نصیر الدین محمود چراغ دہلوی

نصیر الدین محمود چراغ دہلوی
معلومات شخصیت
پیدائش	سنہ 1274ء   ایودھیا
وفات	13 ستمبر 1356ء (81–82 سال)  دہلی
عملی زندگی
استاذ	خواجہ معین الدین چشتی
پیشہ	شاعر
متاثر	بندہ نواز گیسو دراز

خواجہ نصیر الدین محمود چراغ یا چراغ دہلوی (پیدائش: 1274ء— 13 ستمبر 1356ء) سلسلہ عالیہ چشتیہ کے ممتاز صوفی بزرگ ہیں جنہیں چراغِ سلسلۂ چشت کہا جاتا ہے۔آپ نویں امام حضرت محمد تقی علیہ السلام کی نسل سے تعلق رکھتے ہیں۔

نام و نسب

نصیر الدین چراغ اودھ میں پیدا ہوئے۔ والد کا نام شیخ یحیی تھا۔ آپ کے دادا سید عبد اللطیف سب سے پہلے ہندوستان آئے اور کچھ عرصہ لاہور میں قیام کے بعد اودھ میں مستقل سکونت اختیار کر لی۔ یہیں فیض آباد میں نصیر الدین محمود چراغ دہلوی کی پیدائش ہوئی۔ آپ ابھی نو برس کے تھے کہ والد بزرگوار انتقال فرما گئے۔

تعلیم و تربیت

آپ کی والدہ نے دینی تعلیم کے لیے آپ کو عبد الکریم شیروانی کے پاس بٹھایا۔ ان کی وفات کے بعد آپ افتخار الدین گیلانی کے حلقہ درس میں شامل ہو گئے اور ان سے علوم ظاہری حاصل کیے۔

بیعت و خلافت

چالیس برس کی عمر میں پیر و مرشد کی تلاش میں نکلے۔ دہلی پہنچ کر نظام الدین اولیاء کے دست حق پرست پر بیعت کی۔ شیخ و مربی نے اپنے ہونہار مرید کو علوم باطنی سے نوازا اور جب آپ کو شرعی احکام کی سختی کے ساتھ پابندی فرماتے دیکھا تو خلعت خلافت سے نوازا۔ محبوب الہی نے آپ کو چراغ دہلی کے خطاب سے بھی نوازا۔

زہد و تقوی

چراغ دہلوی اکثر روزے سے رہتے۔ قوالی کو خلاف سنت قرار دیتے۔ سیر الاولیاء کے مصنف لکھتے ہیں کہ مجھے شیخ نصیر الدین چراغ دہلوی کی مجلس سے وہی خوشبو آتی جس طرح کی خوشبو محبوب الہی کی مجلس سے آتی تھی۔

ولایت و قطبیت

شیخ طریقت سُلطان المشائخ، محبوبِ الٰہی خواجہ سیّد محمد نظام الدین اولیاء کی وفات کے بعد دہلی کی ولایت و قطبیت آپ کو منتقل کی گئی۔

وفات و تدفین

نصیر الدین چراغ کا وصال - 18رمضان 757ھ بمطابق 1356ء کو دہلی میں ہوا، جب آپ کے وصال کا وقت قریب آیا تو شیخ رکن الدین کو فرمایا:

”

تمہیں چاہیے کہ مجھے قبر میں اتارتے وقت خرقہ میرے سینے پر، کاسہ سر کے نیچے، تسبیح زیرِ انگشت اور میری پشت کی ایک جانب نعلین اور دوسری جانب عصہ رکھ دینا۔

“

چنانچہ مریدین نے ایسا ہی کیا۔
آپ کا مزار دہلی کی ایک بستی چراغ دہلی میں مرجع خلائق ہے۔

مشہور خلفاء

• سید محمد گیسو دراز
• شیخ کمال الدین
• میر سید محمد ابن جعفر مکی
• سید جلال الدین مخدوم جہانیاں جہاں گشت
• حضرت مولانا خواجگی کالپوی
• اوچی احمد تھانیسری

مزید دیکھیے

• سلسلہ چشتیہ
• تصوف
• مودودچشتی
• خواجہ ولی
• معین الدین چشتی
• برصغیر کی یادگاروں پر فارسی کتبے

بیرونی روابط

• Hazrat Nasir Uddin Mahmud Chiragh Dehlavi Homepageآرکائیو شدہ بذریعہ dargahsharif.com
• Hazrat NasirudDin Mahmud، 'Raushan Chiragh-i-Dihli'، Biography and Dargah detailsآرکائیو شدہ بذریعہ aulia-e-hind.com ۔