Ville Ritola
![]() ![]() | |
Biografía | |
---|---|
Nacemento | 18 de xaneiro de 1896 ![]() Peräseinäjoki, Finlandia (en) ![]() ![]() |
Morte | 24 de abril de 1982 ![]() Helsinqui, Finlandia ![]() |
Datos persoais | |
País de nacionalidade | Finlandia ![]() |
Altura | 175 cm ![]() |
Peso | 66 kg ![]() |
Actividade | |
Ocupación | fondista , atleta , mediofondista ![]() |
Nacionalidade deportiva | Finlandia ![]() |
Deporte | atletismo ![]() |
Disciplina deportiva | corrida de fundo (pt) ![]() ![]() |
Participou en | |
1928 | Xogos Olímpicos de 1928 |
1924 | Xogos Olímpicos de 1924 ![]() |
Premios | |
![]() ![]() ![]() |
Cadro de medallas | |||
---|---|---|---|
Atletismo masculino | |||
Xogos Olímpicos | |||
Ouro | París 1924 | 10.000 m | |
Ouro | París 1924 | 3.000 m valados | |
Ouro | París 1924 | Campo a través por equipos | |
Ouro | París 1924 | 3.000 m por equipos | |
Ouro | Ámsterdam 1928 | 5.000 m | |
Prata | París 1924 | 5.000 m | |
Prata | París 1924 | Campo a través individual | |
Prata | Ámsterdam 1928 | 10.000 m |
Vilho "Ville" Eino Ritola, nado o 18 de xaneiro de 1896 en Peräseinäjoki e finado o 24 de abril de 1982 en Helsinqui, foi un atleta finlandés especializado en carreiras de longa distancia. Integrante do fabuloso grupo de atletas de Finlandia coñecido como Flying Finns (Finlandeses Voadores), con Paavo Nurmi, Hannes Kolehmainen, Albin Stenroos e o propio Ritola, quen era coñecido co alcume "O lobo de Peräseinäjoki", que durante os anos 20 do século XX dominaran os eventos de medio fondo e fondo no atletismo dos Xogos Olímpicos.
Ritola emigrou para os Estados Unidos aos 17 anos, para unirse a sete irmás que emigraran anos antes e alá uniuse ao "Club de Atletismo Finlandés-Americano", onde comezou a adestrar xunto ao grande campión finlandés Hannes Kolehmainen, que se mudara para os Estados Unidos logo dos Xogos Olímpicos de 1912. Kolehmainen tentou convencelo de que se integrara no equipo finlandés para os Xogos de Antuerpen de 1920, mais Ville non aceptou, acreditando que aínda non estaba preparado para disputar con éxito unha competición do nivel dunha Olimpíada.
En 1924, participou brillantemente nos Xogos Olímpicos de París, conquistando catro medallas de ouro e dúas de prata. Tendo como sombra no equipo o grande Paavo Nurmi, Ritola venceu nos 10.000 m (Nurmi non participou) con media volta de vantaxe sobre os adversarios e superando en 12s o seu propio récord mundial. Tres días despois vencería nos 3.000m obstáculos chegando 75 m por diante do segundo clasificado. Ó día seguinte competiu co seu compatriota Nurmi nos 5.000 m conquistando a medalla de prata e nos seguintes días conquistaría xunto co seu equipo dúas medallas de ouro no campo a través e nos 3.000 m por equipos.
Nos Xogos Olímpicos de Ámsterdam 1928, Ritola volvería a brillar xunto con Nurmi, derrotando ó lendario Home do Reloxo na proba dos 5.000 m e perdendo nos 10.000 m, ficando coa prata. Con estes resultados, Ritola rematou a súa carreira olímpica cun total de catro medallas de ouro e tres de prata.
Nas súas dúas participacións olímpicas Ritola sumara cinco medallas de ouro e tres de prata. Como curiosidade, nunca participou nos campionatos de Finlandia, pola contra si o fixo nos dos Estados Unidos, país onde residía, e onde acadou numerosos títulos ao longo dos anos 20. Logo dos Xogos de Ámsterdam, Ville Ritola abandonou o atletismo e volveu ao seu país natal en 1971, morrendo en Helsinqui o 24 de abril de 1982, aos 86 anos de idade.
A súa carreira e a fantástica aceleración que tiña no final das carreiras deixando subitamente atrasados aos seus rivais, inspirou unha expresión coloquial usada en finlandés, "Ottaa ritolat", é dicir, "facer un Ritola", que significa, saír abruptamente e rapidamente dalgún lugar.
![]() |
Wikimedia Commons ten máis contidos multimedia na categoría: Ville Ritola |
- Atletas olímpicos de Finlandia
- Fondistas
- Medallistas olímpicos de ouro por Finlandia
- Medallistas olímpicos de prata por Finlandia
- Medallistas nos Xogos Olímpicos de 1924
- Medallistas nos Xogos Olímpicos de 1928
- Medallistas olímpicos en atletismo
- Atletas nos Xogos Olímpicos de 1924
- Atletas nos Xogos Olímpicos de 1928