Ramirás

Ramirás
Localización
	42°11′07″N 8°01′31″O / 42.1853, -8.0253
Estado	España
Comunidade autónoma	Galicia
Provincia	provincia de Ourense
Capital	Ramirás
Poboación
Poboación	1.521 (2023) (37,37 hab./km²)
Xeografía
Parte de	Mancomunidade Intermunicipal Voluntaria da Terra de Celanova
Superficie	40,7 km²
Altitude	318 m
Comparte fronteira con	Cartelle ; Quintela de Leirado ; Celanova ; Gomesende
Organización política
• Alcaldesa	Isabel Gil Álvarez
	Eleccións municipais en Ramirás
Identificador descritivo
Código postal	32...
Fuso horario	UTC+01:00
Código INE	32068
Páxina web	concelloderamiras.gal

Para outras páxinas con títulos homónimos véxase: Ramirás (homónimos).

Ramirás é un concello da provincia de Ourense, pertencente á comarca da Terra de Celanova. Segundo o Padrón municipal de habitantes no 2014 tiña unha poboación de 1.643 persoas (2.053 en 2003). O xentilicio é ramirao.^[1]

Demografía

Censo total	1643 ²⁰¹⁴
Menores de 15 anos	75 (4,56 %)
Entre 15 e 64 anos	771 (46,93 %)
Maiores de 65 anos	797 (48,51 %)

Evolución da poboación de Ramirás Fontes: INE e IGE.

1900

1930

1950

1981

2004

2009

2011

2012

2013

2014

2015

2016

2017

2018

2019

2020

2021

2022

2023

-

5.806

5.147

5.132

2.046

1.897

(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Historia

Comezou a ser habitado polos Coelernos, que construíron os castros de Grixó e Marnotos. Na Idade Media estas terras remataron caendo baixo o dominio do mosteiro de Celanova, que tiña aquí un dos seus priorados en Paizás, en constante litixios e preitos contra das monxas do mosteiro de San Pedro de Ramirás por mor das lindes dos seus dominios ata que os monxes conseguiron que extinguisen a vida monástica feminina deste lugar e así dominar eles sós a zona.

O concello naceu administrativamente en 1926, trala fusión dos municipios de Freás de Eiras e Vilameá de Ramirás. A cabeza do antigo priorato de Celanova, San Salvador de Paizás, era chamado antigamente "de Eiras", sendo ese o nome dado ao río Tuño, segundo consta na documentación do mosteiro desde finais da Alta Idade Media.

Patrimonio

O mosteiro de San Pedro de Ramirás é do século X. Aínda que a orixe non está ben establecida, sábese que foi fundado por Omnéga, abadesa do mosteiro de Santa Comba de Bande. Convento dos beneditinos en 1137, logo tivo diversos cambios. A igrexa, empezada no estilo románico, foi acabada no estilo gótico.

Ramirás conta con parte da ruta homologada de sendeirismo PR-G 143 Ruta do río Arnoia. É unha ruta lineal duns 11 km entre o Santuario da Nosa Señora do Val (Gomesende) e Escudeiros (Ramirás).

Galería de imaxes

Artigo principal: Galería de imaxes de Ramirás.

Igrexa de Santiago de Rubiás.
Igrexa de San Pedro de Ramirás.
Igrexa de San Pedro de Ramirás.
Paisaxe do concello.

Parroquias

Galicia \| Provincia de Ourense \| Parroquias de Ramirás
Casardeita (Santiago) \| Escudeiros (San Xoán) \| Freás de Eiras (Santa María) \| Grixó (Santa Isabel) \| Mosteiro (San Pedro) \| Paizás (San Salvador) \| Penosiños (San Salvador) \| Rubiás (Santiago) \| Santo André de Penosiños (Santo André) \| Vilameá de Ramirás (Santa María)

Lugares de Ramirás

Para unha lista completa de todos os lugares do concello de Ramirás vexa: Lugares de Ramirás.

Notas

↑ Costas González, Xosé-Henrique (2016). Os xentilicios de Galicia e dos outros territorios de lingua galega (PDF). Vigo: Universidade de Vigo. p. 56. ISBN 978-84-8158-706-7.

Véxase tamén

Ligazóns externas

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[1] Costas González, Xosé-Henrique (2016). Os xentilicios de Galicia e dos outros territorios de lingua galega (PDF). Vigo: Universidade de Vigo. p. 56. ISBN 978-84-8158-706-7.

[1]