, т.ф.н. доцент.
Бош муҳаррир ўринбосари:
Ақчаев Ф.Ш. ЖДПИ, тарих факултети, т.ф.б.ф.д. (PhD), доцент.
Масъул котиблар:
Саидов Ж.О. ЖДПИ, Тарих факультети ўқитувчиси
Хўжанова М. ЖДПИ, Тарих факультети ўқитувчиси
Таҳририят аъзолари:
1. Сагдуллаев А.С. – тарих фанлари доктори, Академик,
2. Аҳмедшина Ф.А. – тарих фанлари доктори, профессор,
3. Шодмонова С.Б. – тарих фанлари доктори, профессор,
4. Очилова Б.М. – фалсафа фанлари доктори, профессор,
5. Чориев С. – фалсафа фанлари доктори, профессор,
6. Туленова Г. Ж. – фалсафа фанлари доктори, профессор,
7. Пардаев М.Ҳ. – тарих фанлари доктори, доцент,
8. Ғойибов Б.С. – тарих фанлари доктори (DSc), доцент,
9. Ярматов Р. – педагогика фанлари доктори (DSc), доцент,
10. Саидқосимов А.И. – ф.ф.б. фан доктори (DSc), доцент,
11. Амануллаев А. – ф.ф.б. фан доктори (PhD), доцент,
12. Тошбоев Ф.Э. – тарих фанлари бўйича фан доктори (PhD),
доцент,
13. Миркомилов Б. – тарих фанлари номзоди, доцент,
14. Саидов М. – фалсафа фанлари номзоди, доцент,
15. Ғофуров Ж. – тарих фанлари бўйича фан доктори (PhD), доцент,
16. Ҳошимхонов М.Х. – ф.ф.б. фан доктори (DSc), доцент
17. Валиев А.Х. – катта ўқитувчи,
18. Мажидов А.С. – катта ўқитувчи,
19. Каримова Н. – ўқитувчи,
https://history.jspi.uz
Тарих ва Жамият илмий журнали
Inson resurslarini rivojlantirishda “meritokratiya” tamoyilining o’rni va
ahamiyati
Aliyev Murodjon Tursun o’g’li – JDPI tayanch doktoranti
Annotatsiya: mazkur maqola inson resurslari hamda “meritokratiya”
tamoyili haqida bayon etadi. Shuningdek, “meritokratiya” tamoyilining xorijiy
davlatlarda qo’llanilish tahlili haqida fikr yuritiladi.
Kalit so’zlar: inson resurslari, meritokratiya, davlat fuqarolik xizmati,
malaka, professionallik
Аннотация: В данной статье описаны человеческие ресурсы и принцип
«меритократии». Также проводится анализ применения принципа
«меритократии» в зарубежных странах.
Ключевые
слова:
человеческие
ресурсы,
меритократия,
государственная служба, квалификация, профессионализм.
Annotation: This article describes human resources and the principle of
"meritocracy". There is also an analysis of the application of the principle of
"meritocracy" in foreign countries.
Keywords: human resources, meritocracy, civil service, qualifications,
professionalism
Bugungi kunga kelib jamiyatning ijtimoiy-iqtisodiy taraqqiyoti innovatsion
va raqamli iqtisodiyotga o’tish bilan bog’liq jarayonlarni boshidan o’tkazmoqda.
Endilikda, jamiyat a’zolarining mavjud taraqqiyotga o’z hissalarini qo‘shishi bilan
bog‘liq yangi tendensiyalar yuzaga kelmoqda. Bunga mutanosib ravishda davlat
boshqaruv organlari jamiyatning instutsional bo’g’ini sifatida unda faoliyat olib
boruvchi shaxslarga ham talablar ortib bormoqda. Biroq jamiyatning raqamli
taraqqiyotida inson resursining ahamiyati qanday, undagi malaka, ko’nikma,
bilimlar qanday mezonlar asosida ko’rib chiqiladi degan dolzarb masalalar kun
tartibida dolzarbligicha qolmoqda.
Meritokratiya tamoyili bugunga kelib mamlakatimizda inson resurslariga
bo’lgan yondashuvni o’zgartirdi. Jamiyatning turfa bo’g’inlarida davlat xizmatiga
kirishni istovchilar uchun mazkur tamoyil asosida ishlarning ko’lami ortib
borayapti.
