Panjab (Paquistan)

Panjab, (en ordo : پنجاب ; en anglés : Punjab) es una de las quatre províncias federadas de Paquistan. Es la pus poblada e la pus rica província de Paquistan. La província cobrís 60 % de la granda region de Panjab, que los 40 % restants constituisson l'Estat indian de Panjab, Haryana e Himachal Pradesh. Panjab, país sikh, foguèt devesit durant de la particion de las Índias, entre Índia (Penjab indian) e Paquistan (Panjab paqiistanés).

La capitala del Panjab paqiistanés es Lahore, qu'es la segonda vila du país amb aperaquí onze milions d'abitants. Quatre autres vilas despassan un milion d'abitants, a saber Faisalabad, Rawalpindi e Gujranwala totas situadas al nòrd, e Multan al sud.

En 2017, la populacion de Panjab s'enauçava a près de 110 milions d'abitants, siá un pauc mai de la mitat dels abitants del país. La província es lo còr economic, agricòla, cultural, universitari e militari de Paquistan. En 2000, lo PIB de la província representava 55 % d'aquel del pas, e lo sector dels servicis 62 %. Los pandjabis son l'etnia majoritària e lo panjabi la lenga mairala pus parlada de Paquistan.

Panjab beneficia, coma las autras províncias de Paquistan, de poders importants dins l'encastre d'una organizacion federala de l’Estat. Ten una Assemblada provinciala elegida directament per lo pòble e un governament local dirigit per un ministre en cap. Lo poder de l’Estat federal es representat per un governador nomenat per lo president de la Republica, sul conselh del Primièr ministre.