ប៊័រ
ផ្លែ ប៊័រ គឺជាប្រភេទផ្លែឈើម្យ៉ាង មកពីឈើដំណាំមួយប្រភេទ មានដើមធំស្លឹកមានទ្រង់ទ្រាយស្រដៀងនឹងស្លឹកសាលព្រឹក្ស ប៉ុន្តែស្តើងទន់។
ផ្លែវាហៅ ផ្លែ ប៊័រ ឫ អាវ៉ូកាត៍។ ជាផ្លែមានសណ្ឋានទ្រវែង មានទំហំប៉ុនផ្លែព្នៅខ្នាតជំទើរខ្លះ ប៉ុនផ្លែត្រឡាចស្រូវ គឺត្រឡាចខ្នាតតូចខ្លះ ខាងលើតូច ខាងក្រោមធំ, ផ្លែទុំមានសាច់ទន់ជ្រាយ ស្រដៀងនឹងត្រសក់ស្រូវខ្មែរ, មានគ្រាប់តែមួយធំ មានស្រោមសាច់ទន់ឱបគ្រាប់, ទំហំគ្រាប់ស្រដៀងនឹងគ្រាប់ផ្លែទុរេន, បណ្តុះបានដោយងាយ, ផ្លែទុំសម្រាប់ប្រើជាខាទនីយាហារ, មុននឹងបរិភោគ ត្រូវចិតយកសំបកស្តើងចេញ ហើយកាត់សាច់ផ្លែនោះជាដុំៗ ដូចត្រសក់ស្រូវដែរ រួចលាយស្ករ-សសុទ្ធក៏បាន លាយទឹកដោះគោកំប៉ុងក៏បាន លាយខ្ទិះដូងឆៅផ្អែមក៏បាន, មានឱជារសស្រដៀងនឹងត្រសក់ស្រូវទុំ ប៉ុន្តែមិនភ្លាវទេ ឆ្ងាញ់ជាងត្រសក់ស្រូវខ្មែរ ។
អាវ៉ូកាចេរ នេះជាឈើដំណាំមានពូជមកពីប្រទេសបារាំងសែស ប្រភពដើមមកពីប្រទេសអាមេរិគ។ ដើមផ្លែបឺរ មកពី អាមេរិកកណ្តាល និង ម៉ិកស៊ិក ។ ពួកវាអាចដុះនៅកន្លែងជាច្រើន ដរាបណាវាមិនត្រជាក់ពេក។ដាំនៅប្រទេសកម្ពុជាយើងកើត យ៉ាងយឺតណាស់ត្រឹមប្រាំឆ្នាំក៏អាចមានផ្លែ គេបានដាំពិសោធមើលរួចទៅហើយ ឃើញកើតមានផ្លែដូចនៅប្រទេសបារាំងដែរ ។ ចាប់កំណើតមានជាដំបូងក្នុងសម័យសង្គមរាស្រ្តនិយមក្នុងស្រុកភូមិនិងវត្តនីមួយៗ
គួរដាំហើយថែទាំបំប៉នជីសាប កុំប្រើជីប្រៃ រដូវប្រាំងត្រូវចាក់ទឹកស្រោចជួយខ្លះផងកុំឲ្យវាងាប់ លុះឈើនេះមានដើមធំហើយ ក៏អាចរស់បានឯងៗ ។
មានអត្ថប្រយោជន៍បំផុត នៅលើពិភពលោក ដែលមានផ្ទុកនូវសារធាតុជាច្រើន ដូចជា ៖ វីតាមីន A, B, C, E និង K ក៏ដូចជា សារធាតុទង់ដែង ដែក ប៉ូតាស្បូម ម៉ាញេស្យូម ជាតិសរសៃ ប្រូតេអ៊ីន និង មានសារធាតុជាច្រើន ផ្សេងទៀត។[១]
ឯកសារយោង
[កែប្រែ]- ↑ ពិសាផ្លែប៊័រអាចជួយឱ្យអ្នករក្សាភាពវ័យក្មេងបានយូរ, កោះសន្តិភាព, ២០ ខែ មិថុនា ឆ្នាំ ២០១៦
| ||||||