Emylje-Romanje

Emylje-Romanje; Emilia-Romagna
Lokaasje yn Itaalje
Algemien
Haadstêd	Bologna
Oerflakte	22.123 km²
Befolking	4.464.111 (31.07.2024)
Befolkingstichtens	181 ynw./km²
Oare ynformaasje
Heechste punt	Monte Cimone: 2.165 m
Oantal gemeenten	341
Provinsjes	Bologna, Ferrara, Forlì-Cesena, Modena, Parma, Piacenza, Ravenna, Reggio Emilia, Rimini

Emylje-Romanje (Italjaansk: Emilia-Romagna; Emyljaansk: Emélia-Rumâgna; Romanjoalsk: Emélia-Rumâgna) is in regio yn it noarden fan Itaalje, offisjeel oprjochte yn 1970. De regio wurdt yn it easten begrinze troch de Adriatyske See, yn it noarden troch de rivier de Po en yn it suden troch de Apeninen. De regio grinzet fierders oan de regio's Piëmont, Liguerje, Toskane, De Marken, Lombardije, Feneto en de selsstannige republyk fan San Marino. Sawat de helte fan it grûngebiet heart ta de Poflakte, dêrmei is de regio ien fan de flakste yn Itaalje. Haadstêd is Bologna, de grutste stêd en iennige metropolitane stêd fan 'e regio.

Skiednis

Emylje-Romanje ûnstie troch gearfoeging fan 'e histoaryske regio's Emylje (it westlike diel fan 'e regio) en Romanje (it eastlike diel).

Op 20 en 29 maaie 2012 waard de regio troch twa ierdskoddings troffen. Dêrby waarden in soad histoaryske bouwurken skeind. Sechtjin minsken ferlearen harren libben en 14.000 rekken harren hûs kwyt. De ekonomyske skea wie grut mei't de rispinge foar in grut part ferlern gie. Op 17 maaie waard de regio troffen troch oerstreamings. Mear as 15.000 minsken moasten út harren hûs en 14 minsken ferlearen it libben.

Provinsjes

Emylje-Romanje is yn ien metropolitane stêd en acht provinsjes ferdield en hat meiïnoar 4.450.798 ynwenners (sifers ISTAT, 2024). De lêste provinsje dy't oprjochte waard is Rimini, earder in ûnderdiel fan Forlì (letter Forlì-Cesena ), wylst sûnt jannewaris 2015 de metropolitane stêd Bologna de eardere provinsje Bologna ferfangt. De measte stêden lizze en it grutste part fan 'e befolking wennet op 'e flakke dielen fan 'e regio.

provinsje	ôfk.	ynwennertal	haadstêd	oantal gemeenten
Bologna	BO	1.015.108	Bologna	55
Ferrara	FE	345.691	Ferrara	21
Forlì-Cesena	FC	394.627	Forlì-Cesena	30
Modena	MO	705.422	Modena	47
Parma	PR	452.022	Parma	44
Piacenza	PC	287.780	Piacenza	46
Ravenna	RA	389.235	Ravenna	18
Reggio Emilia	RE	Reggio Emilia	531.891	42
Rimini	RN	339.437	Rimini	27

Gemeenten

Emylje-Romanje is nei Kampaanje de twadde regio mei de grutste stêden wat ynwennertal oanbelanget. Njoggen gemeenten ha mear as 100.000 ynwenners.

Posysje	Posysje yn Itaalje	Gemeente	Ynwennertal	Oerflak (km²)	Befolkingstichtens (km²)	Hichte (m boppe seenivo)	Provinsje
1º	7º	Bologna	394503	140,86	2.800.67	54	BO
2º	19º	Parma	200.455	260,77	747,70	57	PR
3º	20º	Modena	184.973	183,23	1.014	34	MO
4º	22º	Reggio Emilia	171.192	231,56	746,39	58	RE
5º	25º	Ravenna	15.173	652,89	245	4	RA
6º	28º	Rimini	147.747	134,52	1.042	5	RN
7º	30º	Ferrara	133.398	404,36	333	9	FE
8º	37º	Forlì	118.208	228,19	509	34	FC
9º	44º	Piacenza	102.173	118,46	859	61	PC
10º	49º	Cesena	96.716	249,47	383	44	FC

Ofbylden

Bologna.
Parma.
Regionaal Park fan Vena del Gesso Romagnola.
Ferrara.
Rimini.

Ofbylden dy't by dit ûnderwerp hearre, binne te finen yn de kategory Emilia-Romagna fan Wikimedia Commons.

Regio's fan Itaalje
Abruzzen - Aostadelling - Apûlje - Basilikata - Feneto - Emylje-Romanje - Friûly-Julysk Feneesje - Kalaabrje - Kampaanje - Latium - Liguerje - Lombardije - Marke - Molise - Piëmont - Sardynje - Sisylje - Trentino-Súd-Tiroal - Toskane - Umbrje
· ·