Location via proxy:   [ UP ]  
[Report a bug]   [Manage cookies]                
Saltar ao contido

Xerardo Estévez

Na Galipedia, a Wikipedia en galego.
Modelo:BiografíaXerardo Estévez
Biografía
Nacemento25 de maio de 1948 Editar o valor en Wikidata (76 anos)
Santiago de Compostela, España Editar o valor en Wikidata
Deputado no Congreso dos Deputados
25 de xuño de 1993 – 19 de setembro de 1995 – Jesús Díaz Fornas →

Circunscrición electoral: Circunscrición electoral da Coruña

Alcalde de Santiago de Compostela
1987 – 19 de decembro de 1998 (dimisión)
← Ernesto Viéitez Cortizo – Xosé Antonio Sánchez Bugallo →
Alcalde de Santiago de Compostela
1983 – 5 de maio de 1986 (moción de censura)
← Marcial Castro Guerra – Ernesto Viéitez Cortizo → Editar o valor en Wikidata
Datos persoais
EducaciónEscola Técnica Superior de Arquitectura de Barcelona Editar o valor en Wikidata
Actividade
Ocupaciónpolítico, arquitecto Editar o valor en Wikidata
Partido políticoPartido Socialista Obrero Español Editar o valor en Wikidata
Membro de
Premios
BUSC: estevez-xerardo-1948

Xerardo Denis Felipe Estévez Fernández, nado o 25 de maio de 1948 en Santiago de Compostela, é un arquitecto e político galego.

Traxectoria

[editar | editar a fonte]

Estudou na Escola Técnica Superior de Arquitectura de Barcelona, especializándose en urbanismo. Establecido en 1972 en Compostela, exerceu como arquitecto e urbanista formando con outros profesionais o equipo Oikos, e realizou traballos de investigación sobre arquitectura, planeamento e patrimonio.

Como alcalde de Santiago de Compostela nos períodos 1983-1986 e 1987-1998, aplicou a súa formación a fomentar a conservación e a transformación da cidade a través do planeamento, a arquitectura e a cultura[1]. Promoveu a inclusión da cidade e do Camiño de Santiago na lista do Patrimonio Mundial, e a elección como unha das Cidades Europeas da Cultura no ano 2000.

Durante o seu mandato Compostela recibiu numerosos galardóns, entre os que destaca o Premio Europeo de Urbanismo 1998 polo Plan Especial da Cidade Histórica. Impulsou o Real Padroado de Santiago de Compostela e a creación do Consorcio de Santiago, órgano no que as administracións local, autonómica e estatal cooperan nas políticas urbanas e na conservación do conxunto histórico.[2]

Foi deputado polo PSdeG-PSOE no Parlamento de Galicia entre os anos 1981 e 1983, e membro do Congreso dos Deputados de España entre 1993 e 1995.

En 1999 reincorporouse á práctica da arquitectura, que compaxina coa actividade como conferenciante e escritor, profesor de cursos de urbanismo e patrimonio, e co asesoramento a administracións e institucións. Colabora habitualmente nas páxinas de opinión de La Voz de Galicia.

Entre outras distincións, está en posesión do título de Fillo Predilecto e Medalla de Ouro de Santiago de Compostela, Medalla Castelao da Xunta de Galicia e medalla do Consejo Superior de los Colegios de Arquitectos de España.

Obra

[editar | editar a fonte]
  • Compostela, vanguardia y sosiego (2000). Con Xurxo Lobato e Manuel Rivas.
  • Santiago de Compostela. Planeamiento y gestión (2000). En J. Maderuelo (Ed.) Arte público: Naturaleza y Ciudad.
  • Santiago de Compostela, Spain (2001). En R. Pickard (Ed.) Management of Historic Centres.
  • Educación e urbanismo. A cidade como proxecto cívico (2001). En M. A. Santos Rego e M. M. Lorenzo Moledo (Eds.) A construcción educativa da cidade. Unha perspectiva transversal.
  • Opinión y práctica en la ciudad histórica (2004). Quintana, revista de estudios de Historia da Arte, 3.
  • Paisajes urbanos con-texto y sin-texto (2007). En J. Nogué (Ed.) La construcción social del paisaje.
  • Paisajes y Palabras (2012).
  • Galícia. Del paisatge rururbà al megaterritori antropitzat (2012). En Franges. Els paisatges de la perifèria.
  • Compostela, ayer y hoy (2013). En Arqueología de la memoria reciente. Construcción de la ciudad y el territorio en España 1986-2012.
  • Ciudad histórica: lugar de culto vs. espacio político (2013). Encontro Internacional de Arquitectura Contemporánea en Cidades Históricas, Sevilla.
  • Bonaval, de onte a hoxe. Da arquitectura á cidade (2019). Con C. García Braña, M. X. Fernández Cerviño e A. Alonso Lorenzo.
  • La Catedral de la Arquitectura (2022). Ed., con M. X. Fernández Cerviño e A. Martín Prieto.
  • Compostela como desexo (2022). Con A. Baamonde, F. Barros, A. Salgado e X. M. Villanueva.

Notas

[editar | editar a fonte]
  1. ↑ "La España fea, por cutre |Juli Capella (AxA)". arqxarq (en catalán). 2022-05-05. Consultado o 2022-05-07. 
  2. ↑ Rubio, Andrés (2022-04-13). "Españoles, esto es indigno de España". El País (en castelán). Consultado o 2022-07-28. 

Véxase tamén

[editar | editar a fonte]

Bibliografía

[editar | editar a fonte]
  • Castro, X. e Villalaín D. (1993) Entrevista con Xerardo Estévez. Grial, 119, pp. 325-340.
  • Álvarez Pousa, L. (1998) Xerardo Estévez, paixón de arquitecto. Tempos Novos, 14, pp. 34-40.
  • Beramendi, J. (2003) Santiago, caput Gallaeciae. En E. Portela Silva (Coord.) Historia da cidade de Santiago de Compostela. Concello de Santiago, Consorcio de Santiago, Universidade de Santiago, pp. 599-606
  • Hernández Soriano, R. (2016) Santiago de Compostela, historia y progreso. El xacobeo como instrumento de transformación urbana. En La Cultura y la Ciudad. Granada: Universidad de Granada, pp. 1.005-1.012.
  • Rubio, A. (2022) España fea. El caos urbano, el mayor fracaso de la democracia. Debate.

Outros artigos

[editar | editar a fonte]


Predecesor:
Marcial Castro Guerra 		 
Alcalde de Santiago 
1983 - 1986 		Sucesor:
Ernesto Viéitez Cortizo
Predecesor:
Ernesto Viéitez Cortizo 		 
Alcalde de Santiago 
1987 - 1998 		Sucesor:
Xosé Sánchez Bugallo
Traído desde «https://gl.wikipedia.org/w/index.php?title=Xerardo_Estévez&oldid=6853566»