nArAyaNaM namaskR^itya naraM chaiva narottamam |

devIM sarasvatIM vyAsaM tato jayamudIrayet ||

OM atha sakalasaubhAgyadAyaka shrIviShNusahasranAmastotram |

shuklAmbaradharaM viShNuM shashivarNaM chaturbhujam |

prasannavadanaM dhyAyet sarvavighnopashAntaye || 1||
yasya dviradavaktrAdyAH pAriShadyAH paraH shatam |
vighnaM nighnanti satataM viShvaksenaM tamAshraye || 2||
vyAsaM vasiShThanaptAraM shakteH pautramakalmaSham |
parAsharAtmajaM vande shukatAtaM taponidhim || 3||
vyAsAya viShNurUpAya vyAsarUpAya viShNave |
namo vai brahmanidhaye vAsiShThAya namo namaH || 4||
avikArAya shuddhAya nityAya paramAtmane |
sadaikarUparUpAya viShNave sarvajiShNave || 5||
yasya smaraNamAtreNa janmasaMsArabandhanAt |
vimuchyate namastasmai viShNave prabhaviShNave || 6||
OM namo viShNave prabhaviShNave |
shrIvaishampAyana uvAcha \-\-\-
shrutvA dharmAnasheSheNa pAvanAni cha sarvashaH |
yudhiShThiraH shAntanavaM punarevAbhyabhAShata || 7||
yudhiShThira uvAcha \-\-\-
kimekaM daivataM loke kiM vApyekaM parAyaNam |
stuvantaH kaM kamarchantaH prApnuyurmAnavAH shubham || 8||
ko dharmaH sarvadharmANAM bhavataH paramo mataH |
kiM japanmuchyate janturjanmasaMsArabandhanAt || 9||
bhIShma uvAcha \-\-\-
jagatprabhuM devadevamanantaM puruShottamam |
stuvan nAmasahasreNa puruShaH satatotthitaH || 10||
tameva chArchayannityaM bhaktyA puruShamavyayam |
dhyAyan stuvan namasyaMshcha yajamAnastameva cha || 11||
anAdinidhanaM viShNuM sarvalokamaheshvaram |
lokAdhyakShaM stuvannityaM sarvaduHkhAtigo bhavet || 12||
brahmaNyaM sarvadharmaj~naM lokAnAM kIrtivardhanam |
lokanAthaM mahad.hbhUtaM sarvabhUtabhavodbhavam || 13||
eSha me sarvadharmANAM dharmo.adhikatamo mataH |
yad.hbhaktyA puNDarIkAkShaM stavairarchennaraH sadA || 14||
paramaM yo mahattejaH paramaM yo mahattapaH |
paramaM yo mahad.hbrahma paramaM yaH parAyaNam || 15||
pavitrANAM pavitraM yo ma~NgalAnAM cha ma~Ngalam |
daivataM daivatAnAM cha bhUtAnAM yo.avyayaH pitA || 16||
yataH sarvANi bhUtAni bhavantyAdiyugAgame |
yasmiMshcha pralayaM yAnti punareva yugakShaye || 17||
tasya lokapradhAnasya jagannAthasya bhUpate |
viShNornAmasahasraM me shR^iNu pApabhayApaham || 18||
yAni nAmAni gauNAni vikhyAtAni mahAtmanaH |
R^iShibhiH parigItAni tAni vakShyAmi bhUtaye || 19||
R^iShirnAmnAM sahasrasya vedavyAso mahAmuniH ||
Chando.anuShTup tathA devo bhagavAn devakIsutaH || 20||
amR^itAMshUdbhavo bIjaM shaktirdevakinandanaH |
trisAmA hR^idayaM tasya shAntyarthe viniyojyate || 21||
viShNuM jiShNuM mahAviShNuM prabhaviShNuM maheshvaram ||
anekarUpa daityAntaM namAmi puruShottamaM || 22 ||
pUrvanyAsaH |
shrIvedavyAsa uvAcha \-\-\-
AUM asya shrIviShNordivyasahasranAmastotramahAmantrasya |
shrI vedavyAso bhagavAn R^iShiH |
anuShTup ChandaH |
shrImahAviShNuH paramAtmA shrImannArAyaNo devatA |
amR^itAMshUdbhavo bhAnuriti bIjam |
devakInandanaH sraShTeti shaktiH |
udbhavaH kShobhaNo deva iti paramo mantraH |
sha~NkhabhR^innandakI chakrIti kIlakam |
shAr~NgadhanvA gadAdhara ityastram |
rathA~NgapANirakShobhya iti netram |
