Christiaan VIII van Denemarke
| Christiaan VIII | |
|---|---|
| Koning van Denemarke en Noorweë | |
 Portret deur Louis Aumont, 1831.
| |
| Tydperk | Denemarke 3 Desember 1839 – 20 Januarie 1848 Noorweë 17 Mei – 10 Oktober 1814 |
| Voorganger | Denemarke Frederik VI Noorweë Frederik VI |
| Opvolger | Denemarke Frederik VII Noorweë Karel II |
| Huis | Oldenburg |
| Vrou | Charlotte Frederica van Mecklenburg-Schwerin Caroline Amalie van Sleeswyk-Holstein-Sonderborg-Augustenburg |
| Vader | Erfprins Frederik van Denemarke |
| Moeder | Sophia Frederica van Mecklenburg-Schwerin |
| Gebore | 18 September 1786, Kopenhagen |
| Oorlede | 20 Januarie 1848 (op 61), Kopenhagen |
Christiaan VIII (18 September 1786 - 20 Januarie 1848) was van 1839 tot 1848 koning van Denemarke en in 1814 as Christiaan Frederik koning van Noorweë.[1]
Lewe
[wysig | wysig bron]Christiaan was die seun van erfprins Frederik van Denemarke en hertogin Sophia Frederica van Mecklenburg-Schwerin. Sy grootouers aan vaderskant was koning Frederik V van Denemarke en Noorweë en sy tweede vrou, hertogin Juliana Maria van Brunswyk-Wolfenbüttel.
Hy is op 21 Junie 1806 met sy niggie hertogin Charlotte Frederica van Mecklenburg-Schwerin getroud. Hul oudste seun is op die dag van sy geboorte dood en hul tweede seun het later koning Frederik VII geword. Die egpaar is in 1810 geskei nadat Charlotte Frederica van owerspel aangekla is.[2] Christiaan se tweede vrou was prinses Caroline Amalie van Sleeswyk-Holstein-Sonderburg-Augustenburg, die susterskind van Frederik VI. Hulle is op 22 Mei 1815 getroud.
Christiaan het 10 buite-egtelike kinders gehad. Daar is gerugte dat die sprokieverhaalskrywer Hans Christian Andersen een van hulle was, maar daar is min getuienis om dit te staaf.[3]
In Mei 1813 is Christiaan na Noorweë gestuur om die land se lojaliteit jeens die Huis van Oldenburg te bevorder ná Frederik VI se rampspoedige bande met Napoleon. Hy is selfs vir ’n paar maande tot koning van Noorweë verkies onder die naam Christiaan Frederik. Ná probleme met Swede en ’n Noorse nederlaag in ’n kort Sweeds-Noorse oorlog het hy egter geabdikeer. Op 4 November is Karel XIII van Swede verkies tot nuwe koning van Noorweë onder die naam Karel II.[4]
Op 3 Desember 1839 het Christiaan VIII die Deense troon bestyg. Hy het gou sy liberale ondersteuners teleurgestel deur elke liberale projek te verwerp. Sy houding jeens die groeiende onrus in die dubbele hertogdom Sleeswyk-Holstein was dikwels twyfelend en halfhartig, en dit het sy posisie daar geknou. Eers in 1846 was hy duidelik ten gunste van Sleeswyk as ’n Deense gebied.[5]
Sy enigste wettige seun, die toekomstige Frederik VII, was drie keer getroud, maar het geen wettige kinders gehad nie. Christiaan wou ’n opvolgingskrisis afweer; die gevolg was die verkiesing van die toekomstige Christiaan IX as erfprins.
Christiaan VIII is in 1848 aan bloedvergiftiging dood.
Verwysings
[wysig | wysig bron]- ↑ "Christian 8" (in Deens). Den Store Danske. Geargiveer vanaf die oorspronklike op 17 September 2019. Besoek op 15 Augustus 2016.
- ↑ "Charlotte Frederikke•" (in Deens). Den Store Danske. Geargiveer vanaf die oorspronklike op 17 Junie 2019. Besoek op 15 Augustus 2016.
- ↑ Rossel 1996, p. 6
- ↑ Knut Dørum. "Christian Frederik" (in Noors). Store norske leksikon. Geargiveer vanaf die oorspronklike op 8 Mei 2020. Besoek op 15 Augustus 2016.
- ↑ "Christian VIII" (in Duits). Allgemeine Deutsche Biographie. Geargiveer vanaf die oorspronklike op 6 Februarie 2020. Besoek op 15 Augustus 2016.
Eksterne skakels
[wysig | wysig bron]- Die Koninklike Stamboek Geargiveer 14 Maart 2015 op Wayback Machine op die webtuiste van die Deense Monargie
Wikimedia Commons het meer media in die kategorie Christiaan VIII van Denemarke.
Hierdie artikel is vertaal uit die Engelse Wikipedia
Normdata  |
|
|---|