Botsuana

Botswana sive Botsuana est civitas in Africa Meridonali, in qua vivunt incolae circa 1 400 000. Densitas incolarum parvula est. Gaberones (Anglice et Tswanice: Gaborone) est caput civitatis. Occidenti Septemtrioneque Namibiae, Oriente Zimbabuae et Meridie Africae Australi finitima est. Septemtrione, angusta lacinia circa 750 metra lata, iuxta flumen Sambesem (Anglice: Zambezi sive Zambesi), cuius transitus per navem traiectoriam fit, limitem cum Zambia.

Etymologia

Primi Occidentales exploratores, ex exeunte saeculo XVIII, regionem nominaverunt secundum nomen localis populi, scilicet, Betzuanalandia, ex Anglica voce Bechuanaland, quae praefixo bo sive ba ('hominem, populum'), radice Tswana (quae populi Bantuanorum Meridionalium nomen est) et Anglico suffixo land ('terram') formatur. Colonialis designatio pro officiali forma Botsuanae (Anglice et Tswanice: Botswana) substituta est, post civitatis libertatem.

Nationis gentilicia Botsuanus-a-um, Botsuanensis-e, praeter vocem Betzuanus-a-um sunt.

Historia

Tabula Botsuanae

Botsuanae historia Africa Australi pondere adficitur. Britannicus protectoratus ex anno 1885 cum Betzuanalandiae nomine. Die 30 Septembris anni 1966, civitas suam libertatem enuntiat, et Botsuana nominari coepit. Praeses Seretseus Khama civitatem ex libertate usque ad suam mortem anno 1980 gubernavit, cui vicarius praeses Cetumileus Marise successit. Regularia comitia ex illo tempore habentur et politicae stabilitatis exemplum in Continente putatur. Velut nationum Austrafrico phyleticae segregationis regimini adversatarum una, Austrafrici Exercitus incursionum propositum fuit, sub criminatione Congressus Nationalis Africi partisanorum protegendorum. Ex anno 1990, bilaterales rationes meliores fiunt, terminato apartheid sive segregatione phyletica. Decennio 199, Productus Domesticus Grossus annuam mediam 10,3% crescit. Aritudo et mundana recessio ineuntis decennii 200 nationem ad oeconomicam depressionem ducunt et suam dependentiam e fodinali re, 70% exportationum responsali, patefaciunt. Anno 1998, post quattuor mandata, praeses Cetumileus Masire, Factionis Democraticae Botsuanensis (Anglice: Botswana Democratic Party), a civilitate recessit et ab vicario praeside, Festo Mogae, substituitur. Factio Democraticae Botsuanae (ex libertate gubernans) in parlamentariis comitiis anni 1999 vicit, et Concilium Nationale Festum Mogae praesidem sancit. Martio anni 2008, completis decem annis fungendo munere, Festi Mogae renuntiatio praevidetur, cui vicarius praeses Ioannes Khama, primi praesidis filius, successurus est.

Civilitas

Festus Gontebanye Mogae, Botsuanae praeses.

Botsuana constitutione vigente e die 30 Septembris anni 1966 gubernatur. Gubernationis systema adoptatum res publica praesidialistica est. Dux civitatis et gubernationis praesens praeses, Festus Gontebanye Mogae et vicarius praeses Seretseus Ian Khama est.

Potestas exsecutiva a praeside et a praeside vicario, ambobus per suffragium indirectum quinquenni mandato electis, obitur. Consilium ministrorum a praeside nominatum a septendecim ministeriis componitur in quibus ministri praesidem et vicarium praesidem ad administrandam nationem iuvant.

Potestas legisfera bicameralis est, a Domo Ducum (Anglice: House of Chiefs of Botswana), a quindecim sociis (a ducibus tribualibus, subducibus et sociatis) composita et gubernationi concilium dante, et a Concilio Nationali, a sexaginta tres sociis, per suffragium populare directum quinquenni mandato electis, composito, obita.

Potestas iudicialis obitur ab his iurisdictionibus quae sunt; Tribunal Supremum, Tribunal Appellationis et singula Tribunalia Magistratuum in singulis districtis.

Factiones politicae sunt inferiora:

• Motus Foederis Botsuanae (Anglice: Botswana Alliance Movement, BAM)
• Factio Congressus Botsuanae (Anglice: Botswana Congress Party, BCP)
• Factio Democratica Botsuanae (Anglice: Botswana Democratic Party, BDP)
• Frons Nationalis Botsuanae (Anglice: Botswana National Front, BNF)
• Factio Popularis Botsuanae (Anglice: Botswana People's Party)
• Motus Caroli Marx, Friderici Engels, Vladimiri Lenin et Iosephi Stalin (Anglice: Marx, Engels, Lenin, Stalin Movement, MELS Movement of Botswana)
• Frons Neo-Democratica (Anglice: New Democratic Front)

Divisiones administrationis

Districti Botsuanae

Botsuana in districtos novem dividitur quae sunt inferiora:

