瑞士德文區

瑞士語言區 – 人口数據來源自2010年瑞士聯邦統計署，地圖係2019年1月嘅版本

  德文
(佔左總人口占65,6%，占左公民人口73,3%)

  法文
(佔咗瑞士總人口22,8%，佔咗瑞士公民23,4%)

  意大利文
(佔左總人口8,4%，公民人口6,1%）

  羅曼什文
(佔左總人口0,6%，公民人口0,7%)

瑞士德文區（德文：Deutschschweiz）係瑞士聯邦嘅地理區域，由德文或者瑞士德文佔咗主導地位嘅地區組成，但係唔係正式嘅行政區劃。 瑞士德文區嘅面積大約佔咗瑞士領土嘅65％，主要包括瑞士西北部、瑞士東部、瑞士高原部分地區、瑞士中部同埋瑞士阿爾卑斯山脈嘅大部分地區。瑞士德文區嘅人口大約係590萬，大約佔咗瑞士總人口的70％。瑞士嘅講第啲話嘅區域有瑞士法文區、瑞士意大利話區同埋瑞士羅曼什語區。

語言

日常用語

瑞士德文係瑞士德文區使用嘅阿勒曼尼文方言嘅總稱。喺日常生活裏面好少人會用瑞士標準德文，只有喺同唔熟悉瑞士德文嘅人交流嗰陣先至會用，譬如話瑞士法文區同意大利文區居民、外國人或者新嚟嘅移民。喺阿勒曼尼語區以外嘅地方，標準德國話地位最高，而瑞士德文方言幾乎喺所有情况下都會被優先使用。瑞士德文作家胡戈·羅切爾喺一篇文章裏面將瑞士德文區居民嘅呢种語言情况描述做“一種語言裏面嘅雙語”。

手語

瑞士德文區用嘅手語係瑞士德文手語。如果要表達外來語嘅話，就會優先用瑞士法文區嘅瑞士法文手語，而德國手語同埋奧地利手語就比較少人用。即係話瑞士德文區嘅居民都唔會優先考慮用第啲國家嘅德文手語,而係會優先考慮用瑞士法文手語。瑞士德文手語係種獨立嘅語言，佢嘅類別歸屬仲係唔明確，佢唔屬於德文都唔屬於法文。

官方語言

瑞士嘅幾大語言區域唔係行政區劃。而且語言區之間嘅邊界都唔係州同州嘅邊界，即係話有啲州係跨越語言區，有唔止一種官方語言。每個州嘅官方語言唔係由國家規定，而係由州政府自己决定。喺瑞士26個聯邦州裏面，瑞士高地德文係17個州嘅唯一一個標準話同官方語言。仲有有四個州將瑞士高地德文定做官方語言之一：

• 伯恩州，傅賴堡州同埋華麗州嘅官方語言瑞係士高地德文同法文。

• 格勞賓登州嘅官方語言係瑞士高地德文、意大利文同埋羅曼什文，而呢個州超過一半嘅居民講瑞士高地德文同埋佢嘅變體。

文化邊界

紅色線係文化邊界布呂尼希-納普夫-羅伊斯綫，黃色區域係瑞士嘅高地阿勒曼尼話區

瑞士德文區同羅曼地之間存在語言同埋文化邊界，呢條邊界都叫做啲斯地嘎崩。

瑞士德文區内部有條叫做布吕尼希-納普夫-羅伊斯綫嘅方言邊界，佢都係條文化邊界。

喺瑞士嘅教育系統裏面，巴塞爾城市州、巴塞爾鄉村州、索洛圖恩州、伯恩州同埋華麗州規定法文係小學生學嘅第一外語；喺格勞賓登州嘅德文區，意大利文係第一外語；其餘嘅德文州就將英语定做第一外語。

文化

同法文區同埋意大利文區一樣，瑞士德文區嘅文化同精神生活主要都係面向其他德文國家同地區。同時，德文區都同瑞士拉丁語族區有頻繁嘅文化交流，佢哋嘅風俗習慣對德文區產生咗好大嘅影響。

藝術館同博物館

下面列出咗瑞士德文區最重要嘅藝術館同博物館。

藝術館

喺巴塞爾里恩嘅貝耶勒基金會美術館係瑞士参觀人數最多嘅藝術館之一

喺蘇黎世嘅里特貝格博物館係瑞士最大嘅非歐洲藝術展覽館

巴塞爾美術館係瑞士歷史最悠久都係最大嘅美術館喺巴塞爾郊區市鎮里恩嘅貝耶勒基金會美術館係瑞士参觀人數最多嘅藝術館之一，藝術館古典现代主義風格嘅藝術品揚名外國。巴塞爾擁有國際影響力嘅藝術館仲有喺1872年起好嘅巴塞爾藝術館，而家係當代藝術交流嘅中心；以及赫爾佐格同德梅隆建築事務所喺巴塞爾郊區市鎮明興施泰因設計建造嘅舒拉格美術館。巴塞爾嘅出名藝術館仲有丁格利博物館，佢展出咗同名藝術家尚·丁格利同同時代藝術家嘅作品。

