Astraĥano

	Astraĥano
	ruse Астрахань
	urbo
Flago	Blazono
	Oficiala nomo: Астрахань
Lando	Rusio
Regiono	Astraĥana provinco
Rivero	Volgo
Koordinatoj	46° 20′ 00″ N 48° 01′ 00″ O / 46.33333 °N, 48.01667 °O (mapo)
Areo	500 km² (50 000 ha)
Loĝantaro	520 700 (2010)
Denseco	1 041,4 loĝ./km²
Fondita	1558
- statuso de urbo	1717
Urbestro	Ŝein Oleg Vasiljeviĉ
Horzono	MSK (UTC+4)
Poŝtkodo	414xxx
OKATO	12 401
Kodo	+7 8512
	Situo enkadre de Rusio Situo enkadre de Rusio
	Situo enkadre de Astraĥana provinco Situo enkadre de Astraĥana provinco
	Vikimedia Komunejo: Astrakhan
	Retpaĝo: http://www.astrgorod.ru/

Panoramo vido de Astraĥano (2009)

Koordinatoj: 46° 20′ 00″ N 48° 01′ 00″ O / 46.33333 °N, 48.01667 °O (mapo)

Astraĥano^[1]^[2]^[3] (ruse Астрахань elparolata kiel [Astraĥanj]) estas ĉefurbo de Astraĥana provinco en Rusio. Ĝi estas tutmonde konata kiel ĉefurbo de la kaviaro kaj ĝia regiono profitas de multnombraj gasrimedoj ekspluatataj de Gazprom, la ĉefa regiona dunganto. En la urbo situas ankaŭ la ĉefsidejo de la kaspia floto de la rusa mararmeo. En Astrajĥano troviĝas unu el la plej malnovaj teatrejoj de Ruslando. Ĝi ankaŭ havas ses moskeoj inter kiuj la nigra moskeo kiu estis la moskeo de la silkvojaj komercistoj el Buĥaro.

La urbo situas ĉe la volga delto, je ĉirkaŭ 100 km de la kaspian (maron, lagon). Pro ĉi tiu loko Astraĥano havas gravan riveran kaj maran havenon. Astrakhan estas plej konata pro ĝia kaviaro. En la urbo estas flughaveno (Narimanovo) kaj fervoja stacio.

Kiel komerca centro inter Eŭropo, Oriento kaj Kaŭkazo, Astraĥano ĉiam estis relative prospera. Ĝia nuna ekonomia signifo ĝi dankas al la granda ĉeesto de fiŝoj en la rivero, precipe sturgo (acipensiredoj) bona por produktado de kaviaro, kaj aliro al la kaspia maro lige kun nafto-produktado. La haveno estas la due plej granda en Rusio, mezurita per la volumo de vartrafiko.

La urbo havis 295,8 mil loĝantojn en jaro 1959, 504,5 mil en 2002 kaj 530 863 loĝantoj en 2014

Historio

Astraĥan estis grava transirejo de la Silka Vojo (parte direkte al Tbiliso kaj Erzurum). Astraĥano estis de 1466 ĝis 1556 la ĉefurbo de mongola kanato (regno).

Dum 17 monatoj inter la jaroj 1670 - 1671 Astraĥan estis sub la influo de Stepan Razin kaj liaj kozakoj. Komence de la sekva jarcento, Petro la Granda ebligis ŝipkonstruejon kaj fris de Astraĥano la bazon por siaj malamikecoj kontraŭ Persio. Poste en la jarcento, Katarina la 2-a aljuĝis gravajn industriajn rajtojn al la urbo.