Magnus I van Noorweë
| Magnus I | |
|---|---|
| Koning van Noorweë en Denemarke | |
 ’n Ontmoeting tussen Magnus en Hartaknoet, illustrasie deur Halfdan Egedius.
| |
| Periode | 1035–1047 (Noorweë) 1042–1047 (Denemarke) |
| Voorganger | Knoet die Grote (Noorweë) Hartaknoet (Denemarke) |
| Opvolger | Harald III (Noorweë) Sven II (Denemarke) |
| Vader | Olaf II van Noorweë |
| Moeder | Alvhild |
| Gebore | 1024, Noorweë |
| Oorlede | 25 Oktober 1047, Denemarke |
Magnus I of Magnus die Goeie (1024 – 25 Oktober 1047) was van 1035 tot 1047 koning van Noorweë en van 1042 tot 1047 koning van Denemarke.
Magnus was die seun van Olaf II van Noorweë, wat die Nore teen hul sin probeer kersten het. In 1028 moes Magnus saam met sy pa uit Noorweë na Kiëf-Roes vlug. In 1035, ná die dood van Knoet die Grote, het die Noorse adellikes, wat nie meer deur Denemarke regeer wou word nie, Magnus teruggeroep en is hy uitgeroep as koning van Noorweë.
Hy is daarna verkies tot koning van Denemarke ná die dood van die Deense koning Hartaknoet in 1042. Sven Estridsen het egter ook op die Deense troon aanspraak gemaak en het in opstand gekom teen Magnus. Die konflik het voortgeduur totdat Magnus se neef Harald Hardråde in 1045 uit ballingskap teruggekeer het, belaai met goud wat hy vergader het in sy tyd as huursoldaat in die Bisantynse Ryk. Magnus het Harald as ’n groot bedreiging beskou en besluit om die Noors-Deense troon met hom te deel. Die twee konings het toe saam opgeruk teen Sven Estridsen en hom uit Denemarke verdryf.
’n Jaar later, in 1047, is Magnus dood nadat hy van ’n perd afgeval het. Die omstandighede rondom sy dood is onduidelik, maar destyds is gemeen dat Harald hom vermoor het. Op sy sterfbed het Magnus sy koninkryk gedeel: Harald het die troon van Noorweë gekry en Sven het koning van Denemarke geword.
Die lyn van Olaf II het by Magnus geëindig, maar weer aan die bewind gekom toe Erik II, ’n afstammeling van Magnus se suster, koning word. Ook Jakobus I van Engeland het van Magnus afgestam.
Verwysings
[wysig | wysig bron]- Hierdie artikel is merendeels vertaal vanaf die Engelse Wikipedia-artikel en:Magnus I van Noorwegen
Eksterne skakels
[wysig | wysig bron]- Die saga van Magnus die Goeie Geargiveer 21 Junie 2006 op Wayback Machine
- Vroeë konings van Noorweë