Numero in tabula	Districtus Latine	Districtus Anglice	Caput Latine	Caput Anglice
1	Districtus Centralis	Central District	Seroveum	Serowe
2	Districtus Ghansiensis	Ghanzi District	Ghansium	Ghanzi
3	Districtus Galagadiensis	Kgalagadi District	Tsabongum	Tshabong
4	Districtus Gatlengensis	Kgatleng District	Motzudium	Mochudi
5	Districtus Quenengensis	Kweneng District	Molepololeum	Molepolole
6	Districtus Boreorientalis	North-East District	Masunga	Masunga
7	Districtus Boreoccidentalis	North-West District	Maunum	Maun
8	Districtus Austrorientalis	South-East District	Gaberones	Gaborone
9	Districtus Meridionalis	Southern District	Canyeum	Kanye

Geographia

Fasciculus:Gaboronecitycentre.JPG

Centrum Gaberonis, nationis caput.

Botsuana aridae intestinae Africae Meridionalis zonae sita est. Civitas multum plana est, fere tota oropedio inter 700 et 1200 m alto occupata quod Orientali extremitati soli aspritudinem parum auget. Deserta Calaharae (Anglice: Kalahari) nationis Austroccidentem occupat et depressio Mababensis (Anglice: Mababe) palude Cubangensi] partim occupatur ubi flumen Cubangum (Anglice: Okavango), e Namibia profectum, finem habet. Praecipuum flumen, nihilominus, Limpopum (Anglice: Limpopo) est, Meridionalem limitem cum Africa Australi constituens. Ubi hoc flumen nationem relinquit, Orientali extremo, infimus Botsuanae locus, 513 m altus, est. Locus supremus sunt Colles Tsodilenses (Anglice: Tsodilo Hills), 1489 m altae.

Clima e desertico ad semiaridum cum suavibus hiemibus et aestatibus calidis variat.

Oeconomia

Hospitium Casanei (Anglice: Kasane).

E sua libertate, Botsuanae oeconomia in mundo maximarum incrementi taxationum unam mansit: Inter annos 1966 et 1999, verbi gratia, natio 9% mediam quotannem crevit. Quamquam ultimis annis leviter decrevit, tamen suum incrementum inter annos 2006 et 2007 4,7% fuit. Per salubrem fiscalem civilitatem et oeconomicam gestionem efficacem, natio e Africae pauperrimarum una oeconomia intermediarii gradus facta est, cuius reditus per capita multarum nationum evolventium eum superat. Eius debitum externum parvum est, 513 millionum Statunitensium dollariorum anno 2007.

Botsuanae oeconomici incrementi historia relata ad suas vicinas Africas incepit cum gubernatio reditu generato e adamantis usurpatione utere decrevit ut oeconomica evolutio cum prudentibus fiscalibus civilitatibus et externa cauta civilitate praeberetur.

Societas Debswana una societas fodinalis adamantum in Botsuana operans et 50% eius actias gubernationis manibus sunt et totius gubernationis reditus dimidio correspondet.

Quamquam Botsuana rhythmo magno per decennia crevit et etiam crescit, cum magis aut minus intentione, eius populus dure Syndroma Comparatis Defectu Immunitatis punitur, circa unus e quibusque tribus incolis Botsuanae VIDH habet, quod exspectatioenm vitae nationis in pessimo ordine mundanae clasificationis collocat.

Gubernatio Syndromen Comparatis Defectu Immunitatis oeconomiam negative afficere agnoscit et contra epidemiam pugnare omnibus modis possibilibus conatur.

Botsuana magna militaria impendia (fere 4% PDG anno 2004) habet. Aliqui internationales critici hos sumptus vanos putant, quia internationalis conflictus aut adhuc nationalis probabilitas minima est, dum Botsuanae gubernatio suis copiis in multilateralibus auxilii operationibus utitur.

Demographia

Ignem manu subiicientes. Boschimani in Botsuana.

Botsuanae praecipui ethnici circuli (in ordine) sunt; Tswanae, Calangae, Boschimani et Basarvae (Anglice: Tswana, Kalanga, Bushmen et Aba Thwa, respective). Aliae tribus sunt; Bayei, Bambucusi, Basubiae, Bahereri et Bacgalagadi (Anglice: Bayei, Bambukushu, Basubia, Baherero et Bakgalagadi, respective). Alius ethniarum circulus in Botsuana Caucasios et Indos, ambos aequaliter cum parvo numero, includunt. Botsuanae Indi incolae a multis Indo-Afris aliquot generationum e Mozambico, Kenia, Tanzania, Mauritia, Africa Australi quoque et a primae generationis Indis immigrantibus constituuntur. Caucasii in Botsuana nati aut ex aliis Africae partibus, inclusis Zimbabua et Africa Australi, sunt. Caucasii seu Anglice seu Africane loquuntur et propomodum 3% incolarum constituunt.

Minus quam 10 000 Boschimanorum traditionali modo vivunt, velut venatores collectoresque. Ex medio decennio 200, centralis gubernatio Boschimanos ex eorum terris eicere conata est.

