Albrj n Yifil
Albrj n Yifil nɣ d Tturifil niɣ d Agʷddim n Yifil (S Tfransist: La tour Eiffel) iga tuṣka lli s akkʷ tettyawssan tmdint n Bariz, ibidd ugʷddim ad tama n wasif n Ssiyn. Tssnti as tbnnayt ɣ usggʷas n 1887, ur tsmid ar asggʷas n 1889, imma tattuyt nns ha nn tlkm 300m. Mayad illa f wudm n yan unmuggar da mi ism "exposition universelle de Paris". Ɣ uzmz ann nit ikka tt inn iga tuṣka lli akkʷ yattuyn ɣ ddunit.[1]
Llan gis ɣ wagns kigan n tsiram d yisiratn, ar yakka yan usmni ifulkin, ar gis taggʷan mddn s tmdint akkʷ d uglagal nns.
Amzruy
[ssnfl | Snfl asagm]Gustaf Ifil iga yan udizaynr n tmuzal illan d ugayyu nns, nttan ad mi tḍṛ twngimt-ad ɣ ugayyu, ira ad iml i mddn ar man asqqul nufa ad nssmrs uzzal ɣ tbnnayt n kra n tuṣka yattuyn, f mayad ifra yan umlyun n ḍḍulaṛ. [1]Ɣ usggʷas izwarn ḥaḍṛn as 2 mlyun n mddn, ɣaylli d kullu ifra n yiqaṛiḍn yiwrri as d sul issufa t.[1]
Ɣil ad ar t tkkan attayn n sḍiṣ n umlyun n umallay ɣ kra iga tt asggʷas.