Lom 8 Hawm 1

Ye must be born again

(John 3:7)

March 2013

Editorial
Thungetnate hong dawnga eite kisapnate hong panpih ibiak Topa Pasian tungah lungdamna iko masa hi. Abeisa kum sagih sung bang hong ki thuahpih in i laihawm khat vei beek kipelhna om lo, zong hong tavai sak ngei lo ahih manin a min siangtho i phat hi. Tu in zong kum giat sungah ma hong suanpih to lai ahih manin Ama hong hehpihna i phat kik lai hi. Sum le paai, hun tampi bei in lai i hawm hangin a sim ding kuamah om kei le zong amawknapi hi-a, hih lai hawm hong simsak mimal khat ciat tungah zong lungdamna kong ko uhi. Lai a sim kha mimal khat ciat tungah Topan thupha hong pia ciat ta hen. Tu kha in EBC Sunday hong pian khiatna thu a tomkim thei pen in i suut ding hi.

EBC Sunday (March 9,1975)

um sim in March kha Nipi masa ni pen EBC Sunday ci-in i ciamteh hi. Banghangin EBC Calendar ah EBC Sunday ki ci cih khangthak khangnoten thei khollo kha mai ding ihih manin kong suaksak uhi. Tu ma kum 200 lai pawl in anungta Pasian in ama Khamangthang vei banga avei thei dingin a khangto khinsa gamte tungah Khamangthang veina le kuhkalnate naguan hi. Amaute sung pan Pasian in America gam mi, Adoniram Judson (Kawlgam leitang hong siik ni July 13,1813 hi-a tu in kum 200 cing ta hi. July 12-15,2013 sung Tedim CCJ hall ah, December 5-8, 2013 sung Yangon MBC huang sungah Judson hong tun zawh kum 200 cin pawi ki bawl ding) akipan mi pawl khat tuipi kantan in gam tuamtuam ah Ama thu a puak dingin hongsawl khia hi. Kawl gam ah zong Kawl-mi, Mon-mi, Kayin-mi, Shan-mi, Kachinmite le Zomite lakah na hong sem uh ahih manin tuni-in anungta Pasian a thei kha le a um khate i suak hi. Zogam ah, 1899 kum ciangin Arthur Carson te nupa, 1902 kum in Dr. Erik Hjalmar East, 1908 kumin Dr. Joseph Herbert Cope te nupa, 1910 kumin Dr. John Woodin te nupa, 1926 kumin Chester U.Strait te nupa, 1939 kumin Rev.Franklin Oliver Nelson te nupa, 1946 kumin Robert le Elizabeth Johnson te cih bangin maban kitatsat lo dingin Pasian in hong puak hi. Amaute nasepnate hangin tuni in thupha lakpan a lianpen Pasian ta suahna thupha angahte ihihi. Pasian tungah lungdamna i kohdet ding mangngilh kei ni. Adiakdiakin tu ma kum 100 lai-a kipan ei Tedim mite Pasian thu(Thuman thutak) le leitung thu (tulaitak-a i lai zatte sangmangpa hong bawl sak ahihi) ah hong pantah-a mi hong suah Sangmangpa Cope tungah i lungdam pha diak-a, zong i phawk pha diak hi. Hunte hong bei toto in 1970 kiim pawl ciangin Sangmangte (I gamah a neihsa uh le thagui tha tang, pilna siamnate bek hi loin, a lutang uh hong phum uhi. Adoniram Judson ahih le a it-a, avei mahmah Kawlgam leitang tung nangawnah ki vui kha loin, tuipi sungah kivui) hong tuh uh khaicite tungtawnin Pasian in Tedim gam sungah Khakhanlawhna lianpi hong tungsak-a, kilawp thei mahmahin Gupkhiatna thu bekbek mun ci tengah kigen kawikawi hi. Tua hun laitakin Tuiphum pawlpi sungah Gupkhiatna thu tawh kisai in upzia le saanzia hong kibang thei nawnlo hi. Tua hun a Hehpihna hangin Upna tawh Gupna kingah hi,(Eph.2:8,9) aci pawlpi sung pan a kihawl khia mi pawlkhat kipawl khawm in ki tuam khop ding hong vaihawm uhi. 1975 kum March kha 9 ni-in Myoma veeng Bo Kam Cin Hang inn ah EBC mintawh amasa pen kikhopna kinei hi. Tua zawh a sawt loin makaite khensatna tawh kituamkhop masak pen ni, March 9,1975 phawkna in kum simin March Nipi masa pen EBC Sunday ci-in kiciamteh hi. EBC pawlpi le EBC Sunday hong piankhiatna a tomin pawlpi phuhcil a om makaite genna bang le ciaptehna om bangin kong suahsak uh ahihi. Makai ut man, min le za deih man-a kiphut tawm hi lo(hi peuhmah lo)a, Gupkhiatna thu hanga Pasian mah mahin aphuh EBC pawlpi ahihi. Tu in kum (38) bang acing ta hi-a, tu kum in zong March 3,2013 ni pen EBC Sunday ahihi.