trisAmA sAmagaH sAmeti kavacham |
AnandaM parabrahmeti yoniH |
R^ituH sudarshanaH kAla iti digbandhaH ||
shrIvishvarUpa iti dhyAnam |
shrImahAviShNuprItyarthe sahasranAmastotrapAThe viniyogaH ||
atha nyAsaH |
AUM shirasi vedavyAsaR^iShaye namaH |
mukhe anuShTup.hChandase namaH |
hR^idi shrIkR^iShNaparamAtmadevatAyai namaH |
guhye amR^itAMshUdbhavo bhAnuriti bIjAya namaH |
pAdayordevakInandanaH sraShTeti shaktaye namaH |
sarvA~Nge sha~NkhabhR^innandakI chakrIti kIlakAya namaH |
karasampUTe mama shrIkR^iShNaprItyarthe jape viniyogAya namaH ||
iti R^iShayAdinyAsaH ||
atha karanyAsaH |
AUM vishvaM viShNurvaShaT.hkAra itya~NguShThAbhyAM namaH |
amR^itAMshUdbhavo bhAnuriti tarjanIbhyAM namaH |
brahmaNyo brahmakR^id.hbrahmeti madhyamAbhyAM namaH |
suvarNabindurakShobhya ityanAmikAbhyAM namaH |
nimiSho.animiShaH sragvIti kaniShThikAbhyAM namaH |
rathA~NgapANirakShobhya iti karatalakarapR^iShThAbhyAM namaH |
iti karanyAsaH |
atha ShaDa~NganyAsaH |
AUM vishvaM viShNurvaShaT.hkAra iti hR^idayAya namaH |
amR^itAMshUdbhavo bhAnuriti shirase svAhA |
brahmaNyo brahmakR^id.hbrahmeti shikhAyai vaShaT |
suvarNabindurakShobhya iti kavachAya hum |
nimiSho.animiShaH sragvIti netratrayAya vauShaT |
rathA~NgapANirakShobhya ityastrAya phaT |
iti ShaDa~NganyAsaH ||
shrIkR^iShNaprItyarthe viShNordivyasahasranAmajapamahaM
kariShye iti sa~NkalpaH |
atha dhyAnam |
kShIrodanvatpradeshe shuchimaNivilasatsaikatermauktikAnAM
mAlAkL^iptAsanasthaH sphaTikamaNinibhairmauktikairmaNDitA~NgaH |
shubhrairabhrairadabhrairuparivirachitairmuktapIyUSha varShaiH
AnandI naH punIyAdarinalinagadA sha~NkhapANirmukundaH || 1||
bhUH pAdau yasya nAbhirviyadasuranilashchandra sUryau cha netre
karNAvAshAH shiro dyaurmukhamapi dahano yasya vAsteyamabdhiH |
antaHsthaM yasya vishvaM suranarakhagagobhogigandharvadaityaiH
chitraM raMramyate taM tribhuvana vapuShaM viShNumIshaM namAmi || 2||
AUM shAntAkAraM bhujagashayanaM padmanAbhaM sureshaM
vishvAdhAraM gaganasadR^ishaM meghavarNaM shubhA~Ngam |
lakShmIkAntaM kamalanayanaM yogibhirdhyAnagamyaM ## var ##
yogihR^iddhyAnagamyaM
vande viShNuM bhavabhayaharaM sarvalokaikanAtham || 3||
meghashyAmaM pItakausheyavAsaM
shrIvatsA~NkaM kaustubhodbhAsitA~Ngam |
puNyopetaM puNDarIkAyatAkShaM
viShNuM vande sarvalokaikanAtham || 4||
namaH samastabhUtAnAmAdibhUtAya bhUbhR^ite |
anekarUparUpAya viShNave prabhaviShNave || 5||
sasha~NkhachakraM sakirITakuNDalaM
sapItavastraM sarasIruhekShaNam |
sahAravakShaHsthalakaustubhashriyaM ## var ## sthalashobhikaustubhaM
namAmi viShNuM shirasA chaturbhujam || 6||
ChAyAyAM pArijAtasya hemasiMhAsanopari
AsInamambudashyAmamAyatAkShamalaMkR^itam |
chandrAnanaM chaturbAhuM shrIvatsA~Nkita vakShasaM
rukmiNI satyabhAmAbhyAM sahitaM kR^iShNamAshraye || 7||
\hrule\medskip\hrule
{\Largedvng stotram |}
hariH OM |
vishvaM viShNurvaShaT.hkAro bhUtabhavyabhavatprabhuH |
bhUtakR^idbhUtabhR^idbhAvo bhUtAtmA bhUtabhAvanaH || 1||
pUtAtmA paramAtmA cha muktAnAM paramA gatiH |
avyayaH puruShaH sAkShI kShetraj~no.akShara eva cha || 2||
