Coloradokevre

Coloradokevre
E coloradokever
Taxonomische indêlienge
Domein: Eukaryootn Ryk: Animalia (Beestn) Stamme: Arthropoda (Geleedpotigen) Klasse: Insecta (Insektn) Orde: Coleoptera (Kevers) Familie: Chrysomelidae (Bladkevers) Geslacht: Leptinotarsa
Soorte
Leptinotarsa decemlineata Say, 1824

Coloradokevers zyn e sôorte kevers die ôorsproukelik uut 't zuudn van Nôord-Amerika kommn, verzeker uut Mexico. D'êeste kevers die in Europa eland zyn (1877), kwaamn wel uut Colorado, mei met de patattn.

Uutzicht en leevnswyze

Coloradokevers kommn e goein cantimeiter lank. Ze zyn gilf en en up nundern rik 10 zworte striepn. Ze leggn ollêne eiers at warmer is of zeevntien groadn. In warme landn kunn ze drie kirs per joar tout achtounderd eiers leggn, oul ier mêestol mor êne kê.

De larvn zyn êest grysde, doarachter kommn ze oraje en toune dounkerrôod. 't Zyn surtout de larvn die indeliks vele frettn. Buutn patattn, gebeur et ouk wel eki dan ze eetn an tomatte- of aubergineplantn.

Ze zyn moelik uut te roein omdan ze goed teegn vergif kunn en der zêre resistent teegn kommn.

Geschiedenisse van de verspreidienge

Ôorsprounkelikke verspreidienge van de Coloradokever en de patatte.

Kunstwerk van de coloradokevre in Hédervár, Ongareye

Coloradokevers kommn 'n dag van vadoage vôorn in Nôord- en Middn-Amerika, in Europa, Azië en 't nôorn van Afrika. Ôorsprounkelik wos dat ollêne in Mexico, woa dan ze leefdn van de bloarn van Solanum rostratum, e sôorte van nachtschoa. Toun an der vanuut de Andes patattn inevoerd zyn in Mexico en de Verênigde Stoatn, zyn ze dadde begunn t'eetn.

In Europa

Ol vôorn 1900 zyn der kevers anekommn in Europa (Verênigd Keunienkryk en Duutsland), mo de grôte ploagn zyn me begunn achter 'n Êestn Weireldôorloge. In de joarn '30 van de twientigste êeuwe, moestn schoolkienders en soldoatn up vele plekkn in België kevers van de patatteplantn trekkn en ze kokkeduunn.

Ofbeeldiengn die ier by passn ku je vien in de categorie Leptinotarsa decemlineata van Wikimedia Commons.