Forseti Frakklands

Forseti Lýðveldisins Frakklands Président de la République française
Þjóðtákn lýðveldisins Frakklands.
Embættisfáni
Núverandi Emmanuel Macron síðan 14. may 2017
Framkvæmdavald frönsku ríkisstjórnarinnar
Staða	Handhafi framkvæmdavalds, þjóðhöfðingi, yfirmaður heraflans
Meðlimur	Ríkisstjórnar Frakklands, þjóðaröryggisráðs Frakklands, Evrópska ráðsins
Opinbert aðsetur	Élysée-höll
Sæti	París, Frakklandi
Skipaður af	beinum kosningum
Kjörtímabil	Fimm ár, allt að tvenn kjörtímabil í röð
Lagaheimild	Stjórnarskrá Frakklands
Stofnun	1848 (1848) (|annað lýðveldið) 4. október 1958 (1958-10-04) (fimmta lýðveldið)
Fyrsti embættishafi	Louis-Napoleon Bonaparte
Staðgengill	Forseti öldungadeildar franska þingsins
Laun	€182.000 á ári
Vefsíða	www.elysee.fr

Forseti lýðveldisins Frakklands (franska: Président de la République française), í daglegu máli forseti Frakklands, er þjóðhöfðingi Frakklands. Það er elsta forsetaembætti Evrópu sem er til í dag, þ.e.a.s. hafa haft fimm af fjórum lýðveldum Frakklands forseta. Aðsetur forseta Frakklands er í Élysée-höll í París.

Forsetinn hefur verið Emmanuel Macron síðan 14. maí 2017.

Saga

Fyrsta skiptið sem stungið var upp á því að Frakkland fengi forseta var árið 1830 í júlíbyltingunni. Þá buðu byltingarmennirnir Lafayette markgreifa að gerast forseti, en hann afþakkaði boðið og studdi þess í stað að Loðvík Filippus hertogi af Orléans fengi að ríkja sem konungur. Átján árum síðar, þegar annað franska lýðveldið var stofnað, var ákveðið að kjósa forseta sem yrði nýr þjóðhöfðingi ríkisins. Fyrsti forseti Frakklands var Louis-Napoléon Bonaparte, sem var kjörinn í beinum kosningum með 74,3% atkvæða þann 10. desember árið 1848. Bonaparte var forseti til ársins 1951, en þá framdi hann valdarán og lýsti sjálfan sig keisara undir nafninu Napóleon 3..

Frakkland varð aftur að lýðveldi árið 1870 og fékk forseta á ný. Með stofnun þriðja lýðveldisins var þingræði komið á í Frakklandi og því voru völd forsetans hins vegar verulega skert. Forseti Frakklands á tíma þriðju og fjórðu lýðvelda Frakklands var í reynd valdalaus og táknrænn þjóðhöfðingi sem var ekki kjörinn í beinum kosningum af þjóðinni, heldur valinn af franska þinginu.

Þegar fimmta franska lýðveldið var stofnað árið 1958 jukust völd forsetaembættisins verulega. Forsetinn varð aftur æðsti valdsmaður Frakklands og fékk m. a. beint vald til að skipa forsætisráðherrann. Með stjórnarskrárbreytingum sem gerðar voru árið 1962 var aftur farið að kjósa forsetann í beinum kosningum, en þetta hafði þá ekki verið gert síðan árið 1848.

Árið 2000 var kjörtímabil forseta Frakklands stytt úr sjö árum í fimm. Árið 2008 voru sett lög sem banna forsetanum að sitja fleiri en tvö kjörtímabil í röð.

Tengt efni

• Listi yfir forseta Frakklands