Ал-Ҳодий

Ал-Ҳодий, Асл исми Муҳаммад Мусо ибн Муҳаммад Маҳдий (766-786) — Аббосийлар сулоласининг тўртинчи ҳукмдори (785-786). Маҳдийнинг тахтга даъвогар икки ўғли бўлиб, уларнинг бири Журжон волийси Ҳодий, бошқаси Озарбайжон волийси Ҳорун эди. Маҳдий ўзидан сўнг биродаркушлик бўлмаслиги учун, Ҳодийга мактуб юбориб уни укаси Ҳорун фойдасига тахтдан воз кечишни буюрганди. Лекин Ҳодий отасининг гапига қулоқ солмади. Маҳдий ўлгач тахтга ўзи ўтирди. Ҳорун акасини халифа сифатида тан олди. Ҳодий қисқа ҳукмронлиги даврида Маккада яшаётган Али авлодларидан кўпчилигини қатл эттирди. Оқибатда вазири Хайзурон томонидан заҳарлаб ўлдирилди.