Pous Siricius

Pous Siricius
Geboortenaam	Siricius
Pontifikaat begin	17 Desember 384
Pontifikaat eindig	26 November 399
Voorganger	Damasus I
Opvolger	Anastasius I
Gebore	334 Rome, Italië
Sterf	26 November 399 Rome, Italië

Sint Pous Siricius
Gebore	334, Rome, Italië
Sterfte	26 November 399, Rome, Italië
Vereer in	Rooms-Katolieke Kerk
Heiligverklaring	1748, Rome deur Pous Benedictus XIV
Pelgrimsoord	Priscilla katakombes
Feesdag	26 November

Siricius was die 38ste pous van die Rooms-Katolieke Kerk.

Biografie

Pous Siricius is 'n Romein, die seun van Tiburtius waarskynlik gebore in die jaar 334. Op 17 Desember 384 volg hy Pous Damasus I op en regeer tot sy dood op 26 November 399. Hy was die eerste biskop van Rome wat die titel Pontifex Maximus (Pous) gedra het. Hy word opgevolg deur Pous Anastasius I. Die naam ‘Siricius’ beteken “uit Siris”.

Pontifikaat

Sy verkiesing is bekragtig deur keiser Valentianus III in 'n brief aan Pinius op 23 Februarie 385. Teenpous Ursinus het toe nog geleef en aan sy amp bly vasklou.

Aan die begin van sy pontifikaat het Himerius van Tarragona in Spanje 'n brief aan die pous geskryf met vrae oor die doop, boetedoening, kerklike dissipline en die selibaat. Siricius het die brief beantwoord op 10 Februarie 385 waarin hy die vrae beantwoord met volle besef van sy verantwoordelikheid as die oppergesag in die kerk. Die brief is die oudste pouslike dekreet wat behoue gebly het.

'n Sinode is in Rome gehou op 6 Januarie 386 waar kerklike dissipline vasgelê is. Die pous het in al sy dekrete sy verantwoordelikheid as oppergesag van die kerk en die pastorale sorg vir al die Christene bevestig. Siricius het hard opgetree teen verskeie ketters. Hy het Jovianus en biskop Bonosus van Sardica veroordeel.

Tydens sy pontifikaat is die basiliek van Paulus voor die Mure op die Via Ostiensis gebou deur die keiser en in 390 deur die pous ingewy.

Verering

Siricius word as heilige vereer in die Rooms-Katolieke Kerk. Sy feesdag is op 26 November.

Verwysings

• Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
• Liber Pontificalis, ed; DUCHESNE, I, 216–17
• COUSTANT, Epist. Roman. Pont., I
• JAFFÉ, Reg. Pont. Rom., I, 2nd ed, 40–42
• BABUT, La plus ancienne Décrétale (PARIS, 1904)
• LANGEN, Gesch. der röm. Kirche, I (Bonn, 1881), 611 sqq.
• RAUSCHEN, Jahrb. der christl. Kirche (Freiburg, 1897)
• GRISAR, Gesch. Roms u. der Päpste, I, passim
• HEFELE, Konziliengesch., II, 2nd ed., 45–48, 51.

Eksterne skakels

• BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
• CE Inskrywing in die Catholic Encyclopedia (Engels)

Nota

Saamgestel uit die Nederlandse, Engelse, Duitse en Franse wiki’s.

Opvolging

Voorafgegaan deur Damasus I

Pous (Pontifex Maximus) 384 – 399

Opgevolg deur Anastasius I