Poder ehecutivo
| Supkategoria di | organ of state, state power, political organization  |
|---|---|
| Parti di | political power, gobièrnu |
| Faseta di | Trias polítika |
| Área di trabou | governance, public administration |
| Lo kontrario di | non-executive branch |
E poder ehecutivo (na hulandes: uitvoerende macht; ingles: executive branch) ta e ramo di gobierno cu ta responsabel pa e maneho diario di e estado. E ta un di e tres poder den un estado di derecho y un concepto pa organisa gobernacion estatal cu ta conoci como Trias Politica. Trias Politica, cu a haya fama door e filosofo y magistrado Frances Montesquieu (1689-1755), ta e idea di separacion di poder denter di un estado. Banda di e poder ehecutivo tin e poder legislativo y e poder hudicial. Den e palabranan di e tempu ey, e poder ehecutivo tabatin principalmente e siguiente tareanan: haci pas, hiba guera, garantisa orden publico y defende e pais. E poder ehecutivo tambe tabatin e tarea di percura cu e leynan - emiti pa e poder legislativo - ta ser aplica y observa.
E poder ehecutivo ta supone di pone e leynan den accion. E ta wordo dirigi pa e hefe di gobierno, asisti pa un cantidad di minister, cu normalmente tin responsabilidadnan pa areanan specifico (p.e. salud, enseñansa, finansa), y pa hopi empleado di gobierno of funcionario publico.
Den un sistema presidencial, e presidente ta cabes di estado y tambe hefe di gobierno, pero den un sistema parlamentario, e ta generalmente e lider di e partido mas grandi den e legislatura y ta wordo yama mas comunmente "prome minister". Na Francia, e poder ehecutivo ta wordo comparti entre e presidente y e prome minister, un sistema cu a wordo copia den un cantidad di ex-colonia Frances.
Caribe Hulandes
[editá | editá fuente]Na paisnan Aruba, Corsou y Sint Maarten e poder ehecutivo ta den man di nan respectivo gobierno, representa pa e rey di Hulanda y e ministernan den nan respectivo teritorio.
Denter di e poder ehecutivo, mester distingui entre organonan politico y e cuerpo di servicio publico. E prome ta autorisa pa emiti legislacion y regulacionnan, despues di aprobacion door di parlamento, y pa delinea maneho pa cual nan ta responsabel na e organo di parlamento. E ambtenaar of funcionario civil ta sostene e organonan politico y den practica ta garantisa e implementacion y mantenemento di reglanan.