维也纳峰会

维也纳峰会（西文：Congreso de Viena），是1814年9月18号开始，一直持续到1815年6月9号个一场欧洲列强大型会议。迭个会议是奥地利有名个外交人物梅特涅串联搞出来个。奥地利想通过迭个会议，获得自家战场高头弗好取得个欧洲新秩序裁判权。事实证明，迭个事体做个蛮成功。会议高头，奥地利帝国、俄罗斯帝国、英国搭普鲁士成为讨论欧洲各地秩序个四大巨头，战败个法国搭日薄西山个西班牙畀排除立在决定圈之外。因为各大势力对自家个利益分配有矛盾，会议断断续续，持续到第二年，直到拿破仑重新窜回法国，并登基建立百日王朝，才让这些巨头重新觉着紧张。最后，会议个决议立在滑铁卢战役开始之前签订。维也纳会议并嘸正式个场面，大会侪无，所有决议是通过列强相互个自家碰头慢慢形成个。