EITE TANGIN

outh Africa gama minam niam lai mahmahte kianga Zeisu thu a kigenna thu khat kaza ngei hi.Sangmangpa in hausapa inntual ah Zeisu thu gen hi. Hausapa a kipan khuami khempeuh phial tu tiptepin thugenna lim takin ngai uhi. Sangmangpa in Zeisu thu a gen khit ciangin hausapa in zaknop sa lua ahih manin khat vei a genkik nadingin kun hi. Sangmangpa in zong Zeisu thu gen leuleu-a, Eite tangin Zeisu hong si hi a cihna mun a tun ciangin hausapa thakhatin ding to hiau hi. Sangmangpa, sangmangpa aw, tua Zeisu lakhia in. Amah ding hi kei lua. Keiding hi zaw ing. Tua munah kei hong koih in, ci-in khitui naptui tawh leikui keii hi. Khasiangtho in tua ni-in mite lungsim zawt-a hausapa akipan khuamite tampitak piangthak hi. Anuai-a Laisiangtho munte in Zeisu pen eite tanga hong si ahihna ciantakin hong lak hi. Isa.53:6, Eite khempeuhin tuu bangin lam i khial khin a, eite khempeuh ei ma san ciat ah i pai khin hi. Topa in eite khempeuh mawhnate ama tungah a suan hi.

I Pet.2:24, Mawhnate i sihsan theih nading le dikna i nuntak pih theih nadingin Ama pumpi mahmah in eite mawhnate singlamteh tungah a pua zo hi. Rom. 8:32, Ama Tapa neihsun sit loin eite khempeuh ading hong pia pa in amah tawh na khempeuh hong citpiak khawm loin om ding ahi hiam? I Pet.3:18, Midik Khazih in midik lote adingin khatvei-a cinkim dingin a si zo hi. Eite tangin Zeisu si khin ahih manin tua Zeisu i san ding bek kisam lai hi. Pasian kiang pana a kigamla Zeisu in Pasian kiang hong tun kik hi.
(Nisim Tongdam, Rev. Nang Za Thawn pan kila kik hi. - Editors)

Mickey Mouse

imsuaihsiam Walt Disney(Walter Elias Disney, December 5,1901 kumin Chicago, Illinois ah suak hi. Unau nga lakah alina hi-a, December 15,1966 kumin Burbank, California ah si hi.) Mickey Mouse cartoonte akhang amoi in a theilo om lo zah dongin minthang mahmah hi. Naupangnote sinlai a vut velvel Mickey Mouse in leitungah min tampi a nei khat ahihi. Rusia gamah Mickey Mouse pen Mikki Maus ki ci-a, Piancit ah Michel Souris ki ci hi. Italy ah Topolino na ci uha, Japan ten Miki Kuchi na ci uhi. Spain ah Miguel Ratonicito ki ci-a, Latin America ah El Raton Miguellito ki ci hi. Sweden ten Muse Pigg ci uh-a, Denmark ah Mikkel Mus ci uhi. Hih mi it mahmah Mickey Mouse min kiphuahna zong athu tuampi khat ahihi. Walt Disney in a teenna Kansas City State, Newman Laugh-O-Grams studio ah lim asuaih laitak zusa khat hingmat kha laizang hi. Tua zusa an pia in zualsak sawnsawn hi. Amin ding phuakin Mortimer ci hi. Ahih hangin a zi in Mortimer na cih zawzen sangin Mickey ci le cin ngaih zaw lo hiam a cih ciangin Mickey hong ci-a,tua akipan Mikey Mouse kici zusa hong piang khia ahihi, ki ci hi.

