Suldalsposten er ei lokalavis som blir produsert på Sand i Ryfylke, frå mai 2024 berre som nettavis. Suldalsposten blei grunnlagd i 1976 og er eigd av Suldal kommune med 34 prosent, Underbakke Holding AS med 33,6 prosent, og andre mindre aksjonærar. Avisa dekkjer i dag primært Suldal, men har også ein del tingarar i nabokommunane Hjelmeland, Sauda og Vindafjord. Målforma er nynorsk.
Suldalsposten
Faktaboks
- Offisielt namn
- SULDALSPOSTEN AS
- Organisasjonstype
- Aksjeselskap
- Forretningsadresse
- Sand
- Dagleg leiar
- Siri Førland
- Styreleiar
- Endre Kvæstad
Suldalsposten blei kåra til årets lokalavis i 1998. Frå venstre Astrid Guggedal, Einar Schibevaag, Anne Kari Knutli og Sverre Underbakke. I grunngjevinga til Landslaget for lokalaviser heitte det mellom anna: «Suldalspostener ei lokalavis med særpreg. Redaksjonen har ikkje hengt seg på utviklinga mot tabloidisering og nyttar andre verkemiddel i presentasjonen av sakene.»
Suldalsposten med LLA-prisen 1998
Av
Audun Skjervøy/Landslaget for lokalaviser.
Lisens:
Avgrensa gjenbruk
Digitalt
Suldalsposten vart fram til utgangen av april 2024 utgitt på papir ein gong i veka, og elles som dagleg oppdatert nettavis.
Historie
Opplagstall for Suldalsposten, 1986-2023
| tidspunkt | |
|---|---|
| 1986 | 1948 |
| 1988 | 2055 |
| 1990 | 1976 |
| 1991 | 1976 |
| 1992 | 2025 |
| 1993 | 2025 |
| 1994 | 2050 |
| 1995 | 2004 |
| 1996 | 2021 |
| 1997 | 2250 |
| 1998 | 2298 |
| 1999 | 2324 |
| 2000 | 2271 |
| 2001 | 2272 |
| 2002 | 2156 |
| 2003 | 2245 |
| 2004 | 2221 |
| 2005 | 2295 |
| 2006 | 2348 |
| 2007 | 2419 |
| 2008 | 2437 |
| 2009 | 2423 |
| 2010 | 2375 |
| 2011 | 2371 |
| 2012 | 2311 |
| 2013 | 2337 |
| 2014 | 2392 |
| 2015 | 2347 |
| 2016 | 2288 |
| 2017 | 2274 |
| 2018 | 2240 |
| 2019 | 2212 |
| 2020 | 2366 |
| 2021 | 2516 |
| 2022 | 2608 |
| 2023 | 2590 |
Allereie rundt 1960 fekk kommunen ei lokalavis, Sandsposten, som blei lagt ned i 1976. Då utvida Suldal Ungdomslag si lagsavis til å vere ei bygdeavis. Men seinare på året tok Suldal kommune initiativet til ei ny lokalavis, Suldalsposten, som kom ut med sitt første nummer den 22. oktober, og kom så kvar 14. dag med kommunen som eigar og utgjevar, og med kulturstyret som redaksjonsnemnd. Avisa blei montert hos avisa Kvinnheringen på Husnes og trykt hos Sunnhordland på Stord.
Suldalsposten hadde frå starten av ein tilsett redaktør, men då redaktøren sa opp hausten 1977, blei avisa redigert av ei redaksjonsnemnd. Etter årsskiftet 1977–1978 blei Roy Høibo tilsett som redaktør, og det gjekk fram av tilsetjingsvilkåra at avisa skulle vere partipolitisk ubunden. Høibo skreiv leiarartiklar der han ser ut til å ha sine eigne, uavhengige meiningar, som i andre lokalaviser. Frå og med første nummer i 1979 kom avisa ut ein gong i veka. Både stoff- og annonsetilgangen var då blitt så stor at dette lønte seg for eigaren, Suldal kommune.
I 1995 blei avisa gjort om til AS og byrja å kome ut to gonger i veka (onsdag og laurdag). Seinare vart dette endra, slik at tingarane berre fekk avisa levert kvar torsdag. Avisa er enno eit AS, uavhengig av aviskjedene, og samarbeider med andre lokalaviser i regionen.
Opplag
| År | Opplag |
|---|---|
| 2015 | 2296 |
| 2018 | 2240 |
| 2020 | 2366 |
| 2022 | 2608 |
| 2023 | 2590 |
Til og med 2015 gjeld opplagstala for papirutgåva. Frå 2020 blir det brukt netto opplagstal for både digitale abonnement og papirabonnement. Kjelda er opplagstala avisene rapporterer til Mediebedriftenes Landsforening (MBL) for andre halvår.
Fakta
- Første nummer 22. oktober 1976
- Slutt på papirutgåva 1. juli 2024
Les mer i Store norske leksikon
Eksterne lenker
Faktaboks
- Sektorkode
- 2100 Private aksjeselskaper mv.
- Næringskode(r)
- 58.140 Utgivelse av blader og tidsskrifter
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.