Meritokratiya (so’zma-so’z tarjima qilinganida “munosib kuch”, lotincha
“meritus” – “loyiq” va qadimgi yunoncha “hokimiyat, hukumat” ma’nolarini
bildiradi) Unga ko’ra, shaxslar ijtimoiy va moliyaviy jihatidan qat’iy nazar eng
qobiliyatli odamlar yetakchi o’rinlarni egallaydi degan g’oyani ilgari suradi. Garchi
meritokratiya tushunchasi asrlar davomida mavjud bo'lsada, bu atamaning o'zi 1958yilda sotsiolog Maykl Dunlop Yang tomonidan o'zining siyosiy va satirik kitobi
bo’lmish "Meritokratiyaning yuksalishi" kitobida tilga olingan. [1]
Тарих ва Жамият илмий журнали
Jamiyatni ijtimoiy borliq sifatida rivojlanishi, taraqqiy etishi undagi
a’zolarning sa’y-harakatlari bilan bog’liqdir. Xususan, meritokratiya prinsipi
asosida iste’dodi bor, qobiliyatli, o’z mustaqil fikriga ega bo’lgan shaxslar mansab
pillapoyalaridan ilgarilab boraveradilar. Bu orqali jamiyatda korrupsiya va
byurokratiya sezilarli ravishda yemirilib boraveradi. Negaki, tanish-bilishsiz, halol
raqobat asosida shaxslar o’z imkoniyatlari bilan mas’ul lavozimlarga tayinlanadilar.
Rivojlangan davlatlar tajribasi eng iqtidorli mutaxassislarni davlat xizmatlariga jalb
etilishida eng muhim omil sifatida samarali motivasion tizim joriy etilganligi bilan
bog’liqligini ko’rsatmoqda.
Misol uchun Germaniya, AQSh va Yaponiya davlatlarida davlat xizmatlariga
eng istiqbolli kadrlarni jalb etishda kuchli motivasion tizim joriy etilganligi bilan
bog’lash mumkin. Xususan, davlat xizmatchilari uchun mehnatiga yaxshi haq
to’lanishi, uy-joy olishdagi, tibbiy xizmat ko’rsatilishidagi, malaka oshirishdagi va
transport xizmatlaridan foydalanishda ko’plab imtiyozlar joriy etilgan. Shu bilan bir
qatorda davlat xizmatlariga ishga qabul qilishda nomzodlarni turli xil ko’rsatkichlar
asosida baholab borishda o’ziga xos maktab yaratilgan.
Dunyo tajribasida davlat xizmatiga nomzodlarni ishga qabul qilishida
nomzodning ish sohasida muvaffaqiyatga va bilim olishga intilishiga, stress
holatlariga chidamliligiga, holatni tahlil qilaolishiga, tashkilotchilik, haqiqatgo’ylik
hislatlari bo’lishiga, xorijiy tillarda erkin so’zlasha olishiga, axborot texnologiyalari
bo’yicha bilim va ko’nikmalarga, nazariy va amaliy bilimlarga ega bo’lishiga, huquq
normalarini amaliyotda to’g’ri qo’llay olish kabi alohida belgilarga e’tibor qaratilib
kelinmoqda. Shu o’rinda yurtimizda ham eng istiqbolli kadrlarni davlat fuqarolik
xizmatiga jalb etishda ochiq mustaqil tanlov asosida amalga oshirish tizimini joriy
etishga, xodimlarni samarali boshqarish va inson resurslarini rivojlantirishga,
malakali kadrlar zaxirasini raqobat asosida shakllantirishga hamda ularni davlat
tomonidan qo’llab quvvatlanishiga alohida e’tibor qaratilib kelinmoqda. [2]
O’zbekiston Respublikasi Prezidentining 2019-yil 3-oktyabrdagi
“O’zbekiston Respublikasida kadrlar siyosati va davlat fuqarolik xizmati tizimini
tubdan takomillashtirish chora-tadbirlari to’g’risida”gi PF-5843-sonli Farmonini
qabul qilinishi meritokartiya tamoyilini amalda tadbiq qilish, davlat fuqarolik
xizmatini, shu jumladan, nomzodlarni ochiq mustaqil tanlov orqali saralab olish
jarayonini kompleks huquqiy tartibga solishni ta’minlovchi, shuningdek, davlat
fuqarolik xizmatchilarining ish samaradorligi va kompetensiyasini baholovchi
mezonlarni, ularning malakasini oshirishga bo‘lgan talablarni belgilovchi muhim
normativ-huquqiy hujjat bo’ldi.
