Keong Mas

Nuju sawijining dinten Raden Inu Kertapati lan Candra kirana wonten ing krajaan ngwontenake parepatan kangge ngrembag babagan nikahane Raden Inu Kertapati kaliyan Candra Kirana. Ananging Dewi Galuh sedereke Candra Kirana ora seneng yen Raden Inu kaliyan Candra Kirana nikahan banjur dheweke lungga saka krajaan kanggo nemoni Mbah Dukun. Dewi galuh : " Aku pengen adhiku dadi apa wae sing paling nggilani. Cepet saiki! " Mbah dukun : " Ngapunten sakderenge putri, nanging wonten punapa saengga kula kedah ngutuk Candra Kirana? " Dewi Galuh : " Candra Kirana wes ngrebut Raden Inu Kertapati saka aku, aku ora pengen ngerti Candra kirana dadi bjone Raden Inu Kertapati. " Mbah Dukun : " Inggih. " (Ing sawijining dina, ana wong tuwa utawa rondo tuwo sing diarani mbok randha dadapan sing lagi golek iwak nganggo jala ing kali.) Mbok Randha : " Rasa-rasane dina iki aku pengin mangan iwak. Ah … coba tak golek iwak nang kali nganggo jala, mesthi luwih cepet entuk katimbang nganggo pancing. " (Saktekane ing kali…) Mbok Randha : " kira-kira sing akeh iwake ngendi ya? " (Mbok Randha Dadapan banjur nggolek pakan iwak, supaya iwake pada teka lan gampang dijupuk nggo jala. Nanging dheweke malah nemokake keong kang warnane emas sing nyangkut ing jalane. Keong mas banjur digawa bali karo mbok Randha Dadapan.) Mbok Randha : " Coba tak kei pakan supaya iwake pada nyerak. Aduh-aduh kok ora ana sing nyerak, nanging jalaku abot, apa ya iki…? Weh…lah, keong mas apik bangetwarnane beda karo liyane. Tak gawa mulih wae diingu. " (Sakwise tekan ngomah, keong mau banjur disimpen ana genthong. Dina sesuke, mbok Randha nunggu-nunggu iwak njedhul, nanging wis dienteni suwe iwake ora njedhul-njedhul. Mbok Randha Dadapan banjur bali menyang ngomah.) Mbok Randha : " Endi iwake, awet wingi kok ora njedhul-njedhul apa lagi musim jagongan ya, iwake pada njagong, yo wis lah mulih wae. " (Saktekane ing ngomah Mbok Randha Dadapan kaget amarga neng meja pawone wis ana panganan kang enak-enak dheweke kaget banget.) Mbok Randha : " We ladalah, saka ngendi tekane panganan iki, sapa sing ngeteri ya? " (Mbok Randha ngubengi omahe, ora ana wong siji-sijio dheweke tambah bingung mikir asale panganan kuwi. Mbok Randha Dadapan banjur nduwe cara supaya ngerti sapa sing menehi panganan kanggo dheweke. Sesuke Mbok Randha ethok-ethoke lunggo neng kali, padahal dheweke menyang mburi omah pengin ngerti asale panganan akeh kuwi. Mbok Randha Dadapan kaget amarga keong mas sing neng genthong ngerti-ngerti dadi perawan ayu. Perawan mau banjur masak lan nyepakake panganan neng meja. Mbok Randha Dadapan banjur nemoni perawan mau.) Mbok Randha : " Kowe sapa cah ayu? Kok iso keong alih dadi perawan ayu? Saka ngendi asalmu? "