The Prayer That God Is Pleased With

hedap khuipa le Pastor pa khat hong si uhi. Khedap khuipa, a nuntak sungin nasep hahkat mahmah khat hi-a anasep bekbek tawh buai-in ni tum thapaai hi. Pastor pa ahih le a nuntak sungin ahun a tamzaw thungetna le Pasian thusung bekah beisak hi. Anih un vantung kongbiangah hong kitun tuah uhi. Khedap khuipa ahih le vantung kongkhakah lut suak thei pah hi. Pastor pa ahih le tawmvei kingak sak hi. Tawlkhat angak khit ciangin Pastor pa zong a heh hongsuak pian ta hi. St.Peter kiangah, Banghangin khedap khuipa lutsak pah nahi hiam? Amah biakinn zong pai ngeilo, Pasian zong bia ngei lo pi, kei banga Pasian thu bek tawh hun neih teng azang pa bang hangin hong ngaksak ci-in dong hi. St. Peter in, Nang khial zaw kha ni teh. Khedap khuipan ni sialin alup ma in laigualno khat bek tawh Pasian bia hi. Laigual no khat bek ahi tua biakpiakna hangin Pasian lungkim mahmah hi ci kik hi. Khedap khuipa thungetna laigual khat in: OhKa Pasian, thunget hun ding neilo ka hih manin ka mawhna hong maisak in cih ahihi. March 5-10,2013 sung Kalaymyo EBC te makaihna THOUGHTS OF THE MONTH tawh Tuimui khua ah Dr. Do Suan Mung in crusade nei Sometimes the wrong choices bring us to the right place. dinga, tua khit teh Haiciin ah zong nei ding hi cih thu o Khat veivei eiten i teel khialhnate in ahoih zaw mun ah kiza hi. Thungetna ah phawk ciatni. hong tun thei hi. Tedim EBY te makaihna tawh khaal sangkhak (May There are two types of pain in the world. Pain that hurts kha) sung Timothy sang(sakollam)ah camp kinei ding you, and pain that changes you. ahih manin thungetna tawh panpih ciat ni. o Leitungah na isak nam nih om hi. Nang hong na sakSna March 29-31,2013 sung, Tonzang Delegate khawmpi ah sakna le nang hong khel na sakna ahihi. 2013-2014 kum sung(kum khat sung)Topa hong sawl Never give-up; So many people can be responsible for Mission nasepna ah a kipia nuam mite sapna le asep your success, but only you are responsible for your failure. o Cikmah hun in lungkia ngei ken; Mitampi takte nang ding uh vaihawm pihna kinei nuam ahih manin a gualzawh nang ahih hang, nang guallelh nang bel nang lunglut-a, a sem nuamte delegate khawmpi ah kipai thei mahmah na hihi. hi cih thu kiza hi. The pain you feel today is the strength you feel tomorrow. 2013 kum, Delegate khawmpi hunding: o Tu ni-a na thuak na nasaknate zingcianga na ngah ding tha Zintunni March 28, 2013 ahihi. Delegate meeting hun March 29-30, 2013 Gold medals arent really made of gold. Theyre made of Delegate khawmpi hun March 31, 2013 sweat,determination, and a hard-to-fine alloy called guts. Thubulphuh ka teci na hi ding uhi(Nasemte1:8) hi o Kham medalte kham takpi tawh kibawl hi zenzen kei. Tua ding hi. Thungetna ah phawk ciat ni. medalte khua-ul, lungsimngaihsutna le khensatna, lauhuai le kihtakhuai ta le hih ngamna hih amuh hak Tukha laihawmna a abei khempeuh Pa Suan Khan Pau te mahmahnate tawh a kibawl ahihi. innkuan in hong pia uh ahih manin lungdamna lianpi i ko Ninety-nine percent of success is built on failure. hi. Topan hong sup hong baai lawhnate uh thupha tawh o Gualzawhna lakah za ah sawmkua le kuate guallelhna hong dipkik sak nading thungetna ah phawk ciat ni. tawh kilam hi.

THU TUAMTUAM
Leilum EBC pawlpimi Pa Dam Khan Lian(kum67), Nu Nian Za Dim pasal in January8,2013 ni in a tawntung mun dingah hong ciahsan ta ahih manin Newsletter min tawh dahpihna i pulaak hi. LCEC siamah pinu makaihna tawh LCEC sia/siama te in February 18-24,2013 sung Zomunnuam(qefwu) khua kd f ah sun in naupang camp le nitakin Crusade nei uhi cih thu kiza hi. A 30 veina KT khawk khawmpi March 1-3,2013 sung Berean EBC ah ki nei ding hi. Hih hun sung khempeuh Dr. Do Suan Mung in hunzatna nei ding hi. (Nung kha laihawmna sungah February 8-10,2013 aki ci pen akikhialkha ahih manin hong maisak un. Editors)

Laihawm tawh kizop nading

EBY Newsletter EBC biakinn, Myoma, Tedim Phone : 070 50118 Sia Nang Sian Dongh - Asst., Pastor, Berean EBC Phone : 09400464881 Email :ebynewsletter@gmail.com http//ebynewsletter.blogspot.com

Editors
Sia Nang Sian Dongh, Kim Go Lian & EBY Literature Committee

Copies 600
Art & Literature committee Evangelical Baptist Youth, Tedim pan kihawm khia hi.

Limited Circulation