三唑侖

  呢篇文講精神藥物「三唑侖」。想搵其他意思嘅話，請睇藍精靈 (搞清楚)。

三唑侖（英文：Triazolam），又稱為海樂神、酣樂欣、淡藍色片，屬於精神藥物，具有鎮靜、催眠、抗焦慮、抗驚厥等作用，起效快、維持時間短，臨床應用廣泛。因為係藍色片藥丸，經常俾吸毒者濫用，所以俾吸毒者美稱為「藍精靈」。好多國家都係屬於受管制藥物，需要醫生處方先至可以購買。

簡介

三唑侖係常用嘅有效催眠藥之一，亦可以用嚟舒暢焦慮同神經緊張等。佢係一種強烈嘅鎮靜藥品，口服之後可以令人迅速昏迷暈倒（0.75mg嘅三唑侖，能夠令人喺10分鐘之內快速昏迷，昏迷時間可以達到4至6個鐘），所以俗稱迷藥、蒙汗藥、迷魂藥。可以溶喺水同各種嘢飲料之中，亦可以同酒精類共同服用。三唑侖冇任何味道，見效迅速，藥效比普通安定強45至100倍。