yogo yogavidAM netA pradhAnapuruSheshvaraH |
nArasiMhavapuH shrImAn keshavaH puruShottamaH || 3||
sarvaH sharvaH shivaH sthANurbhUtAdirnidhiravyayaH |
sambhavo bhAvano bhartA prabhavaH prabhurIshvaraH || 4||
svayambhUH shambhurAdityaH puShkarAkSho mahAsvanaH |
anAdinidhano dhAtA vidhAtA dhAturuttamaH || 5||
aprameyo hR^iShIkeshaH padmanAbho.amaraprabhuH |
vishvakarmA manustvaShTA sthaviShThaH sthaviro dhruvaH || 6||
agrAhyaH shAshvataH kR^iShNo lohitAkShaH pratardanaH |
prabhUtastrikakubdhAma pavitraM ma~NgalaM param || 7||
IshAnaH prANadaH prANo jyeShThaH shreShThaH prajApatiH |
hiraNyagarbho bhUgarbho mAdhavo madhusUdanaH || 8||
Ishvaro vikramI dhanvI medhAvI vikramaH kramaH |
anuttamo durAdharShaH kR^itaj~naH kR^itirAtmavAn || 9||
sureshaH sharaNaM sharma vishvaretAH prajAbhavaH |
ahaH saMvatsaro vyAlaH pratyayaH sarvadarshanaH || 10||
ajaH sarveshvaraH siddhaH siddhiH sarvAdirachyutaH |
vR^iShAkapirameyAtmA sarvayogaviniHsR^itaH || 11||
vasurvasumanAH satyaH samAtmA.asammitaH samaH |
amoghaH puNDarIkAkSho vR^iShakarmA vR^iShAkR^itiH || 12||
rudro bahushirA babhrurvishvayoniH shuchishravAH |
amR^itaH shAshvatasthANurvarAroho mahAtapAH || 13||
sarvagaH sarvavidbhAnurviShvakseno janArdanaH |
vedo vedavidavya~Ngo vedA~Ngo vedavit kaviH || 14||
lokAdhyakShaH surAdhyakSho dharmAdhyakShaH kR^itAkR^itaH |
chaturAtmA chaturvyUhashchaturdaMShTrashchaturbhujaH || 15||
bhrAjiShNurbhojanaM bhoktA sahiShNurjagadAdijaH |
anagho vijayo jetA vishvayoniH punarvasuH || 16||
upendro vAmanaH prAMshuramoghaH shuchirUrjitaH |
atIndraH sa~NgrahaH sargo dhR^itAtmA niyamo yamaH || 17||
vedyo vaidyaH sadAyogI vIrahA mAdhavo madhuH |
atIndriyo mahAmAyo mahotsAho mahAbalaH || 18||
mahAbuddhirmahAvIryo mahAshaktirmahAdyutiH |
anirdeshyavapuH shrImAnameyAtmA mahAdridhR^ik || 19||
maheShvAso mahIbhartA shrInivAsaH satAM gatiH |
aniruddhaH surAnando govindo govidAM patiH || 20||
marIchirdamano haMsaH suparNo bhujagottamaH |
hiraNyanAbhaH sutapAH padmanAbhaH prajApatiH || 21||
amR^ityuH sarvadR^ik siMhaH sandhAtA sandhimAn sthiraH |
ajo durmarShaNaH shAstA vishrutAtmA surArihA || 22||
gururgurutamo dhAma satyaH satyaparAkramaH |
nimiSho.animiShaH sragvI vAchaspatirudAradhIH || 23||
agraNIrgrAmaNIH shrImAn nyAyo netA samIraNaH |
sahasramUrdhA vishvAtmA sahasrAkShaH sahasrapAt || 24||
Avartano nivR^ittAtmA saMvR^itaH sampramardanaH |
ahaH saMvartako vahniranilo dharaNIdharaH || 25||
suprasAdaH prasannAtmA vishvadhR^igvishvabhugvibhuH |
satkartA satkR^itaH sAdhurjahnurnArAyaNo naraH || 26||
asa~Nkhyeyo.aprameyAtmA vishiShTaH shiShTakR^ichChuchiH |
siddhArthaH siddhasa~NkalpaH siddhidaH siddhisAdhanaH || 27||
vR^iShAhI vR^iShabho viShNurvR^iShaparvA vR^iShodaraH |
vardhano vardhamAnashcha viviktaH shrutisAgaraH || 28||
subhujo durdharo vAgmI mahendro vasudo vasuH |
naikarUpo bR^ihadrUpaH shipiviShTaH prakAshanaH || 29||
ojastejodyutidharaH prakAshAtmA pratApanaH |
R^iddhaH spaShTAkSharo mantrashchandrAMshurbhAskaradyutiH || 30||
amR^itAMshUdbhavo bhAnuH shashabinduH sureshvaraH |
