Giuseppe Povia
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
 Giuseppe Povia o mach Povia (Milan, 19 ëd november 1972) a l'é un cantautor italian ëd géner popular. J'inissi[modìfica | modifiché la sorgiss]Après avèj partessipà a varie manifestassion canòre a l'ha conossù Giancarlo Bigazzi, ch'a l'a pùblicà sò prima canson ansema a Angelo Carrara. Soe prime canson a l'han nen avù gran arsonansa, ma peui dël 2003 a l'ha vagnà ël Premi Recanati con la canson "Mia sorella", ch'a parlava ëd bulimìa. Dël 2005 soa canson "I bambini fanno ooh..." a l'è nen staita acetà al Festival ëd Sanremo përché a l'avìa dagià cantala pròpi a Recanati. Ël condutor Paolo Bonolis aj consent l'istess ëd presentela fòra concors për n'inissiativa benéfica për le masná dël Darfur. La canson a l'é restá prima ant la hit parade italian-a për vint sman-e e a l'ha vagnà 7 disch ëd plàtin. A l'ha fait un record ëd download e a l'é staita voltà an spagneul e comercialisà an Germania. Dël mars dël 2005 a l'ha publicà sò prim album, "Evviva i pazzi... che hanno capito cos'è l'amore", ch'a l'ha faje vagné un disch d'òr. Ël sucess e le controversie[modìfica | modifiché la sorgiss]Dël 2006 a vagna ël Festival ëd Sanremo con "Vorrei avere il becco" e a pùblica lë scond àlbom, "I bambini fanno "ooh"...la storia continua...". Dël 2008 a intra nen al Festival e, anrabià për l'espulsion, sël sò blòg a crìtica ël Festival ëd Pippo Baudo, an ciamandlo "tornacont-cràtich" e a organisa ansema al colega Francesco Baccini un ContraFestival, ël "Sanremo Independent Music Day". A arsèiv peui un Leon d'Argent a la cariera musical. Dël 2009 a riva scond al Festival ëd Sanremo con la controversa "Luca era gay", ch'a ven definìa omòfoba përché Povia a consìdera l'omosessualità na maladìa e a dis ch'as peul guarì e che ëdcò chiel a l'avìa passà un perìod da omosessual për peui arsanì. Povia a torna al sènter ëd tante polémiche për la canson dl'ann sucessiv, "La verità", sël tema dl'eutanansìa e ispirà a la vicenda d'Eluana Englaro. Dël 2011 a partéssipa a "Ballando con le stelle". Dël luj 2015 l'era për ël nò al referendum dla Grecia për la surtìa da l'Union Europenga e a canta la canson "Povero popolo greco", favorévol a la surtià da l'Eurozon-a. Discografìa[modìfica | modifiché la sorgiss]
Vita privà[modìfica | modifiché la sorgiss]A l'ha sempre avù posission nassiónaliste e ëd drita (a l'han ëdcò acusalo d'esse fascista). A l'é mariasse con soa fomna Teresa, maestra d'asilo, ël 10 ëd mars 2007 (a convivìo da 13 ani) e a l'han avù doi fije: Emma e Amelia. |