Farmonga muvofiq quyidagi ustuvor vazifalar belgilab quyildi:
- kasbga oid sifatlari va alohida xizmatlarini odilona va obyektiv baholash asosida
eng munosib va qobiliyatli shaxslarni davlat fuqarolik xizmatiga qabul qilish hamda
ularning xizmat pog‘onalari bo‘yicha ko‘tarilishini nazarda tutuvchi meritokratiya
tamoyilini qo‘llash;
Тарих ва Жамият илмий журнали
- kadrlar malakasini muntazam oshirib borish, davlat fuqarolik xizmatchilarini
toifalash va ularga malaka martabalari (darajalari) berish orqali xizmat karyerasining
lavozim pog‘onalaridan bosqichma-bosqich o‘tishni nazarda tutuvchi davlat
fuqarolik xizmatining “karyera modeli”ni joriy etish;
- nomzodning barcha fazilatlari va ustunliklarini, shu jumladan uning ma’naviyaxloqiy va vatanparvarlik sifatlarini obyektiv baholash imkonini beradigan ochiq
mustaqil saralab olish asosida davlat fuqarolik xizmatiga qabul qilish;
- davlat organlari va tashkilotlarida xodimlarni boshqarishda va inson resurslarini
rivojlantirish sohasida zamonaviy axborot-kommunikatsiya texnologiyalarini joriy
etish; [3]
Davlat organlari va tashkilotlarida xodimlarni boshqarish va inson resurslarini
rivojlantirish sohasida yagona davlat siyosatini amalga oshirish uchun O‘zbekiston
Respublikasi Prezidenti huzuridagi Davlat xizmatini rivojlantirish agentligi tashkil
etilib, istiqbolli kadrlarni davlat fuqarolik xizmatiga ochiq mustaqil tanlov asosida
qabul qilishni tashkillashtirish, davlat fuqarolik xizmatchilarida yuksak kasbiy
axloq-odobni, korrupsiyaga qarshi turish madaniyatini va unga toqatsiz munosabatni
shakllantirish kabi bir qator vazifalarni o’zichiga oladi. Mana shunday tizimning
yo’lga qo’yilishi meritokartiya tamoyilida asosida ochiqlik, shaffoflik, hisobdorlik
hamda hech qanday to’siqlarsiz iste’dodi mavjud, qobiliyatli shaxslarni yuzaga
chiqishiga imkon berdi.
Xorijiy tajribdani tahili qilib o’rganadigan bo’sak, davlat xizmatiga shaffoflik,
byurokratiyasiz, ochiqlik asosida ishga qabul qilishning mexanizmlari turli
ko’rinishda ekanligi ma’lum bo’ladi.
Litvada davlat xizmatiga kirish shartlari avvalo, mamlakatning fuqarosi,
yoshi (18 yoshdan 65 yoshgacha), ta'lim olganligi bo’yicha hujjat (talab qilingan
lavozimga qarab) va xorijiy tillarni yaxshi o’zlashtirgan bo’lishi lozim. Davlat
xizmatiga qabul qilish tartibi 1999-yil iyul oyida qabul qilingan “Davlat xizmatining
huquqiy asoslari” to’g’risidagi qonun bilan belgilab qo’yilgan. Lavozimga qabul
qilinayotgan shaxs ni bo'lim yoki muassasa ishga qabul qilishni tashkil qiladi hamda
ikki bosqichli imtihondan o’tishi lozim bo’ladi. Imtihon ikki qismdan iborat: yozma
imtihon va suhbat. Maqsad nomzodlarning o'z vazifalarini bajarish qobiliyatini
o’rganishdan iborat bo’ladi.
Estoniyada ishga qabul qilishning biroz o’zgacha tizimi mavjud bo’lib, bunda
maxsus sinov-imtihonlari bo’lmaydi, tashkilotning ehtiyojiga qarab nomzodlar
intervyu shaklida davlat xizmatiga yollanishi mumkin. Biroq yuqori lavozimli davlat
xizmatchilari uchun bu borada istisno mavjud bo’lib, ular “Ishga qabul qilish va
baholash qo’mitasi” tomonidan maxsus sinovlar asosida tashkil etiladi. Har bir
pog’onali davlat xizmati uchun ishga kiruvchilar umumiy tartibda ish staji, malakasi,
xorijiy tillarni bilish va ta’lim darajasi inobatga olinadi.
