ამსტერდამიშ უნივერსიტეტი
| ამსტერდამიშ უნივერსიტეტი ნიდ. Universiteit van Amsterdam | |
 ლათ.: Universitas Amstelodamensis | |
| დირსხუ | 1632 |
|---|---|
| ტიპი | ოჯარალე |
| წორომახანდე | 5,216 (2020) |
| რექტორი | კარენ მაექსი |
| პრეზიდენტი | გეერტ ტენ დამი |
| სტუდენტი | 41,206 (2021) |
| ორენი |  ამსტერდამი, ოორუე ჰოლანდია, ნიდერლანდეფი
|
| კამპუსი | ურბანული |
| ფერეფი | უჩა დო ჭითა |
| საიტი | uva.nl/en |
| |
ამსტერდამიშ უნივერსიტეტი (ნიდ. Universiteit van Amsterdam) — ოჯარალე უნივერსიტეტი ამსტერდამს, ნიდერლანდეფს. უნივერსიტეტიქ დირსხუ 1632 წანას დი თინა სიჯვეშათ მასუმა რე ნიდერლანდეფს. ამსტერდამიშ უნივერსიტეტი სტუდენტეფიშ მუდანობათ ევროპაშ ართ-ართი უდიდაში უნივერსიტეტი რე. 2021 წანაშ მუნაჩემეფით უნივერსიტეტის ჸუნს 41,206 სტუდენტი დო 5,216 პერსონალი. ჸათავრეშე 2,425 აკადემიური პერსონალი რე დო 2,369 ადმინისტრაციული. უნივერსიტეტიშ თარი კამპუსი იდვალუაფჷ ცენტრალურ ამსტერდამს. უნივერსიტეტი იკათუანს 7 ფაკულტეტის: ჰუმანიტარულ, სოციალური მენცარობეფიშ, ფსიქოლოგიაშ, ეკონომიკაშ დო ბიზნესიშ, მენცარობაშ, იურისპრუდენციაშ, მედიცინაშ დო სტომატოლოგიაშ ფაკულტეტეფს.
ამსტერდამიშ უნივერსიტეტი ევროპაშ ართ-ართი პრესტიჟული დო რეიტინგული უნივერსიტეტი რე. უნივერსიტეტეფიშ რეიტინგეფს ამსტერდამიშ უნივერსიტეტი ტოპ-100-იშ ერკებულს რე. QS World University Rankings-იშ 2022 წანაშ მუნაჩემეფით ამსტერდამიშ უნივერსიტეტი 55-ა რე მოსოფელიშ მასშტაბით, ევროპაშ მასშტაბით უნივერსიტეტის უკინებჷ მა-14 პოზიცია, ნიდერლანდეფს მაართა პოზიცია. ამსტერდამიშ უნივერსიტეტი რე შხვადოშხვა ორგანიზაციეფიშ: რკვიებეფიშ ევროპული უნივერსიტეტეფიშ ლიგაშ, UNICA-შ, ევროპული უნივერსიტეტეფიშ ასოციაციაშ დო Universitas 21-შ მაკათური.
ამსტერდამიშ უნივერსიტეტის გურაფულენდეს დო უნივერსიტეტიწკჷმა აფილირებულეფი რდეს: ნობელიშ პრემიაშ ამშვი ლაურეატი, სპინოზაშ პრემიაშ შკვითი ლაურეატი დო ნიდერლანდეფიშ ხუთი პრემიერ-მინისტრი.
რესურსეფი ინტერნეტის
[რედაქტირაფა | წყუშ რედაქტირაფა]