Barreiros

Para outras páxinas con títulos homónimos véxase: Barreiros (homónimos).

Barreiros

Localización
43°32′04″N 7°14′23″O
Estado	España
Comunidade autónoma	Galicia
Provincia	Provincia de Lugo
Capital	San Cosme
Poboación
Poboación	3.020 (2023) (41,7 hab./km²)
Xeografía
Parte de	Mancomunidade de Concellos da Mariña Luguesa A Mariña Oriental
Superficie	72,42 km²
Bañado por	Mar Cantábrico
Altitude	5 m
Comparte fronteira con	Ribadeo Lourenzá Trabada Foz
Organización política
• Alcaldesa	Ana Ermida Igrexas (2023–)
Eleccións municipais en Barreiros
Identificador descritivo
Código postal	27790
Fuso horario	UTC+01:00
Código INE	27005
Páxina web	concellodebarreiros.gal

Barreiros é un concello da provincia de Lugo, pertencente á comarca da Mariña Oriental. Segundo o IGE en 2014 tiña 2994 habitantes (3244 no 2009, 3291 no 2006, 3294 no 2005, 3278 no 2004, 3323 no 2003). O xentilicio é barreirego ou barreirés.

Poboación

Censo total 2014	2994 habitantes
Menores de 15 anos	236 (7,88 %)
Entre 15 e 64 anos	1764 (58,92 %)
Maiores de 65 anos	994 (33,2 %)

Evolución da poboación de Barreiros   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023
4394	4804	5197	4138	3278	3244	3166	3124	3061	2994	3021	2970	2948	2941	2934	2925	3001
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Xeografía

O concello ten 72,4 km². Limita ó leste con Ribadeo, ó sur con Trabada e Lourenzá e ó oeste con Foz.

Hidrografía

A parte occidental do concello está bañada polo río Masma e a ría de Foz en que desemboca, así como polos pequenos regatos que desaugan neles. O resto de cursos fluviais do concello son curtos e desembocan directamente no mar Cantábrico. Unicamente o rego de Portobragán (formado pola confluencia do rego de Cambite e o rego da Fórnea) e mailo Rego das Teixeiras (ou dos Gambitos), na parroquia de Vilamartín Pequeno, pertencen á conca da ría de Ribadeo.

Praias

O litoral de Barreiros repártese entre os 8 km de cornixa cantábrica e os preto de 4 km que constitúen a beira oriental da ría de Foz. Aga a praia de Anguieira, que está na ría, os areais barreiregos dan en mar aberto. De oeste a leste, estes son o do Altar, San Bartolo e Remior na parroquia de San Cosme; Coto, Balea, Fontela e Lóngara en Benquerencia; A Pasada en San Miguel de Reinante; Arealonga entre San Miguel e Santiago de Reinante; e Moledo en Santiago de Reinante.

Casa de indianos en Barreiros.

Patrimonio

En San Miguel de Reinante están a capela de Santo Estevo do Ermo e o monte Comado, onde se pode practicar paracaidismo. Na mesma parroquia celébrase o Festival Internacional Folclórico do Emigrante a primeira fin de semana de agosto.

Fervenza en Sto. Estevo do Ermo

No mesmo contorno de Santo Estevo está a fervenza homónima, conectada coa ermida e varias fontes por unha ruta a pé.

Barreiros na cultura popular

Dígoche Sabela

que o deño non dorme,

embarquei pra Laxe

fun quedando en Cosme.

(Refírese a San Cosme de Barreiros)

Galería de imaxes

Artigo principal: Galería de imaxes de Barreiros.

• 
  Casa do Concello, antes da reforma.
• 
  Escultura na area na praia de Arealonga
• 
  Igrexa de Santa Cristina de Celeiro de Mariñaos. Detalle

Lugares de Barreiros

Para unha lista completa de todos os lugares do concello de Barreiros vexa: Lugares de Barreiros.

Véxase tamén

Outros artigos

• Eleccións municipais en Barreiros

Ligazóns externas

• Toponimia de Barreiros (en galego)

---

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---