VIDH/SIDA praevalentia in Botsuana 24% adultorum anno 2006. Anno 2003. gubernatio comprehensivum programma gratuita aut vilia antiretroviralia medicamina involvens quoque et nuntiatoriam ambitionem designata ad sistendam viri propagationem incepit.

Religio

Aestimatum 70% Botsuanensium se Christianos agnoscunt. Anglicani, Methodistae, et Ecclesia Congregationalis Unita Africae Australis plerosque Christianos constituunt. Etiam Lutheranorum, Catholicorum Romanorum, Septimi Diei Adventistarum, Baptistarum, Ecclesiae Reformatae Batavae, Mennonitarum et aliarum Christianarum denominationum congregationes sunt. Quoque Mormones et Testes Iehovah adsunt. Secundum anni 2001 censum, nationis Musulmana communitas, praesertim Austrafricae originis, leviter plus quam 5 000 sunt. Anni 2001 census etiam circiter 3 000 Hinduistarum et 700 Bahaistarum enumerat. Cuiusquam communitatis sectatores haec data suos respectivos numeros parvi aestimare putant. Circiter 20% civium nullius religionis assentitur. Tum ruricolae tum urbicolae religiosis diaconiis bene intersunt.

Cultura

Puella in Delta Cubangi (Anglice: Okavango Delta).

Lingua

Officiales linguae in Botsuana Lingua Anglica et Tsvana sunt. Tsvanice praefixa maioris ponderis quam in aliis linguis sunt. Inter quae Bo-, ad nationes referens, Ba-, ad homines, Mo-, ad unum hominem, et Se-, ad linguam, sunt. Verbi gratia; Botsuanenses Batswana, unus Botsuanensis Motswana et lingua Tvana Setswana dicitur.

Lesothum, inclavatura in Africa Australi, nationem sororem putatur. Quod a consobrina tribu Sothorum (Anglice: Sotho) incolitur qui simili lingua loquuntur. Ista lingua Sothica nominatur et a Tsvanophonis intellegi potest.

Musica

Tsvanica musica praecipue vocalis est et absque tympanis agitur; quod quoque ponderis facit nervorum instrumentis utere. Tsvanica musica vulgaris instrumenta velut setincanum et segancurum sive segabam (Anglice: Setinkare et Segankure sive Segaba) habet, quamquam , per ultima decennia, cithara Hispanica velut versatile instrumenum Tsvanicae musicae celebrata est.

Artes visuales

Collium Tsodilensium (Anglice Tsodilo Hills) picturae rupestres.

In Septemtrionali Botsuanae parte, Etsae et Gumerei (Anglice: Etsha et Gumare) pagorum feminae notae sunt ob suam sollertiam conficendarum corbium e palma Mocolana et localibus pigmentis. Corbes generatim texuntur tribus modis: magnae corbes cum operculo ad condendum, magnae apertaeque corbes ad portandas res super capite aut ad spargendum detritum granum et minores patellae ad spargendum cusum granum. Harum corbium ars semper per coloris usum amplificatur et meliores imagines faciunt maxime si magis magisque commerciali usui producuntur.

Quoque inter alias artisticas communitates opus fictile Thamagense et textrinum Oodiense, ambo nationis Austroriente, sunt.

Antiquissimae picturae seu in Botsuana seu in Africa Australi venationem, animalium et hominum figuras depingunt, quae a Choesanis (Boschimanis) circiter 20 000 annis abhinc in solitudine Calaharae (Anglice: Kalahari) factae sunt.

Praeter has traditionaliores artes valde talentosorum artificum numerus est qui recentibus mediis ad se exprimendos utuntur. Paucae pinacothecae circum Botsuanam picturas sculpturasque exhibentes sunt. Nonnulla opera pulcherrimis Botsuanensibus topiis et alia a populo ipso afflantur.

Dies Festi

Dies	Latinum nomen	Anglicum nomen	Tsvanicum nomen
Kalendae Ianuariae	Annus Novus	New Year's Day	Ngwaga o mosha
2 Ianuarii	Festus dies publicus
variat	Dies Passionis Domini	Good Friday	Labotlhano yo o molemo
	Lunae dies Paschae	Easter Monday
variat	Ascensionis Domini	Ascension Day	Tlhatlogo
1 Iulii	Equitis Seretsei Khama Dies	Sir Seretse Khama Day
19 Iulii	Dies Praesidis	President's Day
20 Iulii	Dies festus publicus
30 Septembris	Dies Libertatis	Independence Day	Boipuso
25 Decembris	Christi Natalis	Christmas	Keresemose
26 Decembris/27 Decembris	Dies Capsarum	Boxing Day
Primus Lunae dies post Christi Natalem quoque publicus dies festus est.

Nexus externi

Vicimedia Communia plura habent quae ad Botswanam spectant (1, 2).

• Pagina administrationis Botsuanae (Anglice)

stipula

Haec stipula ad nationem spectat. Amplifica, si potes!

Civitates et territoria Africae

Opus geopoliticum • Nationes mundi • Africa

Capsae cognatae: America • Asia • Europa • Oceania

Civitates sociae Consortionis Populorum