ਜੌਨ ਆਫ਼ ਆਰਕ

ਜੌਨ ਆਫ਼ ਆਰਕ
ਪੇਂਟਿੰਗ, ਅੰ. 1485. ਇੱਕ ਕਲਾਕਾਰ ਦੀ ਵਿਆਖਿਆ, ਕਿਉਂਕਿ ਸਿਰਫ ਇੱਕੋ ਇੱਕ ਗਿਆਤ ਸਿੱਧਾ ਪੋਰਟਰੇਟ ਬਚ ਨਾ ਸਕਿਆ। (Centre Historique des Archives Nationales, Paris, AE II 2490)
Saint
ਜਨਮ	6 ਜਨਵਰੀ, ਅੰ. 1412 Domrémy, Duchy of Bar, France
ਮੌਤ	30 ਮਈ 1431 (ਉਮਰ ਲਗਭਗ 19) ਰੂਏਨ, ਨੋਰਮਾਂਦੀ (ਉਸ ਸਮੇਂ ਅੰਗਰੇਜ਼ ਰਾਜ ਅਧੀਨ)
ਮਾਨ-ਸਨਮਾਨ	ਕੈਥੋਲਿਕ ਚਰਚ Anglican Communion
Beatified	18 ਅਪਰੈਲ 1909, ਨੋਤਰ ਦਾਮ ਦ ਪੈਰਿਸ by Pope Pius X
Canonized	16 ਮਈ 1920, ਸੰਤ ਪੀਟਰਜ਼ ਬੈਸਿਲੀਸਕਾ, ਰੋਮ by ਪੋਪ ਬੈਨੇਡਿਕਟ 15ਵਾਂ
Feast	30 ਮਈ
ਗੁਰੂ/ਮੁਰਸਿਦ	ਫ਼ਰਾਂਸ; ਸ਼ਹੀਦ; ਕੈਦੀ; ਸੈਨਿਕ ਅਮਲਾ; ਆਪਣੀ ਪਵਿਤ੍ਰਤਾ ਲਈ ਜਿਚ ਕੀਤੇ ਲੋਕ; ਬੰਦੀ; ਸਿਪਾਹੀ, women who have served in the WAVES (Women Accepted for Volunteer Emergency Service); ਅਤੇ Women's Army Corps

ਜੌਨ ਆਫ਼ ਆਰਕ ਦਾ ਜਨਮ 30 ਮਈ 1431 ਨੂੰ ਇੱਕ ਮਜਦੂਰ ਪਰਿਵਾਰ ਵਿੱਚ ਫਰਾਂਸ ਵਿੱਚ ਹੋਇਆ। ਜੌਨ ਆਫ਼ ਆਰਕ ਦੇ ਪਿਤਾ ਦਾ ਨਾਮ ਜੈਕਸ ਡੀ ਆਰਕ ਤੇ ਮਾਤਾ ਦਾ ਨਾਮ ਇਜ਼ਾਬਲੇ ਸੀ। ਜੌਨ ਆਫ਼ ਆਰਕ ਫਰਾਂਸ ਦੀ ਨਾਇਕਾ ਅਤੇ ਰੋਮਨ ਕੈਂਥਲਿਕ ਸੰਤ ਮੰਨੀ ਜਾਂਦੀ ਹੈ। ਇਹ ਪੂਰਬੀ ਫ਼ਰਾਂਸ ਦੇ ਇੱਕ ਕਿਸਾਨ ਪਰਵਾਰ ਵਿੱਚ ਜੰਮੀ ਸੀ। 12 ਸਾਲ ਦੀ ਉਮਰ ਤੋਂ ਇਸ ਨੂੰ ਰੱਬੀ ਸੁਨੇਹੇ ਮਿਲਣੇ ਸ਼ੁਰੂ ਹੋਏ ਕਿ ਕਿਸ ਤਰ੍ਹਾਂ ਫ਼ਰਾਂਸਤੋਂ ਅੰਗਰੇਜਾਂ ਨੂੰ ਕੱਢ ਬਾਹਰ ਕੀਤਾ ਜਾਵੇ। ਇਨ੍ਹਾਂ ਹੁਕਮਾਂ ਦਾ ਪਾਲਣ ਕਰਦੇ ਹੋਏ ਉਸ ਨੇ ਫ਼ਰਾਂਸ ਦੀ ਫੌਜ ਦੀ ਅਗਵਾਈ ਕੀਤੀ ਅਤੇ ਕਈ ਮਹੱਤਵਪੂਰਣ ਲੜਾਈਆਂ ਵਿੱਚ ਫਤਹਿ ਹਾਸਲ ਕੀਤੀ, ਜਿਨ੍ਹਾਂ ਦੇ ਚਲਦੇ ਚਾਰਲਸ ਸੱਤਵਾਂ ਫ਼ਰਾਂਸ ਦੀ ਰਾਜਗੱਦੀ ਉੱਤੇ ਬੈਠ ਸਕਿਆ। ਇਹ ਫ਼ਰਾਂਸ ਦੇ ਰੱਖਿਅਕ ਸੰਤਾਂ ਵਿੱਚੋਂ ਇੱਕ ਹੈਂ।

