電梯

關於打直上落嘅運輸機器，去𨋢。

港鐵炮台山站嘅扶手電梯

港鐵南昌站嘅扶手電梯

台北地鐵忠孝復興站嘅扶手電梯

電梯係電動嘅運輸工具。個樣十足樓梯，不過啲級會郁，有兩個一齊郁嘅扶手，所以又叫扶手電梯。電梯係用嚟運人上落樓。台灣人就鍾意叫佢扶梯。電梯即使停咗（例如停電時），都可以當普通樓梯咁用，畀人行上行落，又唔會困𨋢，又唔使等𨋢，行埋去就即刻用得，呢啲係佢相對於𨋢嘅優點。

其實樓梯唔一定要一級級。如果唔係太斜，有時都會整到一個斜面咁，極端就直情打橫咁行。呢隻好似運輸帶咁嘅電梯，英文畀個名佢做travelator。

電梯成本唔平，包括買返嚟、裝好、成日用電開着、定期檢查、壞咗又要整。不過業主為咗吸引人流，方便遊人，有時電梯係必須品，好似好多人去嘅車站同埋商場。