Fiòca
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
 La fiòca a l'é na precipitassion atmosfèrica ch'as presenta coma na moltitùdin ëd cristaj d'eva giassà ch'a pijo ël nòm ëd falavòsche ëd fiòca. An termo fìsich a l'é na strutura granular e duverta, për sòn as presenta còtia, gavà quand ch'a l'é sgnacà da na quàica pression esterna. La fiòca as forma ant l'àuta atmosfera. Ambelessì ël vapor d'eva, con na temperadura sota ij 0 °C a sublima (visadì a passa da lë stat gaseus a col sòlid), peui a tomba an càusa a sò pèis e a riess a argionze ël seul sensa slinguesse. Sòn a peul capité mach se la temperatura al seul a l'é sota ij 2 °C e ant gnun seuli intermedi dl'atmosfera a-i son pi che 0 °C; dësnò, la fiòca a së slingua e a ven pieuva.  A l'é possìbil, se le condission climàtiche a son giuste, ëd produve 'd fiòca artifissial an dovrand ëd canon fàit apòsta. Sòn as fà ant le piste da sghijé quand ch'a-i manca la fiòca natural. |