蘇黎世美術館嘅歷史可以追溯到1787年，係蘇黎世最出名嘅美術館。呢個美術館收藏咗喺挪威以外最多嘅孟克嘅作品同阿爾伯托·科梅蒂嘅大量重要作品。同樣重要嘅仲有布爾勒收藏展覽館同蘇黎世恩格區嘅里特貝格博物館，後者係瑞士唯一嘅非歐洲藝術展覽館。

聯邦城市伯爾尼同樣擁有舉世聞名嘅藝術館。伯爾尼美術館喺1879年成立，有中世紀至當代嘅眾多美術展品。比較出名嘅有保羅·克利中心同埋喺1918年成立嘅伯爾尼藝術館，後者收藏咗好多個當代藝術作品。

瑞士東部最重要嘅藝術館係喺1877年起好嘅聖加倫美術館，主要展出17世紀嘅荷蘭油畫、19世纪瑞士、德國同法國嘅藝術品、阿彭策爾農民畫同埋世界範圍内嘅現代藝術作品。

瑞士德文區有一定影響力嘅美術館仲有喺1916年起好嘅温特圖爾美術館、喺1902年起好嘅索洛圖恩美術館同埋喺1933年設立嘅盧塞恩美術館。盧塞恩美術館而家喺法國建築師讓·努維爾設計嘅盧塞恩文化同會議中心内部。

博物館

瑞士國立博物館嘅主體部分蘇黎世國立博物館，佢嘅歷史可以追溯到1898年，係瑞士参觀人數最多嘅博物馆。喺719年起好嘅聖加倫修道院圖書館係瑞士最大嘅修道院圖書館，1983年成為咗世界文化遺產。瑞士德文區重要嘅博物館仲有巴塞爾歷史博物馆、巴塞爾自然史博物館、伯爾尼歷史博物館（瑞士第二大歷史博物館）、弗勞恩費爾德城堡、巴塞爾文化博物館同埋喺盧塞恩嘅瑞士交通博物館。喺巴塞爾鄉村州奧格斯特嘅古羅馬遺跡奧古斯塔·勞里卡，係瑞士重要嘅歷史同考古學展覽區域。喺伯爾尼州霍夫斯泰滕嘅巴倫伯格露天博物館，滙集咗瑞士各地嘅傳統建築。

文學家同藝術家

安吉莉卡·考夫曼

保羅·克利

赫爾曼·黑塞

安妮瑪麗·施瓦岑巴赫

下面既文係以時間順序嚟到列舉瑞士德文區嘅部分出名嘅文學家同藝術家。

瑞士德文區出名嘅畫家有喺宗教改革同文藝復興時期成名，嚟自巴塞爾嘅小漢斯·荷拜因同嚟自伯恩嘅尼克勞斯·曼努埃爾。喺18世紀，嚟自格勞賓登州嘅女畫家安吉莉卡·考夫曼都擁有非常之大嘅國際影響力。喺19世紀之後，蘇黎世作家同现實主義抒情詩人康拉德·費迪南德·邁耶、作家耶雷米阿斯·戈特赫爾夫、戈特弗里德·凱勒同埋約翰娜·施皮里都係有影響力嘅文學巨匠。

從19世紀下半葉開始，瑞士德文區重要嘅藝術家有伯恩嘅費迪南德·霍德勒（佢都同瑞士法文區有密切嘅聯系）、艾伯特·安克爾、喺巴塞以出世嘅阿諾德·勃克林同埋嚟自索洛圖恩州嘅庫諾·阿密特。

喺20世紀瑞士德文區出名嘅文壇人物有弗里德里希·迪倫馬特（後尾佢移居到法文區嘅納沙泰爾州）同埋馬克斯·弗里施，佢哋嘅作品被譽為反映咗當時瑞士德文區生活嘅鏡。比較有名望嘅文學家仲有阿道夫·慕施克同胡戈·羅切爾。20世紀瑞士德文區出名嘅藝術家仲有讓·阿爾普、蘇菲·陶柏·阿爾普、馬克斯·比爾、保羅·利、梅雷特·奧本海姆、皮皮洛蒂·瑞斯特同埋伊雷娜·佐京登。

