Alpuket
| Alpuket | |
|---|---|
| |
| Buah alpuket dina tangkalna, Pabukon Huntington, California | |
| Klasifikasi ilmiah | |
| Karajaan: | |
| Divisi: | |
| Kelas: | |
| Ordo: | |
| Kulawarga: | |
| Génus: | |
| Spésiés: | P. americana
|
| Ngaran binomial | |
| Persea americana | |
Alpuket (Persea americana) (tina basa Nahuatl āhuacatl) nyaéta tutuwuhan pituin Méksiko jeung Amérika Tengah, kaasup kana tutuwuhan kembangan kulawarga Lauraceae.[1] Ieu buah boga ajén ékonomi anu gedé, antukna loba dipelak di sakuliah dunya, utamana di wewengkon tropis. Daging buahna beyé, héjo semu konéng, loba ngandung lemak nu utamana lemak teu jenuh. Lian ti lemak, ieu buah ogé euyeub serat, vitamin, jeung kalium.[1][2]
Asal-usul
[édit | édit sumber]Alpuket geus lila pisan dipelak di Amérika Tengah jeung Kidul. Di Chan Chan, hiji kota kuna saméméh jaman Ingka, kapanggih artéfak kendi ti taun 900-an nu wujudna kawas alpuket[3], sedengkeun bukti tatanén di Méksiko paling henteu umurna geus 10.000 taunan[4]. Literatur paling kuna nu nyabit-nyabit alpuket di Éropah ditulis taun 1518/1519 karya Martín Fernández de Enciso (1470–1528): Suma de Geografía que Trata de Todas las Partidas y Provincias del Mundo.[4][5]. Catetan munggaran ngeunaan alpuket dina basa Inggris dijieun ku Hans Sloane taun 1696, dina bukuna ngeunaan tutuwuhan Jamaika. Ieu pepelakan dibawa ka Indonésia taun 1750, Brazil taun 1809, Levant taun 1908, jeung Afrika Kidul sarta Australia ahir abad ka-19[4].
Étimologi
[édit | édit sumber]
Kecap "alpuket" asalna tina kecap "avocado", nu béh dituna tina basa Nahuatl āhuacatl ("siki kanjut", dumasar kana bentuk buahna)[6]. Baheula, alpuket katelah salaku afrodisiak, antukna tara didahar ku jalma anu can kawin atawa anu satia ka pamajikan. Ku bangsa Azték, ieu buah disebut "buah kasuburan"[5]. Di sababaraha nagara Amérika Kidul, kayaning Argéntina, Bolivia, Chilé, Péru, jeung Uruguay, ieu buah kawentar dina ngaran Quechuana, palta. Di nagara-nagara nu maké basa Spanyol, ieu buah disebut aguacate, sedengkeun ku urang Portugis disebutna abacate.
Mangpaat
[édit | édit sumber]| Avocado, raw (edible parts) Ajén gizi per 100 g (3.5 oz) | ||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Énérgi 160 kcal 670 kJ | ||||||||||||||||||||||||||||||||||||||||||
| ||||||||||||||||||||||||||||||||||||||||||
| Perséntaseu rélatif ngarujuk ka rékoméndasi AS keur sawawa. Sumber: Databés Gizi USDA | ||||||||||||||||||||||||||||||||||||||||||
Buah alpuket hasil budidaya bentukna buleud nepi ka lonyod panjang, kelirna héjo kolot nepi ka coklat semu hideung. Kandungan lemakna onjoy batan bungbuahan séjén, nu lolobana lemak teu jenuh tunggal. Daging buah nu geus asak warnana konéng semu héjo nepi ka konéng emas. Mun kabuka jeung keuna ku udara, warnana bakal robah jadi coklat alatan oksidasi. Pikeun vegetarian, alpuket kapaké pisan salaku gaganti daging ku sabab loba kandungan lemakna.
Ajén gizi
[édit | édit sumber]Kandungan lemak dina alpuket ampir 15%, nu lolobana lemak teu jenuh tunggal. Kandungan kaliumna 60% leuwih loba batan cau, euyeub vitamin-vitamin B, vitamin E, jeung vitamin K[7]. Kandungan seratna paling punjul di antara bungbuahan - 25% serat leyur jeung 75% teu leyur[8].
Rujukan
[édit | édit sumber]- ↑ a b Hari Priyadi, Gen Takao, Irma Rahmawati, Bambang Supriyanto, Wim Ikbal Nursal, Ismail Rahman, Priyadi (2010). Five Hundred Plant Species in Gunung Halimun Salak National Park, West Java: A Checklist Including Sundanese Names, Distribution, and Use. Bogor: CIFOR. p. 1. ISBN 9786028693226.
- ↑ Bagus Pratama, Aditya; Firzatullah Dwiko R. (2021). Khasiat Tanaman Obat Herbal. Jakarta: Pustaka Media. p. 60. ISBN 9786028214537.
- ↑ Barry, PC (2001-04-07). "Avocado: The Early Roots of Avocado History". Canku Ota. Diakses tanggal 2007-12-29. Archived 2007-12-15 di Wayback Machine
- ↑ a b c "Avocado History". indexfresh.com. 2007. Diakses tanggal 2007-12-29. Archived 2007-12-25 di Wayback Machine
- ↑ a b Stradley, Linda (2004). "All About Avocados: History of the Hass Avocado". Diakses tanggal 2008-05-13.
- ↑ Online Etymology Dictionary - Avocado
- ↑ "Avocados, raw, California". NutritionData.com. 2007. Diakses tanggal 2007-12-29.
- ↑ Naveh E, Werman MJ, Sabo E, Neeman I (2002). "Defatted avocado pulp reduces body weight and total hepatic fat but increases plasma cholesterol in male rats fed diets with cholesterol". J. Nutr. 132 (7): 2015–8. PMID 12097685.
Tumbu kaluar
[édit | édit sumber] |
Wikimedia Commons mibanda média séjénna nu patali jeung Persea americana. |
 |
Wikispecies mibanda émbaran ngeunaan: Persea americana |
- Purdue horticultural lecture on Avocados with pictures of cultivation from fertilization to harvest Archived 2010-04-18 di Wayback Machine
- Avocadosource.com Online library of avocado reséarch papers.
- California Rare Fruit Growers Archived 2006-11-07 di Wayback Machine, avocados beyond Persea americana
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |