Индонезия

Индонезия

Байрак Илтамга
Шигарь	Wonderful Indonesia
Башкала	Джакарта
Халык саны	275 439 000 (2021, халык санын бәяләү)
Нигезләнгән	17 август 1945
Рәсми тел	индонезия теле
География
Мәйдан	1,904,570 км²
Координатлар	2°S 118°E
Сәясәт
Дәүләт башлыгы	Мегавати Сукарнопутри, Җоко Видодо
Хөкүмәт башлыгы	Җоко Видодо
Диннәр	Ислам, Протестантлык, Католицизм, Һинд дине, Буддачылык, Конфуцийчылык
Икътисад
ТЭП	1 186 505 миллион US$ (2021), 1 319 100 миллион US$ (2022)
Акча берәмлеге	Инданизия рупиясе
Эшсезлек дәрәҗәсе	6% (2014)
Туу күрсәткече	2.04 (2021)
КПҮИ	0.705 (2021)
Яшәү озынлыгы	69.191 ел (2016)
Пенсия яше	58 яшь
Джини коэффициенты	37.9 (2021)
Башка мәгълүмат
Ярдәм телефоннары
Автомобил хәрәкәте ягы	сул
Челтәр көчәнеше	127 вольт, 230 вольт
Телефон коды	+62
ISO 3166-1 коды	ID
ХОК коды	INA
Интернет домены	.id

Индоне́зия (индон. Indonesia), рәсми атама — Индоне́зия Җөмһүрияте (индон. Republik Indonesia) — Көньяк-көнчыгыш Азиядә иң зур дәүләт, мәйданы буенча дөньяда 16нчы урында. Зонд архипелагы утрауларында урнаша һәм иң зур утрау дәүләте булып санала. Халык саны буенча (230,5 млн кеше) дөньяда дүртенче урында. Бай тарихлы дәүләт.

Үз бердәмлеге өчен Индонезия Нидерландларның колониаль эшчәнлегенә рәхмәтле булырга тиеш. Нидерландлар архипелаг утрауларның күпчелеген үз хакимлеге астында җыйган.

Башкала

Башкаласы ― Джакарта. Башкаланы төзелеп килүче Нусантара шәһәренә күчерү планы тормышка ашырыла.

Президент Җоко Видодо Индонезиянең яңа башкаласы өчен сайлап алынган урынны карый. Көнчыгыш Калимантан провинциясе, декабрь, 2019 ел

Индонезия җитәкчелегенең башкаланы күчерү турындагы карары Джакартада халыкның артык күбәюе, бу мегаполисның инфраструктура һәм экология проблемалары белән мотивацияләнә. Грунт нигезенең масштаблы деформацияләре нәтиҗәсендә Джакартаның елына 25 сантиметр тизлек белән су астына китүен раслаган фәнни тикшеренүләр игътибарга алынган: әлеге тенденция сакланып калса, һәрхәлдә, якындагы ике-өч дистә ел эчендә шәһәрнең яртысына су басу куркынычы яный .

Яңа башкаланы төзү планнары 2019 елда игълан ителгән, шәһәр төзелеше эшләре 2021 елда башланган. Яңа башкала исеме рәсми рәвештә 2022 елның гыйнварында расланган.

Мәдәният

Дин

Индонезия — мөселманнар саны буенча дөньяда беренче урында тора, чөнки индонезиялеләрнең 87 % тан артыгы үзләрен 2010 елгы халык санын алу буенча мөселман дип игълан иткән. Кайсыбер аерым утрауларда башка дин вәкилләре дә бар. 9,87 % — христианнар, 1,69 % (3 млн 528 мең кеше) — һинд дине вәкилләре, 0,72 % — буддачылык тарафдары һәм 0,56 % — башка диннәр вәкилләре. Индонезия Конституциясе рәсми рәвештә ислам, протестантлык, Рим католик динен, буддачылыкны, һинд динен һәм конфуцианлыкны гына таный.

• Индонезиядә ислам