由20世紀開始，好多德文文學家將瑞士（尤其係瑞士德文區）作為佢哋流亡同移居嘅目的地。比較出名嘅有赫曼赫曼（後尾移居到意大利文區嘅提契諾州）、移居到蘇黎世嘅德國猶太女詩人埃爾莎·拉斯克-許勒、移居到達禾斯嘅恩斯特·路德維希·克爾希納、法蘭茨·馬克同埋移居到蘇黎世湖沿岸嘅托馬斯·曼家族成員。喺蘇黎世，托馬斯·曼嘅長女艾莉卡·曼同佢個仔仔克勞斯·曼喺塔爾维爾出世嘅女作家、攝影師安妮瑪麗·施瓦岑巴赫有密切嘅聯繫。同时，喺20世紀20年代，德國哲學家華特班雅明同猶太哲學家哥舒姆·舒勒姆啱啱從伯爾尼大學畢業。

高校

巴塞爾大學係瑞士最古老嘅大學

蘇黎世聯邦理工學院係世界出名嘅高校

瑞士德文區一共有六所综合性大學，分别喺巴塞爾、伯爾尼、盧塞恩、聖加倫、蘇黎世同埋雙語城市弗里堡。非常之出名嘅蘇黎世聯邦理工學院都喺瑞士德文區。

• 巴塞尔大學喺1460年成立，係瑞士最古老嘅大學。喺19世紀之前，呢間學校係瑞士唯一一所具有大學地位嘅高校。巴塞爾大學係歐洲人文主義嘅摇籃之一，伊拉斯謨、帕拉塞爾蘇斯、雅各·布克哈特、弗德里希·尼采、瑪麗昂·登霍夫、雅士培同埋卡爾·巴特等等嘅思想家或者學者曾經都喺巴塞爾大學就讀或者教書。呢間學校嘅校友裏面仲有九位諾貝爾獎得主同埋两位瑞士聯邦主席。喺2018年一共有12,000個學生讀緊呢間學校。

• 伯爾尼大學喺1834年成立，由取代咗貴族統治嘅自由主義政府根據洪堡教育理念建立。呢間學校嘅前身係起喺1528年宗教改革時期，培訓教士嘅神學院。1805年伯爾尼政府將神學院重組就擁有四個學科嘅學院。愛因斯坦曾經係呢間大學嘅理論物理學老師，諾貝爾生理學或醫學獎得主埃米爾·特奧多爾·科赫爾曾經都喺醫學院做過教授。伯爾尼大学依家有接近18,000個學生，係瑞士第二大綜合類大學。

• 盧塞恩大学喺2000年建校，係瑞士最後生嘅大學，都係瑞士最細嘅大學之一。因為宗教改革嘅缘故，巴塞爾大学唔再培養天主教精英，而嗰陣盧塞恩係天主教嘅堡壘，耶穌會都因為咁而，揀咗盧塞恩做對抗加爾文主義嘅基地，於是喺嘉祿·鮑榮茂嘅倡議之下，盧塞恩耶穌會學院喺1574年成立，呢個學院係盧塞恩大學嘅前身。1889年成立嘅弗里堡大學係瑞士第一所天主教大學，盧塞恩因此喪失咗將耶稣會學院擴建做天主教大學嘅機會。喺1920年，合併弗里堡同盧塞恩嘅神學院建立瑞士國家天主教大學嘅計劃都失敗咗。後尾經過咗全州公投，盧塞恩大學喺2000年成立，而家有接近3,000名学生讀緊。

• 聖加侖大學嘅前身係喺19世紀末期成立嘅貿易同交通院學，喺1963年呢間大學改咗名做聖加侖經濟同社會科學學院。聖加侖大學依家大約有6500個學生，係瑞士最細嘅大學之一。呢間大學主要培養建制、公共行政同埋司法領域嘅專業精英。喺2018年泰晤士高等教育-QS世界大學排名裏面，聖加侖大學排喺400到500名之間。

• 喺經過咗長期嘅爭論之後，蘇黎世州議會喺1833年通過咗新嘅教育法，蘇黎世大學都喺呢一年成立。蘇黎世大學嘅前身係16同17世纪成立嘅若干所學院（醫学院、法學院、政治學院、自然史同埋古代語言學院）。喺1866年，娜杰日達·蘇斯洛娃入讀咗蘇黎世大學，成為咗第一個喺瑞士大學就讀嘅女仔。蘇黎世大學一共有12個校友攞過諾貝爾獎，包括威廉·倫琴、蒙森同埋愛因斯坦。喺2018年一共有2萬5千個學生讀緊蘇黎世大學，係瑞士規模最大嘅大學。

