Toulouse

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Diverse markante punte vaan Toulouse. Me zuut: De Sint-Pietersbrögk, de Cité de l'Espace, de Saint-Serninbasiliek, de Place du Capitole, 't prototyp vaan d'n Airbus A380 en 't Augustijnermuseum.

Toulouse (Occitaans: Tolosa) is 'n stad in 't zuie vaan Fraankriek, in de regio Languedoc-Roussillon-Midi-Pyrénées, 't departemint Haute-Garonne en 't arrondissemint Toulouse. Vaan de lèste twie is 't de hoofplaots. De gemeinte Toulouse mit 118,30 km² en had in 2013 458.298 inwoeners. Toulouse ligk aon de Garonne en aon 't Canal du Midi (sinds 1996 Wereldèrfgood). De arsjitectuur is typisch veur 't binneland vaan Zuid-Fraankriek; de väöl gebouwe mèt brikke vaan terracotta gaove de stad de bijnaom ville rose.

Toulouse oontstoont in de Gallischen tied es Tolosa. Oonder Romeins bewind woort de stad e belaankriek centrum vaan handel en bestuur (prefectuur vaan Narbona). In 250 störf hei d'n H. Saturninus, d'n ierste bisjop vaan Toulouse, de marteldoed; heer is allewijl petroenheilege vaan de stad. In 721 weurt de stad zoonder succes belegerd door de moslims, die ziech daonao achter de Pyreneeë tröktrèkke. Toulouse weurt dezelfden iew de hoofplaots vaan 't graofsjap vaan Toulouse, 'ne vazalstaot dee de koumende iewe 'n groete maot vaan oonaofhenkelekheid wèt te bewoere. Pas in d'n daartienden iew kump dao 'n ind aon es de Franse keuning 't gebeed oonder de naom Languedoc direk oonder zie bewind krijg. In deen iew kump ouch 't katharisme op (wat weer hel weurt neergeslage) en kump hei 'n universiteit. In d'n twintegsten iew woort de stad veural bekind es centrum veur loch- en ruimtevaartindustrie.

  Dit artikel is e sjtumpke. De kans Wikipedia helpe door 't aan te völle