auShadhaM jagataH setuH satyadharmaparAkramaH || 31||
bhUtabhavyabhavannAthaH pavanaH pAvano.analaH |
kAmahA kAmakR^itkAntaH kAmaH kAmapradaH prabhuH || 32||
yugAdikR^idyugAvarto naikamAyo mahAshanaH |
adR^ishyo vyaktarUpashcha sahasrajidanantajit || 33||
iShTo.avishiShTaH shiShTeShTaH shikhaNDI nahuSho vR^iShaH |
krodhahA krodhakR^itkartA vishvabAhurmahIdharaH || 34||
achyutaH prathitaH prANaH prANado vAsavAnujaH |
apAMnidhiradhiShThAnamapramattaH pratiShThitaH || 35||
skandaH skandadharo dhuryo varado vAyuvAhanaH |
vAsudevo bR^ihadbhAnurAdidevaH purandaraH || 36||
ashokastAraNastAraH shUraH shaurirjaneshvaraH |
anukUlaH shatAvartaH padmI padmanibhekShaNaH || 37||
padmanAbho.aravindAkShaH padmagarbhaH sharIrabhR^it |
maharddhirR^iddho vR^iddhAtmA mahAkSho garuDadhvajaH || 38||
atulaH sharabho bhImaH samayaj~no havirhariH |
sarvalakShaNalakShaNyo lakShmIvAn samiti~njayaH || 39||
vikSharo rohito mArgo heturdAmodaraH sahaH |
mahIdharo mahAbhAgo vegavAnamitAshanaH || 40||
udbhavaH kShobhaNo devaH shrIgarbhaH parameshvaraH |
karaNaM kAraNaM kartA vikartA gahano guhaH || 41||
vyavasAyo vyavasthAnaH saMsthAnaH sthAnado dhruvaH |
pararddhiH paramaspaShTastuShTaH puShTaH shubhekShaNaH || 42||
rAmo virAmo virajo mArgo neyo nayo.anayaH . ##or## virAmo virato
vIraH shaktimatAM shreShTho dharmo dharmaviduttamaH || 43||
vaikuNThaH puruShaH prANaH prANadaH praNavaH pR^ithuH |
hiraNyagarbhaH shatrughno vyApto vAyuradhokShajaH || 44||
R^ituH sudarshanaH kAlaH parameShThI parigrahaH |
ugraH saMvatsaro dakSho vishrAmo vishvadakShiNaH || 45||
vistAraH sthAvarasthANuH pramANaM bIjamavyayam |
artho.anartho mahAkosho mahAbhogo mahAdhanaH || 46||
anirviNNaH sthaviShTho.abhUrdharmayUpo mahAmakhaH |
nakShatranemirnakShatrI kShamaH kShAmaH samIhanaH || 47||
yaj~na ijyo mahejyashcha kratuH satraM satAM gatiH |
sarvadarshI vimuktAtmA sarvaj~no j~nAnamuttamam || 48||
suvrataH sumukhaH sUkShmaH sughoShaH sukhadaH suhR^it |
manoharo jitakrodho vIrabAhurvidAraNaH || 49||
svApanaH svavasho vyApI naikAtmA naikakarmakR^it |
vatsaro vatsalo vatsI ratnagarbho dhaneshvaraH || 50||
dharmagubdharmakR^iddharmI sadasatkSharamakSharam |
avij~nAtA sahasrAMshurvidhAtA kR^italakShaNaH || 51||
gabhastinemiH sattvasthaH siMho bhUtamaheshvaraH |
Adidevo mahAdevo devesho devabhR^id.hguruH || 52||
uttaro gopatirgoptA j~nAnagamyaH purAtanaH |
sharIrabhUtabhR^idbhoktA kapIndro bhUridakShiNaH || 53||
somapo.amR^itapaH somaH purujitpurusattamaH |
vinayo jayaH satyasandho dAshArhaH sAtvatAmpatiH || 54||
jIvo vinayitA sAkShI mukundo.amitavikramaH |
ambhonidhiranantAtmA mahodadhishayo.antakaH || 55||
ajo mahArhaH svAbhAvyo jitAmitraH pramodanaH |
Anando nandano nandaH satyadharmA trivikramaH || 56||
maharShiH kapilAchAryaH kR^itaj~no medinIpatiH |
tripadastridashAdhyakSho mahAshR^i~NgaH kR^itAntakR^it || 57||
mahAvarAho govindaH suSheNaH kanakA~NgadI |
guhyo gabhIro gahano guptashchakragadAdharaH || 58||
vedhAH svA~Ngo.ajitaH kR^iShNo dR^iDhaH sa~NkarShaNo.achyutaH |
varuNo vAruNo vR^ikShaH puShkarAkSho mahAmanAH || 59||
