Portal:Tampere

[[Ficheiro:|1100px]]

Tampere (en sueco Tammerfors) é unha cidade de Finlandia, capital da rexión de Pirkanmaa (provincia de Finlandia Oriental). Segundo o censo do 31 de xaneiro de 2012 ten unha poboación de 215.315 hatibantes. A cidade está situada ao sur do país, entre os lagos Näsijärvi e Pyhäjärvi. É a terceira cidade máis poboada de Finlandia por detrás de Helsinqui e Espoo.

Tampere está situada entre dous lagos, o Näsijärvi e o Pyhäjärvi. Como entre ambos lagos hai un desnivel de 18 metros, os rápidos que os comunican, Tammerkoski, teñen sido unha importante fonte de enerxía ao longo da historia da cidade, máis recentemente xerando electricidade. Tampere é alcumada a "Manchester de Finlandia" polo seu pasado industrial como antigo centro da industria finlandesa.

Orixinalmente fundada como mercado á beira da canle Tammerkoski en 1775 por Gustavo III de Suecia, catro anos despois, o 1 de outubro de 1779, concedéronselle dereitos de cidade.

ler máis...

Amosar máis contido destacado

Artigo destacado

editar

O Imatra foi unha sala de cinema da cidade de Tampere, Finlandia. A sala estaba situada no número 12 da rúa Hämeenkatu, no lugar no que na actualidade está situado o edificio do Tampereen Säästöpanki. O cine é tristemente famoso polo incendio que se desencadeou no seu interior durante unha proxección o 23 de outubro de 1927 e no que morreron 20 persoas e 28 resultaron feridas, das cales unha morreu posteriormente no hospital.

...Arquivo

Ler máis...

Lugar de interese

editar

Näsilinna é un palacio neobarroco situado no parque de Näsinpuisto en Tampere, Finlandia. Foi construído por Wilhelm von Nottbeck, fillo de Peter von Nottbeck. Finalizado en 1898, o seu nome orixinal era Milavida. O edificio foi deseñado polo arquitecto Karl August Wrede. Descoñécese o significado e a historia do nome Milavida.

O palacio estivo ligado á familia Nottbeck, que en 1905 vendeuno á cidade de Tampere logo dunha traxedia familiar. Co cambio de proprietarios o seu nome mudou ao actual "Näsilinna" e acolleu o Museo de Häme dende 1908 ata 1997. En 2013 comezaron as obras de restauración do edificio, que se completaron en 2015, cando o edificio abriu de novo as súas portas acollendo o Museo Milavida.

Durante a batalla de Tampere, na guerra civil finlandesa, Näsilinna foi un obxectivo importante para ambos os dous bandos, tendo cambiado de mans tres veces en dous días.

...Arquivo

Ler máis...

Categorías

editar

Queres atopar artigos relacionados con Tampere? Proba buscando nas seguintes categorías:

Tampere

Cultura en Tampere

Deporte en Tampere

Edificacións de Tampere

Prensa escrita de Tampere

Rúas e prazas de Tampere

Subdivisións de Tampere

Transporte en Tampere

Biografía destacada

editar

Leo Juhani "Leksa" Kinnunen, nado en Tampere o 5 de agosto de 1943 e finado o 26 de xullo de 2017, foi un piloto de automobilismo finlandés, o primeiro piloto de Fórmula 1 do seu país.

Kinnunen gañou a Nordic Challenge Cup en 1969, a Interserie de 1971-1973 e axudou a Porsche a lograr o World Sportscar Championship para os fabricantes en 1970 (os campionatos de pilotos non foron galardoados ata 1981). Na tempada 1974 cambiou á Fórmula Un, pero ademais dos problemas co TS16, o seu equipo pronto se atopou con problemas económicos. Foi o último piloto en competir na Fórmula Un usando un casco aberto.

...Arquivo

Ler máis...

Imaxe destacada

editar

Zona de baño de Rauhaniemi, construída en 1929 no barrio de Lapinniemi.

Vexa o artigo Näsijärvi.

Sabías que...?

editar

... Tampere é considerada a capital mundial da sauna?
... os dous equipos máis laureados do hóckey sobre xeo finlandés en categoría masculina son o Tappara (20 títulos contando cos tres conquistados baixo a denominación de TBK) e o Ilves (16 títulos)? Ademais o TaPa e o KOOVEE foron campións finlandeses unha vez cada un.
... o zoo de Tampere pechou as súas portas o 26 de setembro de 1972? Na actualidade hai unha mostra de aves en Sorsapuisto como lembranza do zoo.