Ballklubb Tromsø

• Drakt: Blå overdel, blå eller svart bukse
• Heimebane: Tromsøhallen og Gyllenborghallen

Ballklubb Tromsø vart raskt ein av dei dominerande klubbane i Noreg. Berre fem år etter at klubben såg dagens lys, rykte herrelaget i 1980 opp til førstedivisjon, som den gongen var landets øvste divisjon. Allereie i 1981 vart dei noregsmeistrar for første gong. Deretter tok laget fire nye NM-titlar på rad, og dei vart seriemeistrar tre gongar i den same perioden.

Heimekampane samla 700–800 tilskodarar, og BK Tromsø spelte på 1980-talet fleire europacupkampar, mellom anna mot greske Panathinaikos. Kampane samla mellom 2000 og 3000 tilskodarar på tribunane.

Kommunen la i denne perioden forholda godt til rette for det sportslege, ved at klubben fekk adgang til anlegg og gunstige treningstider. På midten av 1980-talet stilte BK Tromsø med 11–12 lag i seriespel.

Utover på 2000-talet har klubben igjen vore blant dei beste i Noreg. BK Tromsø vann serien i 2004 og 2007. Laget har og blitt noregsmeistrar med jamne mellomrom, etter at dei igjen vann NM-finalen i 2003. BK Tromsø har totalt ti kongepokalar for herrar. Klubben er med det den mestvinnande i NM på herresida i Noreg.

I 2015 var BK Tromsø tilbake i europacupen, for første gong sidan 1980-talet. Om lag 800 tilskodarar såg heimelaget tape 0-3 mot danske Gentofte i Tromsøhallen.

Sesongen 2019–2020 hadde BK Tromsø for første gong lag i den øvste divisjonen også for damer. Klubben var då representert med lag i eliteserien både for damer og herrar.

BK Tromsø sitt damelag vann hausten 2021 sin første kongepokal, då laget vann NM-finalen mot IL Koll. Seinare den same hausten debuterte BK Tromsø sitt damelag i europacupen. Tyrkiske Aydın Büyükşehir Belediyespor var motstandar i første runde i den såkalla Challenge-cupen, og Tromsø vart slått ut etter å ha tapt 0-3 i begge kampane.

Våren 2022 vart damelaget for første gong norske seriemeistrar, då dei slo Randaberg i sluttspelfinalen.

Jon Martin Buvarp, Svein Arild Jakobsen, Jørn Vestre, Jan Rønnestad, Robert Larsen, Harry Fagervold og Terje Øvergård.

• Ti NM-titlar for herrar (1981, 1982, 1983, 1984, 1985, 2003, 2004, 2006, 2014 og 2017)
• Fem seriegull for herrar (1982, 1983, 1985, 2004 og 2007)
• Eitt seriegull for kvinner (2022)
• Éin NM-tittel for kvinner (2021)

• volleyball
• noregsmeistrar i volleyball
• seriemeistrar i volleyball

• Ballklubb Tromsø
• Nordlys.no: - Nesten samme opplevelse som på 1980-tallet

• Kolbjørn Rafoss: Å spille ballen tilbake – volleyballens historie i Norge (1998)