Wyoming

Wyoming
Ameriketako Estatu Batuak
Ereserkia
Wyoming
Administrazioa
Izen ofiziala	State of Wyoming
Estatu burujabe	Ameriketako Estatu Batuak
ISO 3166-2	US-WY
Hiriburua	Cheyenne
Governor of Wyoming (en)	Mark Gordon (en)
Zatiketa	ikusi Laramie konderria, Natrona konderria, Campbell konderria, Sweetwater konderria, Fremont konderria, Albany konderria, Sheridan konderria, Park konderria, Teton konderria, Uinta konderria, Lincoln konderria, Carbon konderria, Converse konderria, Goshen konderria, Big Horn konderria, Sublette konderria, Platte konderria, Johnson konderria, Washakie konderria, Weston konderria, Hot Springs konderria, Niobrara konderria eta Crook konderria
Geografia
Koordenatuak	43°00′N 107°30′W
Azalera	253.348 km²
Mugakideak	Montana, Hego Dakota, Nebraska, Colorado, Utah eta Idaho
Punturik altuena	Gannett tontorra
Demografia
Biztanleria	576.851 (2020ko apirilaren 1a) −9.256 (2015)
Dentsitatea	2,28 bizt/km²
Etxebizitzak	233.231
Hizkuntza ofiziala	ingeles
Ordu eremua	UTC−07:00, Mountain Time Zone (en) eta America/Denver (en)
wyoming.gov

Wyoming Ameriketako Estatu Batuetako erdi-mendebaldeko estatu bat da. Estatu honetako hiririk handiena Cheyenne da, hiriburua. Estatu Batuetako estatuetatik biztanle gutxien dituena da Wyoming. Beste hiri nagusiak Casper eta Laramie dira.

Geografia

Muga hauek ditu: iparraldean eta ipar-mendebaldean, Montana; ekialdean, Hego Dakota eta Nebraska; hegoaldean, Colorado; hego-mendebaldean, Utah; mendebaldean, Idaho.

1.500-2.000 metro arteko goi-lautada da Wyoming-eko lurraldea, mendikateek eta sakanek hautsita. Ekialdeko eskualdeak Missouri ibaiaren adarrek ureztatzen dituzte (Powder, Cheyenne, Belle Fourche, North Platte). Hego Dakotako mugan Black Hills mendiak daude. Estatuko erdialdea eta mendebaldea Rocky Mountains sistemaren barnean daude, eta han daude lurraldeko mendialde eta mendi garaienak: Laramie, Big Horn, Absaroka, Teton, Wyoming eta Wind (4.207 m Gannett mendian). Mendialdeon artean sakanak daude, Yellowstone Parke Nazionala esaterako, izen bereko aintzira barne.

Konderriak

Wyoming estatua 23 konderriz osatua dago.

Wyoming estatuko konderriak 2005eko biztanleri kopuruaren arabera sailkatuak
	Postua	Konderria	Biztanleria	Postua	Konderria	Biztanleria
	1	Laramie konderria	85.163	13	Converse konderria	12.766
	2	Natrona konderria	69.799	14	Goshen konderria	12.243
	3	Sweetwater konderria	37.975	15	Big Horn konderria	11.333
	4	Campbell konderria	37.405	16	Platte konderria	8.619
	5	Fremont konderria	36.491	17	Washakie konderria	7.933
	6	Albany konderria	30.890	18	Johnson konderria	7.721
	7	Sheridan konderria	27.389	19	Sublette konderria	6.926
	8	Park konderria	26.664	20	Weston konderria	6.671
	9	Uinta konderria	19.939	21	Crook konderria	6.182
	10	Teton konderria	19.032	22	Hot Springs konderria	4.537
	11	Lincoln konderria	15.999	23	Niobrara konderria	2.286
	12	Carbon konderria	15.331	Denera		509.294

Biztanleak

Wyomingeko biztanle-dentsitatea Estatu Batuetako txikiena da Alaskaren ondotik (1,8 biztanle km²-ko). Biztanleen laurdenak hirietan bizi dira, eta nekazaritza-eremuetan gainerakoa. Indiarrak % 2 baino gutxiago dira gaur egun, eta Wind River esparruan bizi dira. % 95etik gora zuriak eta hispanoak dira, eta badira, halaber, mexikar, eskandinaviar, italiar eta alemaniar talde txikiak.

Ekonomia

Turismoa (Yellowstongo eta Great Tetongo parke nazionalak), meategiak (petrolioa, gasa, ikatza, uranioa, burdina, fosfatoak), abere-hazkuntza (ardi- eta behi-azienda), basogintza eta sakanetan eta ibaien ertzetan egiten den laborantza (azukre-erremolatxa, garia, garagarra, patata) dira ekonomia-jarduera nagusiak. Industria (petrolio-findegiak, zurgintza, janari-industria) hiri nagusietan baizik ez dago.

Historia

Siouxak eta txeieneak («oin beltzak») bizi ziren bertan 1743. urtean La Vérendrye anaia esploratzaileak hara heldu zirenean. 1834. urtean sortu zuten Laramieko lehen gotorleku egonkorra. 1867. urtean, burdinbidea eraiki zutenean, egin zen erabateko kolonizazioa. 1890. urtean, Estatu Batuetako 44. estatu bihurtu zen.

Kanpo estekak

• Wyoming estatuaren webgunea (Ingelesez)

• Datuak: Q1214
• Multimedia: Wyoming / Q1214

Artikulu hau Ameriketako Estatu Batuetako geografiari buruzko zirriborroa da. Wikipedia lagun dezakezu edukia osatuz.