ਜੌਨ ਦਾ ਕਹਿਣਾ ਸੀ ਕਿ ਉਸ ਨੂੰ ਰੱਬ ਵਲੋਂ ਆਦੇਸ਼ ਮਿਲਿਆ ਹੈ ਕਿ ਉਹ ਆਪਣੀ ਜਨਮ ਭੂਮੀ ਨੂੰ ਅੰਗਰੇਜਾਂ ਤੋਂ ਅਜ਼ਾਦ ਕਰਾਵਾਏ। ਸੌ ਸਾਲ ਦੀ ਲੜਾਈ ਦੇ ਅੰਤਮ ਸਾਲਾਂ ਵਿੱਚ ਇੰਗਲੈਂਡ ਨੇ ਫ਼ਰਾਂਸ ਦੇ ਕਾਫ਼ੀ ਵੱਡੇ ਭੂਖੰਡ ਉੱਤੇ ਕਬਜ਼ਾ ਕਰ ਲਿਆ ਸੀ। ਫ਼ਰਾਂਸ ਦੇ ਰਸਮੀ ਰਾਜਾ ਚਾਰਲਸ ਸੱਤਵਾਂ ਦਾ ਰਾਜਤਿਲਕ ਵੀ ਨਹੀਂ ਹੋ ਸਕਿਆ ਸੀ। ਜੌਨ ਨੇ ਜਦੋਂ ਚਾਰਲਸ ਨੂੰ ਦੱਸਿਆ ਕਿ ਰੱਬੀ ਸੁਨੇਹੇ ਦੇ ਅਨੁਸਾਰ ਆਰਲਿਅੰਸ ਵਿੱਚ ਫ਼ਰਾਂਸ ਦੀ ਜਿੱਤ ਨਿਸ਼ਚਿਤ ਹੈ, ਤਾਂ ਚਾਰਲਸ ਨੇ ਜੌਨ ਨੂੰ ਆਰਲਿਅੰਸ ਦੀ ਘੇਰਾਬੰਦੀ ਤੋੜਨ ਲਈ ਭੇਜ ਦਿੱਤਾ। ਆਰਲਿਅੰਸ ਪਹੁੰਚ ਕੇ ਜੌਨ ਨੇ ਨਿਰਾਸ ਸੈਨਾਪਤੀਆਂ ਨੂੰ ਹੌਸਲਾ ਦਿੱਤਾ ਅਤੇ ਨੌਂ ਦਿਨ ਦੇ ਅੰਦਰ - ਅੰਦਰ ਘੇਰਾਬੰਦੀ ਨੂੰ ਤੋੜ ਦਿੱਤਾ। ਇਸਦੇ ਬਾਅਦ ਇਸ ਨੇ ਫ਼ਰਾਂਸ ਦੀ ਫੌਜ ਦੀ ਸਾਵਧਾਨੀ ਤੋਂ ਕੰਮ ਲੈਣ ਦੀ ਨੀਤੀ ਨੂੰ ਬਦਲ ਦਿੱਤਾ ਅਤੇ ਆਪਣੀ ਚੁਸਤ ਅਗਵਾਈ ਨਾਲ ਕਈ ਹੋਰ ਲੜਾਈਆਂ ਵਿੱਚ ਫਤਹਿ ਹਾਸਲ ਕੀਤੀ। ਓੜਕ ਇਸ ਦੇ ਕਹੇ ਅਨੁਸਾਰ ਰੈਮ ਵਿੱਚ ਚਾਰਲਸ ਸੱਤਵਾਂ ਦਾ ਰਾਜਤਿਲਕ ਹੋਇਆ। ਕਾਨਪੀਏਨ ਵਿੱਚ ਇਸ ਨੂੰ ਅੰਗਰੇਜਾਂ ਨੇ ਫੜ ਲਿਆ ਅਤੇ ਚੁੜੈਲ ਕਰਾਰ ਦਿੰਦੇ ਹੋਏ ਜਿੰਦਾ ਸਾੜ ਦਿੱਤਾ। ਉਸ ਸਮੇਂ ਇਹ ਕੇਵਲ 19 ਸਾਲ ਦੀ ਸੀ। 24 ਸਾਲ ਬਾਅਦ ਚਾਰਲਸ ਸੱਤਵਾਂ ਦੇ ਅਨੁਰੋਧ ਤੇ ਪੋਪ ਕਲਿਕਸਟਸ ਤੀਸਰੇ ਨੇ ਇਸ ਨੂੰ ਨਿਰਦੋਸ਼ ਠਹਿਰਾਇਆ ਅਤੇ ਸ਼ਹੀਦ ਦੀ ਉਪਾਧੀ ਨਾਲ ਸਨਮਾਨਿਤ ਕੀਤਾ। 1909 ਵਿੱਚ ਇਸ ਨੂੰ ਵਰੀ ਘੋਸ਼ਿਤ ਕੀਤਾ ਗਿਆ ਅਤੇ 1920 ਵਿੱਚ ਸੰਤ ਦੀ ਉਪਾਧੀ ਪ੍ਰਦਾਨ ਕੀਤੀ ਗਈ।