bhagavAn bhagahA.a.anandI vanamAlI halAyudhaH |
Adityo jyotirAdityaH sahiShNurgatisattamaH || 60||
sudhanvA khaNDaparashurdAruNo draviNapradaH |
divaspR^ik sarvadR^igvyAso vAchaspatirayonijaH || 61|| ## var ## divispR^ik
trisAmA sAmagaH sAma nirvANaM bheShajaM bhiShak |
sa.nnyAsakR^ichChamaH shAnto niShThA shAntiH parAyaNam || 62||
shubhA~NgaH shAntidaH sraShTA kumudaH kuvaleshayaH |
gohito gopatirgoptA vR^iShabhAkSho vR^iShapriyaH || 63||
anivartI nivR^ittAtmA sa~NkSheptA kShemakR^ichChivaH |
shrIvatsavakShAH shrIvAsaH shrIpatiH shrImatAMvaraH || 64||
shrIdaH shrIshaH shrInivAsaH shrInidhiH shrIvibhAvanaH |
shrIdharaH shrIkaraH shreyaH shrImA.NllokatrayAshrayaH || 65||
svakShaH sva~NgaH shatAnando nandirjyotirgaNeshvaraH |
vijitAtmA.avidheyAtmA satkIrtishChinnasaMshayaH || 66||
udIrNaH sarvatashchakShuranIshaH shAshvatasthiraH |
bhUshayo bhUShaNo bhUtirvishokaH shokanAshanaH || 67||
archiShmAnarchitaH kumbho vishuddhAtmA vishodhanaH |
aniruddho.apratirathaH pradyumno.amitavikramaH || 68||
kAlaneminihA vIraH shauriH shUrajaneshvaraH |
trilokAtmA trilokeshaH keshavaH keshihA hariH || 69||
kAmadevaH kAmapAlaH kAmI kAntaH kR^itAgamaH |
anirdeshyavapurviShNurvIro.ananto dhana~njayaH || 70||
brahmaNyo brahmakR^id brahmA brahma brahmavivardhanaH |
brahmavid brAhmaNo brahmI brahmaj~no brAhmaNapriyaH || 71||
mahAkramo mahAkarmA mahAtejA mahoragaH |
mahAkraturmahAyajvA mahAyaj~no mahAhaviH || 72||
stavyaH stavapriyaH stotraM stutiH stotA raNapriyaH |
pUrNaH pUrayitA puNyaH puNyakIrtiranAmayaH || 73||
manojavastIrthakaro vasuretA vasupradaH |
vasuprado vAsudevo vasurvasumanA haviH || 74||
sadgatiH satkR^itiH sattA sadbhUtiH satparAyaNaH |
shUraseno yadushreShThaH sannivAsaH suyAmunaH || 75||
bhUtAvAso vAsudevaH sarvAsunilayo.analaH |
darpahA darpado dR^ipto durdharo.athAparAjitaH || 76||
vishvamUrtirmahAmUrtirdIptamUrtiramUrtimAn |
anekamUrtiravyaktaH shatamUrtiH shatAnanaH || 77||
eko naikaH savaH kaH kiM yat tatpadamanuttamam |
lokabandhurlokanAtho mAdhavo bhaktavatsalaH || 78||
suvarNavarNo hemA~Ngo varA~NgashchandanA~NgadI |
vIrahA viShamaH shUnyo ghR^itAshIrachalashchalaH || 79||
amAnI mAnado mAnyo lokasvAmI trilokadhR^ik |
sumedhA medhajo dhanyaH satyamedhA dharAdharaH || 80||
tejovR^iSho dyutidharaH sarvashastrabhR^itAM varaH |
pragraho nigraho vyagro naikashR^i~Ngo gadAgrajaH || 81||
chaturmUrtishchaturbAhushchaturvyUhashchaturgatiH |
chaturAtmA chaturbhAvashchaturvedavidekapAt || 82||
samAvarto.anivR^ittAtmA durjayo duratikramaH |
durlabho durgamo durgo durAvAso durArihA || 83||
shubhA~Ngo lokasAra~NgaH sutantustantuvardhanaH |
indrakarmA mahAkarmA kR^itakarmA kR^itAgamaH || 84||
udbhavaH sundaraH sundo ratnanAbhaH sulochanaH |
arko vAjasanaH shR^i~NgI jayantaH sarvavijjayI || 85||
suvarNabindurakShobhyaH sarvavAgIshvareshvaraH |
mahAhrado mahAgarto mahAbhUto mahAnidhiH || 86||
kumudaH kundaraH kundaH parjanyaH pAvano.anilaH |
amR^itAsho.amR^itavapuH sarvaj~naH sarvatomukhaH || 87||
sulabhaH suvrataH siddhaH shatrujichChatrutApanaH |
