Salamo faha-92

Ny Salamo faha-92 dia salamo ao amin' ny Bokin' ny Salamo ao amin' ny Baiboly. Tafiditra ao amin' ny fizaràna atao hoe "boky fahefetra" (Sal. 90 -106) ity salamo ity. Ny Salamo faha-91 no eo alohany ary ny faha-93 no manaraka azy.

Lahatsoratra

Dikan-teny katôlika

¹Salamo. Fihirana fanao amin'ny andro sabata.

      ²Tsara ny midera an'ny Tompo,

sy ny mankalaza ny anaranao, ry Avo Indrindra ô,

      ³ny mitory ny hatsaram-ponao, nony maraina,

ary ny tsy fivadihanao, nony alina,

      ⁴amin'ny valiha tory folo, sy amin'ny lokanga,

ary amin'ny fireondreon'ny harpa.

      ⁵Mampifaly ahy amin'ny asanao hianao, ry Iaveh,

ary mientana aho manoloana ny asan-tànanao.

      ⁶Akory ity halehiben'ny asanao, ry Iaveh,

akory izany halalin'izay fisainanao!

      ⁷Ny olona kentrina tsy mahalala na inona na inona tamin'izany;

ary ny adala tsy mahita mangirana amin'izany.

      ⁸Raha mirobona toy ny ahitra ny ratsy fanahy,

ka mandroso avokoa izay manao ratsy,

dia ny mba horinganina mandrakizay.

      ⁹Fa hianao kosa, tafasandratra mandrakizay, ry Iaveh.

      ¹⁰Fa indreo ny fahavalonao, ry Iaveh,

indreo levona ny fahavalonao,

mihahaka avokoa izay manao ratsy.

      ¹¹Ary ny tandroko asandratrao, toy ny an'ny ombimanga;

tondrahana diloilo vaovao aho.

      ¹²Ny masoko faly mitazana ny fahavaloko;

ary ny sofiko mandre ny ratsy fanahy mitsangan-kamely ahy.

      ¹³Ny marina hitombo tahaka ny rofia;

hisondrotra tahaka ny sedera any Libana izy.

      ¹⁴nambolena ao an-tranon'ny Tompo izy,

dia hamony eo amin'ny kianjan'ny Andriamanitsika.

      ¹⁵Mbola hamoa izy amin'ny fahanterany;

sady ho be ranony sy maitso mavana,

      ¹⁶mba hanambara fa marina Iaveh:

izy no vatolampiko; ary tsy misy ao aminy ny tsy an-drariny.

Jereo koa

• Boky voalohany: Sal. 1 - 2 - 3 - 4 - 5 - 6 - 7 - 8 - 9 - 10 - 11 - 12 - 13 - 14 - 15 - 16 - 17 - 18 - 19 - 20 - 21 - 22 - 23 - 24 - 25 - 26 - 27 - 28 - 29 - 30 - 31 - 32 - 33 - 34 - 35 - 36 - 37 - 38 - 39 - 40 - 41.

• Boky faharoa: Sal. 42 - 43 - 44 - 45 - 46 - 47 - 48 - 49 - 50 - 51 - 52 - 53 - 54 - 55 - 56 - 57 - 58 - 59 - 60 - 61 - 62 - 63 - 64 - 65 - 66 - 67 - 68 - 69 - 70 - 71 - 72.
• Boky fahatelo: Sal. 73 - 74 - 75 - 76 - 77 - 78 - 79 - 80 - 81 - 82 - 83 - 84 - 85 - 86 - 87 - 89.
• Boky fahefatra: Sal. 90 - 91 - 92 - 93 - 94 - 95 - 96 - 97 - 98 - 99 - 100 - 101 - 102 - 103 - 104 - 105 - 106.
• Boky fahadimy: Sal. 107 108 - 109 - 110 - 111 - 112 - 113 - 114 - 115 - 116 - 117 - 118 - 119 - 120 - 121 - 122 - 123 - 124 - 125 - 126 - 127 - 128 - 129 - 130 - 131 - 132 - 133 - 134 - 135 - 136 - 137 - 138 - 139 - 140 - 141 - 142 - 143 - 144 - 145 - 146 - 149 - 150.

• Salamo apôkrifa: Salamo faha-151 - Salamo faha-152 hatramin' ny faha-155.