• 蘇黎世聯邦理工學院喺1855年成立，係瑞士嘅两間聯邦理工學院之一，都係世界最出名的理工大學之一。呢間學校嘅校友裏面有有愛因斯坦、奧托·斯特恩和同埋弗拉迪米尔·普雷洛格等等嘅29位諾貝爾獎得主，同埋文德林·維爾納同埋阿萊西奧·菲加利呢兩位菲爾茲獎嘅得主。呢間學校而家有2萬個學生讀緊呢間學院，學生嚟自全球120幾個國家，係瑞士規模最大嘅高校之一。

區域劃分

瑞士德文區内部可以劃分做幾個次區域，力的區域有自己嘅區域中心同埋唔同嘅文化習俗。

瑞士西北部地區

紅色區域係瑞士西北部嘅經濟區

從西北方向望萊茵河轉彎處嘅巴塞爾同埋附近嘅市鎮

瑞士西北部嘅經濟區係由大巴塞爾地區组成，包括巴塞爾城市州、巴塞爾鄉村州、阿爾膠州嘅勞芬堡區同埋萊茵費爾登區仲有索洛圖恩州嘅多爾尼克區同埋蒂爾斯泰因區。呢個區域嘅經濟同文化中心都巴係塞爾，呢個區域有瑞士最古老嘅大学巴塞爾大學、瑞士最大嘅藝術館巴塞爾美術館同埋國際清算銀行嘅總部。巴塞爾都係個化學同埋製藥中心，諾華同羅氏大藥廠公司嘅總部都喺呢個區域。

瑞士中部地區

從瑞吉峰望四森林州湖

瑞士中部地區包括琉森州、施維茨州、烏里州、上華登州、下華登州同埋祖格州。呢個地區嘅經濟同文化中心係琉森，聯邦保險法院、喺2000年成立嘅盧塞恩大學同埋盧塞恩文化同會議中心都喺呢個區域。盧塞恩比較出名嘅仲有盧塞恩音樂節同埋瑞士交通博物館.

瑞士東部地區同蘇黎世地區

橙红色區域係瑞士東部地區

瑞士東部地區包括沙夫候臣州、圖爾高州、聖加倫州、格拉鲁斯州、内阿彭策州、外阿彭策州嘅全境同埋格勞賓登州嘅德文區。雖然蘇黎世地區喺文化上唔属於瑞士東部，但係蘇黎世係瑞士東部地區嘅經濟同社會中心，因此蘇黎世同瑞士東部地區有緊密嘅聯繫。聯邦行政法院同圣加侖大學都喺呢個區域嘅主要城市圣加倫；沙夫候臣州係重要嘅鐘錶業中心；圖爾高州同埋博登湖嘅周邊地區出名嘅嘢係葡萄酒同埋蘋果產業。

蘇黎世同佢嘅周邊區域係瑞士人口最多嘅區域，有豐富嘅文教設施同發達嘅金融業。蘇黎世大學、蘇黎世聯邦理工學院、瑞士國家銀行總部、瑞士證券交易所、瑞士最大嘅機場蘇黎世機場（喺郊區市鎮克洛滕）、國際足球協會總部同埋蘇黎世美率均都喺。呢個區域

中原地區同上瓦萊州

阿勒河環繞嘅伯爾尼老城區

中原地區由傅賴堡州同索洛圖恩州同埋伯恩州嘅部份地區組成，區域中心係伯恩，次中心係比爾、弗里堡、圖恩同埋索洛圖恩。作為联邦城市，聯邦宫同埋好多個國家政府部門、瑞士國家銀行嘅第二總部、伯恩大学、保羅·克利中心同埋伯恩美術館都喺伯恩。

中原地區嘅次中心、弗里堡州嘅首府弗里堡係雙語弗里堡大學、弗里堡藝術歷史博物館同埋讓·丁格力與尼基·德·聖法羅空間嘅所在地；斯沃琪集團總部嘅所在地比爾係鐘錶業嘅中心；索洛圖恩被認為係瑞士最靚嘅巴洛克城市，聖友爾蘇士主教座堂就喺呢個市。

上華麗州，即係華麗州嘅德文區，喺華麗州東部嘅阿爾卑斯山，喺經濟同文化方面同隔離嘅伯恩州，又同呢個州講法文语嘅其他區域，同瑞士法文区有緊密嘅聯繫。上華麗州嘅經濟同文化中心係布里格同埋菲斯普