nyagrodho.adumbaro.ashvatthashchANUrAndhraniShUdanaH || 88||
sahasrArchiH saptajihvaH saptaidhAH saptavAhanaH |
amUrtiranagho.achintyo bhayakR^idbhayanAshanaH || 89||
aNurbR^ihatkR^ishaH sthUlo guNabhR^innirguNo mahAn |
adhR^itaH svadhR^itaH svAsyaH prAgvaMsho vaMshavardhanaH || 90||
bhArabhR^it kathito yogI yogIshaH sarvakAmadaH |
AshramaH shramaNaH kShAmaH suparNo vAyuvAhanaH || 91||
dhanurdharo dhanurvedo daNDo damayitA damaH |
aparAjitaH sarvasaho niyantA.aniyamo.ayamaH || 92||
sattvavAn sAttvikaH satyaH satyadharmaparAyaNaH |
abhiprAyaH priyArho.arhaH priyakR^it prItivardhanaH || 93||
vihAyasagatirjyotiH suruchirhutabhugvibhuH |
ravirvirochanaH sUryaH savitA ravilochanaH || 94||
ananto hutabhugbhoktA sukhado naikajo.agrajaH |
anirviNNaH sadAmarShI lokAdhiShThAnamad.hbhutaH || 95||
sanAtsanAtanatamaH kapilaH kapiravyayaH |
svastidaH svastikR^itsvasti svastibhuksvastidakShiNaH || 96||
araudraH kuNDalI chakrI vikramyUrjitashAsanaH |
shabdAtigaH shabdasahaH shishiraH sharvarIkaraH || 97||
akrUraH peshalo dakSho dakShiNaH kShamiNAMvaraH |
vidvattamo vItabhayaH puNyashravaNakIrtanaH || 98||
uttAraNo duShkR^itihA puNyo duHsvapnanAshanaH |
vIrahA rakShaNaH santo jIvanaH paryavasthitaH || 99||
anantarUpo.anantashrIrjitamanyurbhayApahaH |
chaturashro gabhIrAtmA vidisho vyAdisho dishaH || 100||
anAdirbhUrbhuvo lakShmIH suvIro ruchirA~NgadaH |
janano janajanmAdirbhImo bhImaparAkramaH || 101||
AdhAranilayo.adhAtA puShpahAsaH prajAgaraH |
UrdhvagaH satpathAchAraH prANadaH praNavaH paNaH || 102||
pramANaM prANanilayaH prANabhR^itprANajIvanaH |
tattvaM tattvavidekAtmA janmamR^ityujarAtigaH || 103||
bhUrbhuvaHsvastarustAraH savitA prapitAmahaH |
yaj~no yaj~napatiryajvA yaj~nA~Ngo yaj~navAhanaH || 104||
yaj~nabhR^id yaj~nakR^id yaj~nI yaj~nabhug yaj~nasAdhanaH |
yaj~nAntakR^id yaj~naguhyamannamannAda eva cha || 105||
AtmayoniH svaya~njAto vaikhAnaH sAmagAyanaH |
devakInandanaH sraShTA kShitIshaH pApanAshanaH || 106||
sha~NkhabhR^innandakI chakrI shAr~NgadhanvA gadAdharaH |
rathA~NgapANirakShobhyaH sarvapraharaNAyudhaH || 107||
sarvapraharaNAyudha AUM nama iti |
vanamAlI gadI shAr~NgI sha~NkhI chakrI cha nandakI |
shrImAn nArAyaNo viShNurvAsudevo.abhirakShatu || 108||
shrI vAsudevo.abhirakShatu OM nama iti |
uttaranyAsaH |
bhIShma uvAcha \-\-\-
itIdaM kIrtanIyasya keshavasya mahAtmanaH |
nAmnAM sahasraM divyAnAmasheSheNa prakIrtitam || 1||
ya idaM shR^iNuyAnnityaM yashchApi parikIrtayet |
nAshubhaM prApnuyAtki~nchitso.amutreha cha mAnavaH || 2||
vedAntago brAhmaNaH syAtkShatriyo vijayI bhavet |
vaishyo dhanasamR^iddhaH syAchChUdraH sukhamavApnuyAt || 3||
dharmArthI prApnuyAddharmamarthArthI chArthamApnuyAt |
kAmAnavApnuyAtkAmI prajArthI prApnuyAtprajAm || 4||
bhaktimAn yaH sadotthAya shuchistadgatamAnasaH |
sahasraM vAsudevasya nAmnAmetatprakIrtayet || 5||
yashaH prApnoti vipulaM j~nAtiprAdhAnyameva cha |
achalAM shriyamApnoti shreyaH prApnotyanuttamam || 6||
na bhayaM kvachidApnoti vIryaM tejashcha vindati |