Polshada xodimlarni yollashning umumiy qonun qoidalari ochiqlik, shaffoflik
va raqobatbardoshlik tamoyillariga asoslanadi. Ishga qabul qilish jarayoni
markazlashtirilmagan - tegishli bosh direktorlar tomonidan tartibga solingan. Yuqori
Тарих ва Жамият илмий журнали
davlat lavozimlarini egallash uchun xodimlarning sinov-imtihonlari “Davlat
xodimlar fondi”tomonidan amalga oshiriladi. [4]
Yuqoridagi misollardan ko’rinib turibdiki, oshkoralik, shaffoflik, teng
huquqlilik, jamiyatdagi mavqeyidan qatiy nazar qobiliyatli, iste’dodi bor insonlar
siyosiy tizimda erkin ishlashlari mumkin. Teng sinovlar orqali ularning malakasi,
bilimlari sinovdan o’tkazilib tegishli joylarga tavsiya etiladi.
Meritokratiya ijtimoiy taraqqiyotda jamiyatdagi shaxslarning boyligi,
mansabi, lavozimi, siyosiy ta’siri orqali emas, balki ularning qobiliyatlari va
fazilatlari orqali munosib davlat xizmatida ishtirok etishlarini ta’minlaydi.
O’zbekistonda ham bu borada yetarlicha tajriba to’plandi.
Xususan, Davlat fuqarolik xizmatchilari vakant lavozimlarining yagona ochiq
portali — vacancy.argos.uz platformasi ishlab chiqildi. Mazkur portal davlat
organlari va tashkilotlaridagi vakant lavozimlarni egallash uchun nomzodlarning
ochiq mustaqil tanlovlarini tashkil etadigan elektron tizim bo‘lib, Internet
tarmog‘ida “bir darcha” tamoyili asosida faoliyat ko‘rsatadi. Hozirgi kunga qadar
mazkur portalga 60 ta vazirlik va idora, 14 ta viloyat hamda 206 ta tuman (shahar)
hokimliklari ulangan bo‘lib, mavjud 6 mingdan xiyod vakant lavozimlar bo‘yicha
ochiq tanlovlar eʼlon qilingan. Ushbu vakant lavozimlarga jami 106 mingdan ortiq
nomzoddan hujjatlar kelib tushgan bo‘lib, bitta vakant lavozim o‘ringa o‘rtacha 1520 kishi hujjat topshirgan. Davlat xizmatiga kirish uchun hujjat topshirgan
nomzodlarning 25 foizi, yaʼni 20 mingdan ortig‘i xotin-qizlarni tashkil etadi. 2 ming
nafar tanlov g‘oliblarining 530 nafari (36 %) — 30 yoshgacha bo‘lgan, 235 nafari
(16 %) davlat xizmatiga birinchi marotaba qabul qilinganlarni tashkil etadi. Portal
faoliyati yo‘lga qo‘yilgandan buyon, bir kunda o‘rtacha 2-3 nafar fuqaro davlat
xizmatiga ochiq tanlov orqali ishga qabul qilinmoqda. [5]
O’tgan asrda shaxsga doir munosabatlar negizida qattiqqo’llik, insonga
mexnat resursi sifatida yondashuv ustun bo’lgan bo’lsa, bugunga kelib uning
imkoniyatlari, malakasi, zamonaviy bilimlar bilan boyigan tafakkuri jamiyat,
tashkilot, davlatning rivojlantiruvchi drayver ekanligi aniq bo’ldi. Sababiki, texnik
qurilmalar va xom-ashyolardan farqli ravishda insonning yuksak aql-idrokka ega
ekanligi undagi cheksiz qobiliyatlar inson resursida yashiringanligini undan faqat
taraqqiyot maqsadida foydalanish lozimligi sotsium uchun muhim ahamyat kasb
etadi. Faqatgina qobiliyatlarni adolatli tizim orqali ro’yobga chiqarish, realizatsiya
qilish, ijtimoiy tenglik, oshkoralik orqali namoyon etish bu meritokratiya
tamoyilining ustuvor belgilaridan biri bo’lib hisoblanadi.
Foydalanilgan adabiyotlar:
1. “The rise of meritocracy 1870-2033” an essay on education and equality copyright
© Thames and Hudson 1958
2. https://samarqand.adliya.uz/uz/news/detail.php?ID=3760
Тарих ва Жамият илмий журнали
3. “O‘zbekiston respublikasida kadrlar siyosati va davlat fuqarolik xizmati tizimini
tubdan takomillashtirish chora-tadbirlari to‘g‘risida” 03.10.2019 yildagi PF-5843son
4. Matei, A., & Popa, F. (2010). Meritocratic aspects concerning civil servant career:
comparative study in Central and Eastern European countries. Warsaw: NISP Acee
Press. https://nbn-resolving.org/urn:nbn:de:0168-ssoar-107732
5. https://argos.uz/oz/press-center/topic/4