Sintetiese klavier
'n Sintetiese klavier of sintetiseerder is 'n elektroniese toestel wat 'n verskeidenheid klanke kan produseer deur seine van verskillende frekwensies te genereer en te kombineer. Sintetiseerders skep elektriese seine eerder as direkte akoestiese klanke, wat dan deur 'n luidspreker of stel kopfone gespeel word.
Sintetiseerders word gewoonlik (maar nie eksklusief nie) deur 'n musikale toetsbord in die styl van die klavier beheer. Sintetiese klaviere kan 'n wye reeks klanke produseer wat ander instrumente kan naboots (soos dwarsfluite, kitare en selfs tromme), of dit kan heeltemal nuwe klankkleure ((en) "timbres") genereer.
Geskiedenis
[wysig | wysig bron]
Die eerste elektriese sintetiseerder is in 1876 deur Elisha Gray uitgevind (hy is bekend vir sy rol in die ontwikkeling van 'n telefoonprototipe).[1][2] Robert Moog het 'n rewolusionêre sintetiseerder geskep wat op Wendy Carlos se Switched-On Bach (1968), 'n gewilde opname wat vele musici aan die klank van sintetiseerders voorgestel het, gebruik is. In die 1970's het die ontwikkeling van verkleinde vastetoestand komponente toegelaat dat sintetiseerders vrystaande, beweeglike instrumente kon word, wat dit makliker gemaak het om hulle in musiekkonserte te gebruik. Teen die vroeë 1980's het maatskappye soos Yamaha kompakte, redelik geprysde sintetiseerders soos die DX7 begin verkoop, en MIDI (musikale-instrument-digitale-koppelvlak) is ontwikkel, wat dit vereenvoudig het om sintetiseerders met ander elektroniese instrumente te integreer en te sinchroniseer. In die 1990's het ingewikkelde sintetiseerders nie meer spesialishardeware geverg nie en het hulle as sagteware vir die persoonlike rekenaar (PR) begin verskyn, gewoonlik as hardeware-emuleerders met aan-skerm knoppies en panele.
Verwysings
[wysig | wysig bron]- ↑ Electronic Musical Instrument 1870–1990, 2005, archived from the original on 2007-05-02, https://web.archive.org/web/20070502121553/http://www.obsolete.com/120_years/machines/telegraph/, besoek op 2007-04-09
- ↑ Chadabe, Joel (Februarie 2000), The Electronic Century Part I: Beginnings, Electronic Musician, pp. 74–89
Eksterne skakels
[wysig | wysig bron]- Vintagesynth — outydse synth-ontdekker (en)
- Progsounds — aanlyn-synthbron (en)
- Synth Museum — outydse synth-bron (en)
- SoundProgramming.Net — synth-handleidingbergplek (en)
- Nuwe klankontwikkelaars — moontlike nuwe klank van 'n ingewikkelde toekomstige musiek Geargiveer 15 September 2008 op Wayback Machine (en)
- 120 jare van electroniese musiek — masjiene wat tussen 1870 en 1990 gebruik is Geargiveer 17 Julie 2007 op Wayback Machine (en)
- Prinsiepe van klanksintese by Universiteit Salford (en)
- Innoverende Sintese — artikels oor sintetiseerders
- Sintetiseerdermusiek Geargiveer 16 Maart 2009 op Wayback Machine (en)