bhavatyarogo dyutimAnbalarUpaguNAnvitaH || 7||
rogArto muchyate rogAdbaddho muchyeta bandhanAt |
bhayAnmuchyeta bhItastu muchyetApanna ApadaH || 8||
durgANyatitaratyAshu puruShaH puruShottamam |
stuvannAmasahasreNa nityaM bhaktisamanvitaH || 9||
vAsudevAshrayo martyo vAsudevaparAyaNaH |
sarvapApavishuddhAtmA yAti brahma sanAtanam || 10||
na vAsudevabhaktAnAmashubhaM vidyate kvachit |
janmamR^ityujarAvyAdhibhayaM naivopajAyate || 11||
imaM stavamadhIyAnaH shraddhAbhaktisamanvitaH |
yujyetAtmasukhakShAntishrIdhR^itismR^itikIrtibhiH || 12||
na krodho na cha mAtsaryaM na lobho nAshubhA matiH |
bhavanti kR^ita puNyAnAM bhaktAnAM puruShottame || 13||
dyauH sachandrArkanakShatrA khaM disho bhUrmahodadhiH |
vAsudevasya vIryeNa vidhR^itAni mahAtmanaH || 14||
sasurAsuragandharvaM sayakShoragarAkShasam |
jagadvashe vartatedaM kR^iShNasya sacharAcharam || 15||
indriyANi mano buddhiH sattvaM tejo balaM dhR^itiH |
vAsudevAtmakAnyAhuH kShetraM kShetraj~na eva cha || 16||
sarvAgamAnAmAchAraH prathamaM parikalpyate | ##var?? ## kalpate
AchAraprabhavo dharmo dharmasya prabhurachyutaH || 17||
R^iShayaH pitaro devA mahAbhUtAni dhAtavaH |
ja~NgamAja~NgamaM chedaM jagannArAyaNodbhavam || 18||
yogo j~nAnaM tathA sA~NkhyaM vidyAH shilpAdi karma cha |
vedAH shAstrANi vij~nAnametatsarvaM janArdanAt || 19||
eko viShNurmahad.hbhUtaM pR^ithagbhUtAnyanekashaH |
trIMllokAnvyApya bhUtAtmA bhu~Nkte vishvabhugavyayaH || 20||
imaM stavaM bhagavato viShNorvyAsena kIrtitam |
paThedya ichChetpuruShaH shreyaH prAptuM sukhAni cha || 21||
vishveshvaramajaM devaM jagataH prabhumavyayam |
bhajanti ye puShkarAkShaM na te yAnti parAbhavam || 22||
na te yAnti parAbhavam OM nama iti |
arjuna uvAcha \-\-\-
padmapatravishAlAkSha padmanAbha surottama |
bhaktAnAmanuraktAnAM trAtA bhava janArdana || 23||
shrIbhagavAnuvAcha \-\-\-
yo mAM nAmasahasreNa stotumichChati pANDava |
soha.amekena shlokena stuta eva na saMshayaH || 24||
stuta eva na saMshaya OM nama iti |
vyAsa uvAcha \-\-\-
vAsanAdvAsudevasya vAsitaM bhuvanatrayam |
sarvabhUtanivAso.asi vAsudeva namo.astu te || 25||
shrI vAsudeva namo.astuta OM nama iti |
pArvatyuvAcha \-\-\-
kenopAyena laghunA viShNornAmasahasrakam |
paThyate paNDitairnityaM shrotumichChAmyahaM prabho || 26||
Ishvara uvAcha \-\-\-
shrIrAma rAma rAmeti rame rAme manorame |
sahasranAma tattulyaM rAma nAma varAnane || 27||
shrIrAmanAma varAnana OM nama iti |
brahmovAcha \-\-\-
namo.astvanantAya sahasramUrtaye
sahasrapAdAkShishirorubAhave |
sahasranAmne puruShAya shAshvate
sahasrakoTiyugadhAriNe namaH || 28||
sahasrakoTiyugadhAriNe OM nama iti |

OM tatsaditi shrImahAbhArate shatasAhasryAM saMhitAyAM

vaiyAsikyAmAnushAsanike
parvaNi bhIShmayudhiShThirasaMvAde shrIviShNordivyasahasranAmastotram ||

sa~njaya uvAcha \-\-\-

yatra yogeshvaraH kR^iShNo yatra pArtho dhanurdharaH |
tatra shrIrvijayo bhUtirdhruvA nItirmatirmama || 29||
shrIbhagavAnuvAcha \-\-\-
ananyAshchintayanto mAM ye janAH paryupAsate |
teShAM nityAbhiyuktAnAM yogakShemaM vahAmyaham || 30||
