Kopi Luwak
| Der Artikl is im Dialekt Weanarisch gschriem worn. |
Kopi Luwak und Coffee Alamid san Bezeichnungen fia a speziölle Kafäämarkn, salopp „Kotznkafää“ gnennt. A woare Rarität unta dena Drangln.
Da Marknnaum Kopi Luwak staumt aus Indonesien. Es wean dabei nua Kafääbauln vawendt, de wos vo bestimmtn Schleichkotzn gfressn und wieda ausgschiedn wean. „Kopi“ is des indonesische Wuat fia Kafää. „Musang luwak“ is de indonesische Bezeichnung fia de beteuligte wüde Schleichkotz(Fleckenmusang, Paradoxurus hermaphroditus), de wos fia de „Produktion“ unbedingt brauchd wiad.