بعودية
لبعودية ؤلا لمسافة (ب نّݣليزية: distance) هوّا واحد لعبار كيحدد لفرق على واحد لمسار مابين جوج نقاطي ف لمكان، و لي كيتعبّر عليه ب واحد لعدد و عبرة ديال لبعودية بحال السنتيميتر، لميترو، ؤلا لكيلوميطر (متلا لبعودية بين مراكش و الرباط 287 كيلوميطر ف لجو). لموقابيل ديالو ف لعبار د الزمان هوّ لمدة.
لبعودية مفهوم كيتخدّم ف الصيونص، سيرتو ف لفيزيك، و تا ف لحياة ليومية. ف لفيزيك، لبعودية تقدر تعبّر على لمقدار د لمكان لي قطعاتو شي ڭسدة من نقطة ل نقطة خرة. كاينين جوج مفاهيم ف لماط و لفيزيك لي ماخاصش بنادم يخلط بيناتهوم، هوما لبعودية و لإزاحة. لبعودية هيّ واحد لمقدار لي عملياً تحرّكات فيه واحد لڭسدة (لي يقدر مايكونش نيشان ؤلا أقصر طريق بين جوج نقاطي)، و لإزاحة كاتعبّر على لمقدار و لإتجاه لفعلي باش تحرّكات لڭسدة، و كيتعبّر عليه ب ڤيكتور.[1]
ف التخدام لعام د لبعودية ؤلا لمسافة، تقدر تّڭال ب واحد الشكل تقريبي ؤلا عملي، متلاً "لمكتابة جات جوج زناقي من هنا"، و تقدر تّستعمل تا بشكل مجازي بحال "ولّات بيناتنا مسافة". ف لماط، لمفهوم د لمسافة عندو تعريفات متجرّدين لي كيتبدّلو على حساب الضومين، بحال ف الطوپولوجيا، النضرية د لڭرافات، ؤلا لإحصاء و نضرية د لإحتمال.
- ^ "1-D Kinematics - Lesson 1 - Describing Motion with Words Distance and Displacement". مأرشيڤي من لأصل ف 2023-09-08. تطّالع عليه ب تاريخ 2023-04-12.
 هادي زريعة ديال مقالة خاصها تّوسع. تقدر تشارك ف لكتبة ديالها. |