paritrANAya sAdhUnAM vinAshAya cha duShkR^itAm |
dharmasaMsthApanArthAya sambhavAmi yuge yuge || 31||
ArtAH viShaNNAH shithilAshcha bhItAH ghoreShu cha vyAdhiShu vartamAnAH |
sa~NkIrtya nArAyaNashabdamAtraM vimuktaduHkhAH sukhino bhavanti || 32||
kAyena vAchA manasendriyairvA buddhyAtmanA vA prakR^iteH svabhAvAt | ##var
## prakR^itisvabhAvAt |
karomi yadyat sakalaM parasmai nArAyaNAyeti samarpayAmi || 33||
iti shrIviShNordivyasahasranAmastotraM sampUrNam |
OM tat sat |

mahAbhArate anushAsanaparvaNi

## Additional Concluding Shlokas ##

OM ApadAmapahartAraM dAtAraM sarvasampadAm |
lokAbhirAmaM shrIrAmaM bhUyo bhUyo namAmyaham ||
ArtAnAmArtihantAraM bhItAnAM bhItinAshanam |
dviShatAM kAladaNDaM taM rAmachandraM namAmyaham ||
namaH kodaNDahastAya sandhIkR^itasharAya cha |
khaNDitAkhiladaityAya rAmAya.a.apannivAriNe ||
rAmAya rAmabhadrAya rAmachandrAya vedhase |
raghunAthAya nAthAya sItAyAH pataye namaH ||
agrataH pR^iShThatashchaiva pArshvatashcha mahAbalau |
AkarNapUrNadhanvAnau rakShetAM rAmalakShmaNau ||
sannaddhaH kavachI khaDgI chApabANadharo yuvA |
gachChan mamAgrato nityaM rAmaH pAtu salakShmaNaH ||
achyutAnantagovinda nAmochchAraNabheShajAt |
nashyanti sakalA rogAssatyaM satyaM vadAmyaham ||
satyaM satyaM punassatyamuddhR^itya bhujamuchyate |
vedAchChAstraM paraM nAsti na devaM keshavAtparam ||
sharIre jarjharIbhUte vyAdhigraste kaLevare |
auShadhaM jAhnavItoyaM vaidyo nArAyaNo hariH ||
AloDya sarvashAstrANi vichArya cha punaH punaH |
idamekaM suniShpannaM dhyeyo nArAyaNo hariH ||
yadakSharapadabhraShTaM mAtrAhInaM tu yadbhavet |
tatsarvaM kShamyatAM deva nArAyaNa namo.astu te ||
visargabindumAtrANi padapAdAkSharANi cha |
nyUnAni chAtiriktAni kShamasva puruShottama ||

\hrule
## Alternate Concluding Shlokas ##
namaH kamalanAbhAya namaste jalashAyine |
namaste keshavAnanta vAsudeva namo.astute ||
namo brahmaNyadevAya gobrAhmaNahitAya cha |
jagaddhitAya kR^iShNAya govindAya namo namaH ||
AkAshAtpatitaM toyaM yathA gachChati sAgaram |
sarvadevanamaskAraH keshavaM prati gachChati ||
eSha niShkaNTakaH panthA yatra sampUjyate hariH |
kupathaM taM vijAnIyAd govindarahitAgamam ||
sarvavedeShu yatpuNyaM sarvatIrtheShu yatphalam |
tatphalaM samavApnoti stutvA devaM janArdanam ||
yo naraH paThate nityaM trikAlaM keshavAlaye |
dvikAlamekakAlaM vA krUraM sarvaM vyapohati ||
dahyante ripavastasya saumyAH sarve sadA grahAH |
vilIyante cha pApAni stave hyasmin prakIrtite ||
yene dhyAtaH shruto yena yenAyaM paThyate stavaH |
dattAni sarvadAnAni surAH sarve samarchitAH ||
iha loke pare vApi na bhayaM vidyate kvachit |
nAmnAM sahasraM yo.adhIte dvAdashyAM mama sannidhau ||
shanairdahanti pApAni kalpakoTIshatAni cha |
ashvatthasannidhau pArtha dhyAtvA manasi keshavam ||
paThennAmasahasraM tu gavAM koTiphalaM labhet |
shivAlaye paThenityaM tulasIvanasaMsthitaH ||
naro muktimavApnoti chakrapANervacho yathA |
brahmahatyAdikaM ghoraM sarvapApaM vinashyati ||
vilayaM yAnti pApAni chAnyapApasya kA kathA |
sarvapApavinirmukto viShNulokaM sa gachChati ||
|| hariH AUM tatsat ||

##